Скандал во БиХ: Сопругата на Изетбеговиќ без диплома била директорка на Клинички во Сараево - Канал 5

Балкан

Скандал во БиХ: Сопругата на Изетбеговиќ без диплома била директорка на Клинички во Сараево

Сенатот на Универзитетот во Сараево донесе одлука со која на Себија Изетбеговиќ, сопруга на лидерот на СДА, Бакир Изетбеговиќ и директорка на Клиничкиот центар во Сараево и професорка на Медицинскиот факултет, ѝ е одземена магистратурата.

Скандал во БиХ: Сопругата на Изетбеговиќ без диплома била директорка на Клинички во Сараево

Ректорот Рифат Шкријељ по седницата на Сенатот изјави дека 30 членови на тоа тело го поддржале предлогот на специјалниот комитет за укинување на магистратурата на Сабија Изетбеговиќ. Во спроведената постапка комисијата утврдила дека нема веродостојни докази дека таа ги положила сите испити кои биле предуслов за стекнување на вакво научно звање.

Пет члена на Сенатот гласале против, а шестмина биле воздржани за донесување на одлуката, по што Изетбеговиќ не може да се жали до универзитетските власти, а има само опција да поведе управен спор пред судот.

„Спорно е дека магистратурата не е доставена до Универзитетот и не постои“, рече Шкријељ, додавајќи дека од Медицинскиот факултет во Загреб нема потврда дека таму ги положила испитите, врз основа на кои потоа добила прием на постдипломски студии на Медицинскиот факултет во Сараево.

Изетбеговиќ се запишала на постдипломски студии во Загреб во 1993 година, но на Медицинскиот факултет на Универзитетот во Загреб не била пронајдена документација за испитите што наводно ги положила таму и врз основа на кои ѝ било дозволено да ги продолжи магистерските студии во Сараево.

Со губењето на титулата магистерски науки се доведува во прашање докторатот што потоа го стекнала Изетбеговиќ, како и нејзината позиција како редовен професор на Медицинскиот факултет во Сараево.

Статусот на директор на Клиничкиот центар ќе зависи од прописите кои важат за таа институција, а Изетбеговиќ на таа функција има мандат до крајот на годинава. Немањето магистерски студии, а потоа аплицирањето за различни позиции беше комплициран процес и, како што рече ректорот, „не секој можеше да се справи“.

Тој потсети дека на Универзитетот во Сараево досега се проверени 22.000 дипломи, а само за Изетбеговиќ на постдипломските студии во документацијата немало потребни потврди за положени испити ниту од Загреб, ниту од Сараево.

Во пресрет на седницата на Сенатот, Себија Изетбеговиќ се заканила дека ќе поднесе тужба против ректорот и сите оние кои ја оспоруваат нејзината титула и тврдела дека имало обид за справување со политички мотиви поради нејзината вмешаност во Партијата за демократска акција (СДА).

„Ректорот Рифат Шкријељ упорно води политички мотивирана хајка, злоупотребувајќи ја функцијата што ја има со цел да го оттргне вниманието на јавноста од сопствениот спорен академски напредок, а особено од незаконски стекнатата диплома на неговиот политички шеф Елмедин Конаковиќ“, рече Изетбеговиќ, чија партија претходно тврдеше дека актуелниот министер за надворешни работи нема валидна диплома. Тие наводи никогаш не се докажани.

По седницата на Сенатот, Шкријељ изјави дека очекува продолжување на нападите врз него за одземање на дипломата на Изетбеговиќ, но дека поради тоа нема да се откаже од санкционирањето на незаконитоста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада донесе одлука: Се намалува ДДВ-то за горивата од 18 проценти на 10 проценти

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Влада донесе одлука: Се намалува ДДВ-то за горивата од 18 проценти на 10 проценти

Владата на денешната седница, донесе Одлука со која ДДВ се намалува од 18% на 10%, со цел директно да се ублажи ценовниот удар врз граѓаните и стопанството во услови на кризна состојба поради можноста за нарушувања во снабдувањето со нафта и нафтени деривати.

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Кај нафтата, наместо редовното очекувано зголемување од околу 5 денари, со оваа мерка се очекува намалување од околу 2 денари. Тоа значи вкупно ублажување на ценовниот удар од околу 7 денари, при што новата цена би изнесувала околу 99 денари за литар.

Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за бензинот ЕУРОСУПЕР БС-95, односно 102,5 денари за литар за бензинот ЕУРОСУПЕР БС-98.

Повластената даночна стапка од 10% ќе се применува од 00:01 часот на 15 септември 2026 година до 24:00 часот на 28 септември 2026 година.

Со оваа одлука Владата презема конкретна и навремена мерка за заштита на животниот стандард на граѓаните, намалување на финансискиот товар и поддршка на стопанството во услови на кризна состојба.

Владата продолжува внимателно да ги следи состојбите на пазарот на нафтени деривати и да презема мерки во интерес на граѓаните и економијата.

Тагови: влада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер