Македонија

СЈО ќе добие неограничен мандат, но без бомбите како докази

СЈО ќе добие неограничен мандат, но како обвинителство во рамки на редовното, на чело со Љубомир Јовески. Веќе отворените предмети ќе продолжи да ги застапува, но без бомбите како докази.

Клучната новина во предлогот Законот за Јавно обивнителство е што Специјалното јавно обвинителство ќе добие надлежност да продолжи да ги води и предметите што ги отвори по јуни 2017-та, кои беа оспорени со начелното мислење од Врховниот суд.. Но, во овие истраги СЈО нема да може да ги користи бомбите како докази.. Ова би значело дека предметот Талир, кој се однесува на незаконското финансирање на ВМРО-ДПМНЕ, како и слуачите во кои се осомничени АЛи Ахмети, Бујар Османи, Зоран Стврески, Антонио Милошоски и Стевчо Јакимовски, ќе дочекаат судење само доколку СЈО обезбеди материјални и друг вид докази.. Во рацете на СЈО останува и случајот Империја во кој обвинети се вчера ослободените од притвор Орце Камчев и останатите од групата. И во овој случај бомбите нема да може да се користат како докази, но СЈО неодмна на брифинг уверуваа дека поседуваат доволно материјални докази, обезбедени меѓу другото и со меѓународна правна помош..

Исто така, СЈО ќе има рок до септември 2020 година да ги слуша бомбите и дотогаш да ги искористи само како индиции за сторени кривични дела.

„Материјалите од незаконското следење на комуникациите специјалното јавно обвинителство може да ги обработува најдоцна до 15.09.2020 година и истите може да се користат како доказ само во предметите за кои се поднесени обвиненија до 30 јуни 2017 година“. - стои во Членот 105 од Законот за Јавното обвинителство пропишува:

Законот предвидува бомбите кои не се дадени како докази во судовите да се чуваат во Специјалното јавно обвинителство една година по правосилното завршување на сите постапки, а потоа да бидат уништени согласно одредбите за уништување на материјалите од посебните истражни мерки..

Доколку предлог законот биде усвоен, СЈО во идина ќе биде дел од редовното обвинителство, но автономно и задолжено да гони висок профил на корупција и криминал, однсно ќе биде задолежно за гонење на избраните или именувани функционери.. Државниот обвинител нема да има право да им одземе предмети, но ќе одлучува во случај на судир на надлежности на СЈО со останатите обвинителства, како на првимер тоа за органзиран криминал и корупција.

Мандатот на Јанева предвидено е да трае уште една година.. Следниот специјален обвинител со мандат од 4 години би го бирал Советот на јавни обвинители, а не собранието...

Шоу биз

Јелена Карлеуша најави што ќе објавува на „OnlyFans“: Тоа не е дозволено на „Instagram“

На „Instagram“  ја следат речиси два ипол милиони следбеници, но и покрај тоа, оваа социјална мрежа има многу ограничувања, кои се „проблем“ за Јелена Карлеуша.

Иако многумина се надеваа дека содржината на пејачката на „OnlyFans“ ќе биде многу поексплицитна, таа проговори на оваа тема и објасни за што всушност се работи.

„Instagram ги заостри правилата и ја санкционира секоја поексплицитна содржина, па дури и фотографии во бикини. Затоа сум на „OnlyFans“. Реакциите се како да најавив снимање на порно, секакви работи“, изјави Јелена Карлеуша за Информер. .

Извор: Аваз

Автомобилизам

Членките на ЕУ одобрија построги ограничувања за CO2 за камиони и автобуси

Земјите-членки на Европската унија денеска одобрија нов закон со кој ќе се заострат ограничувањата за емисиите на јаглерод диоксид (CO2) од тешките патни возила, како камиони и автобуси.

Како што пренесе ДПА, законот ќе ги прошири правилата согласно кои моментално се регулираат камионите со тешки товари за да ги опфатат урбаните автобуси, автобусите и приколките.

Просечните емисии на CO2 за големите патни возила треба да се намалат за 45 проценти до 2030 година, 65 отсто до 2035 година и 90 проценти до 2040 година, во споредба со нивоата од 2019 година. Урбаните автобуси не би требало воопшто да испуштаат CO2 до 2040 година и да ја исполнат целта за намалување од 90 отсто до 2030 година.

Ограничувањата беа привремено договорени во јануари од Белгија, дејствувајќи во име на земјите-членки на ЕУ и преговарачите за Европскиот парламент. Највисоките дипломати потоа му дадоа зелено светло на тој договор во февруари, отворајќи го патот за позитивно гласање во Европскиот парламент во април.

Денешната одлука на министрите од земјите-членки е последниот чекор. Се очекува Европската комисија да го разгледа влијанието на законот во 2027 година.

Во соопштението за печатот на ЕУ се вели дека тешките возила се одговорни за 25 отсто од емисиите на стакленички гасови од патниот транспорт во ЕУ. Првите ограничувања за такви возила беа поставени во 2019 година. /МИА

Свет

Британскиот крал Чарлс му предаде воена улога на принцот Вилијам

Британскиот крал Чарлс официјално му ја предаде улогата на врховен полковник на армискиот воздушен корпус на принцот Вилијам за време на посетата на аеродромот во Хемпшир.

Чарлс, кој е инаугуриран носител на оваа титула веќе 32 години, попладнево се сретна со својот најстар син во редок заеднички официјален ангажман во базата Мидл Валоп за да му ја пренесе улогата.

Воздухопловниот корпус на Армијата е старата единица на војводата од Сасекс, во која служеше како командант на хеликоптер Апачи и копилот-стрелец за време на неговата втора воена служба во Авганистан во 2012 година.

Одлуката на кралот да му ја предаде улогата на Вилијам се сметаше за удар за Хари кога беше објавена минатата година.

Кралот рече дека е „голема радост“ да се сретне со војниците, нивните семејства и ветерани при претходна посета на Музејот на военото воздухопловство, но додаде дека предавањето било „преплавено со голема тага“.

- Се надевам дека во иднина ќе бидете се поуспешни со принцот од Велс како ваш нов врховен полковник, рече крајот Чарлс.

- Одлична работа е што тој навистина е многу добар пилот – па тоа е охрабрувачки, додаде британскиот крал. /МИА

притисни ентер