Скандал: Хулигани на Ајачио нападнале 8-годишно дете со тумор,го удриле и му го запалиле дресот

Францускиот прволигаш Ајачио излезе со соопштение за нападот на навивачите на тој клуб врз момчето Кензо (8) на натпреварот со Марсеј во последното, 38. коло од францускиот шампионат.

Ајачио со 1:0 го победи тимот на тренерот Игор Тудор, за кого тоа беше последен натпревар на клупата на клубот. И покрај ова, Ајачио испаѓа бидејќи е на 18-то место.

„На 25 април Ајачио имаше задоволство да биде домаќин на малиот Кензо, кој има тумор на мозокот. Неговиот сон беше да се сретне со играчите на Марсеј, клубот на неговиот град и срце. Кензо и неговото семејство беа поканети за момчето да може го оствари својот сон за време на натпреварот. Сонот се оствари, но набрзо се претвори во кошмар бидејќи Кензо и неговото семејство, кои дојдоа во дресовите на Марсеј, беа срамно нападнати од поединци кои упаднаа во нивната просторија.

Обезбедувањето на клубот се грижеше за Кензо и неговото семејство така што ги придружуваше до соблекувалната за момчето да го исполни својот сон. Тие напаѓачи во никој случај не ги претставуваат вредностите на нашиот клуб. Ништо не може да го оправда ваквото однесување! Клубот најостро ги осудува невидените постапки!

АЦ Ајачио ќе ги открие деталите за овој срам. Штом нашите служби ќе ги идентификуваат виновниците, ќе поднесеме пријава против нив. Ајачио соработува со малиот Кензо и неговите родители“, се вели во соопштението на францускиот клуб.

Кензо е повреден во нападот на десетина навивачи, а неговиот татко добил два удари пред насилно да им бидат соблечени и запалени дресовите на Марсеј, објавија француските медиуми. „Бидејќи мислев дека сме безбедни, му дозволив на Кензо да го облече дресот. Мојот сопруг го фати за рака за да му ги покаже играчите кои излегоа на теренот. И сѐ тргна наопаку.

Го турнаа мојот син, кој потоа ја удри главата во оградата. Ја удриле сопругата по лицето, на детето му го скинале дресот и го запалиле. Пред да излезат од соблекувалната, дури ни плукаа по храната. Кензо е свесен дека е тешко болен. Поради туморот го губи видот. Тој ми рече: „Пред целосно да ослепам, сакам да го видам Марсеј во Ајачио“. Поради тие будали, тој е истрауматизиран“, изјави мајката на Кензо, Амандин за Корс-Матин.

@hibboutv9 #kenzo #ajaccio #marseille ♬ son original - HibbouTV

И пред натпреварот се судрија навивачи на двата француски клуба, при што новинар од телевизискиот канал Франс 3 беше погоден во главата и пренесен во болница. Стефани Фридман од списанието L'Alsace објави на Твитер: „Кензо и неговото семејство им се заблагодаруваат на сите за поддршката. Тој донекаде се утеши со средбата со својот идол Матео Гуендузи“.

Најмалку тројца ранети и осум уапсени демонстранти пред резиденцијата на Нетанјаху во Ерусалим

Најмалку три лица се повредени, а осум се уапсени доцна синоќа во Ерусалим во жестоки судири меѓу демонстрантите и полицијата пред приватната резиденција на израелскиот премиер Бенјамин Нетанјаху, објавија израелските медиуми.

Според „Тајмс оф Израел“, полицијата употребила водени топови за да ги растера демонстрантите. Илјадници демонстранти излегоа на улиците на Ерусалим претходно за да го изразат својот протест против владата на Нетанјаху поради неуспехот да постигне договор за заложниците, јави ДПА.

На протест пред зградата на Кнесетот (израелскиот парламент) демонстрантите повикаа на предвремени избори, како и на договор за олеснување на ослободувањето на преостанатите израелски заложници кои се држат во Појасот Газа.

Владата на Нетанјаху ја сочинуваат неговата десничарска верска партија Ликуд, како и екстремно десничарски и ултра-религиозни коалициски партии. /МИА

Новата рекламна кампања на Бајден вредна 50 милиони долари е насочена кон осудата на Трамп

Предизборниот штаб на американскиот претседател Џо Бајден ќе се фокусира кон пресудата за кривично дело на републиканскиот противкандидат Доналд Трамп во кампања од 50 милиони долари пред првата претседателска дебата меѓу двајцата кандидати на 27 јуни

Тоа е еден од најголемите трошоци за рекламирање на кампањата досега и означува голема промена во пристапот на Бајден кон признавањето на вината на Трамп по првичното колебање на претседателот да донесе одлука за ова прашање за да избегне вмешаност во правните проблеми на поранешниот американски претседател.

„Репутацијата е важна“ е слоганот на рекламата од 30 секунди во која се вели дека „овие избори се меѓу осудениот криминалец кој се бори за себе и претседателот кој се бори за вашето семејство“, правејќи спротивставеност меѓу двајцата кандидати.

Видеото ќе се емитува во сите клучни држави, како и во оние каде што републиканците и демократите си разменија пратенички места на последните избори.

На 30 мај, Трамп беше прогласен за виновен од поротата во Њујорк по 34 точки од обвинението за фалсификување деловни документи.

-Нечесниот Џо Бајден и демократите го користеа правосудниот систем како оружје против претседателот Трамп, а оваа нова реклама уште еднаш докажува дека лажното судење отсекогаш имало за цел да се меша во изборите, но Американците можат да го сфатат тоа, напиша на социјалните мрежи портпарол на кампањата на Трамп на мрежата „Х“.

Бајден и Трамп остануваат изедначени во анкетите на помалку од пет месеци пред изборите, но Трамп има предност во клучните држави кои ќе одлучуваат за изборите./МИА

Бостон ги надмина Лејкерси и постави нов рекорд за најмногу титули во НБА

Бостон изутрина на свој терен го победи Далас со 106:88 во петтиот меч од финалето на НБА и по 18-ти пат во историјата стана шампион. 

Најпродуктивен играч на средбата беше домашниот играч Џејсон Тејтум, кој постигна дабл-дабл со 31 поен и 11 асистенции. Кај Маверикс се истакна Лука Дончиќ со 28 поени и 12 скока.

Селтикси серијата ја завршија со 4:1 во победи и сега имаат најмногу шампионски титули во историјата на лигата, надминувајќи ги Лејкерси, кои освоија 17.

Трет на оваа листа е Голден Стејт вориорс кои седум пати победувале во НБА плејофот.

Бостон претходно ги освои титулите во 1957, 1959, 1960, 1961, 1962, 1963, 1964, 1965, 1966, 1968, 1969, 1974, 1976, 1989, 1989, 1984, 1981.

Џејлен Браун беше прогласен за МВП на финалето. Дваесет и седумгодишниот Американец во серијата од пет натпревари имаше просек од 20,8 поени, 5,4 скока и 5 асистенции. /МИА

притисни ентер