Системот за противвоздушна одбрана и модернизација на Ф-16 во фокусот на грчкиот владин совет за национална безбедност - Канал 5

Балкан

Системот за противвоздушна одбрана и модернизација на Ф-16 во фокусот на грчкиот владин совет за национална безбедност

Владиниот совет за национална безбедност, денеска донесе низа исклучително важни одлуки по предлозите од Министерството за национална одбрана.

Системот за противвоздушна одбрана и модернизација на Ф-16 во фокусот на грчкиот владин совет за национална безбедност

Антидронската, противвоздушната и антибалистичката „купола“ дел од грчката „Железна купола“ под името „Штитот на Ахилеј“, како и модернизација на фрегати и Ф-16, биле темите за кои се разговарало и донело одлука на денешниот состанок на владиниот совет за национална безбедност, што го свика грчкиот премиер, информираше министерот за национална одбрана на Грција Никос Дендиас, јави дописничката на МИА од Атина.

- Владиниот совет за национална безбедност, денеска донесе низа исклучително важни одлуки по предлозите од Министерството за национална одбрана, пред сè во однос на антидронската, противвоздушната и антибалистичката „купола“ на нашата татковина, еден многу важен дел од „Штитот на Ахилеј“ заедно со соодветниот „Command & Control“, со што мислам дека преминуваме во нова ера, посочи Дендиас по завршувањето на состанокот.

Објасни дека била одобрена модернизација на фрегатите ΜΕΚΟ и на воените авиони Ф-16 Блок 50 во F-16 Вајпер, со што рече дека заедно со француските Рафал „грчкото воздухопловство ќе биде едно од најмоќните во Европа“.

Дополнително ги разгледале и инфраструктурите за Ф-35, при што потсети дека првиот воен авион од овој тип, од САД ќе биде испорачан во 2028 година, а разговарале и за транспортните авиони и било одобрено одржување на Ц-27, во рамки на програмата „Follow-On Support“.

Портпаролот на грчката Влада Павлос Маринакис, по состанокот соопшти дека на владиниот совет за национална безбедност биле одобрени програми за армијата, а министрите за надворешни работи, Јоргос Герапетритис и за национална одбрана, Никос Дендиас информирале за последните дипломатски и воени случувања во Иран и на Блискиот Исток.

Тагови: Ф-16

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена облачност

Времето утре ќе биде сончево со мала до умерена локална облачност. Ќе дува слаб до умерен ветер од северен правец.

Утре сончево со мала до умерена облачност

Минималната температура ќе биде во интервал од 7 до 16, а максималната ќе достигне од 23 до 30 степени.

Во Скопје, претежно сончево. Ќе дува слаб до умерен ветер од северен правец. Минималната температура ќе се спушти до 11, а максималната ќе достигне до 28 степени.

До крајот на новата работна седмица ќе се задржи посвежо и претежно сончево време со мала до умерена облачност во текот на денот. Во вторник наместа во северните делови ќе има услови за повремен дожд. До среда ќе дува слаб до умерен ветер од северозападен правец, а потоа ветерот ќе го смени правецот во југоисточен.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожарот на Брач ​​сè уште активен: Евакуирани речиси 700 луѓе

Пожарот е сè уште активен на хрватскиот остров Брач, две лица се повредени, а речиси 700 луѓе се евакуирани, додека населбата Милна е спасена од пожарот, изјави денес началникот на противпожарната служба Славко Туцаковиќ.

Пожарот на Брач ​​сè уште активен: Евакуирани речиси 700 луѓе

Тој рече дека постара жена, која паднала од чамец за време на евакуација и речиси се удавила, е во критична состојба, додека другото повредено лице е млад човек кој вдишал чад.

Туцаковиќ истакна дека ситуацијата на местото на пожарот на Брач ​​утрово била помирна, иако сè уште дува ветер, по тешката ноќ во која пожарникарите ги бранеле куќите од пожарот, и дека, и покрај нивните напори, неколку згради биле оштетени, објави Индекс.

Туцаковиќ рече дека четворица канадери учествуваат во гаснењето на пожарот од воздух.

Хрватската противпожарна служба претходно објави дека пожарот се приближил до Милна поради ветер и дека сите расположиви противпожарни сили се ангажирани во гаснењето на пожарот и спречувањето на ширењето на пожарот кон самото населено место. Ветерот влијаел врз ширењето на пожарот кон јужната страна на Брач ​​на тешко пристапен терен покриен со густа вегетација, се вели во соопштението.

Тагови: пожар Брач

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Превентивни активности на полицијата за унапредување на безбедноста на граѓаните

Денеска (13.09.2026), полициски службеници од СВР Тетово и СВР Битола спроведоа превентивни активности насочени кон подигнување на свеста кај граѓаните за одговорно однесување и почитување на безбедносните правила.

Превентивни активности на полицијата за унапредување на безбедноста на граѓаните

Полициски службеници од Отсекот за превенција и Полициската станица за безбедност на патниот сообраќај при СВР Тетово, на автопатот Скопје-Тетово-Гостивар, на наплатните рампи Желино и Тетово, спроведоа превентивна активност под мотото „Стави појас – вози одговорно“.

Преку делење едукативни летоци, возачите и сопатниците беа потсетени дека користењето на сигурносниот појас е пред сè за нивна лична безбедност и значително влијае врз последиците од евентуални сообраќајни незгоди. Воедно, беа информирани и за прекршочните одредби со кои се предвидува санкционирање за некористење сигурносен појас.

Во исто време, полициски службеници од СВР Битола, во содејство со Шумската полиција, спроведоа превентивни активности на подрачјето на Општина Могила и во селата Будаково, Трап и Ношпал, насочени кон превенција и заштита од пожари.

На граѓаните им беше укажано на опасностите од несовесно однесување и предизвикување пожари, како и на потребата од зголемена внимателност при престој во шумски и земјоделски подрачја.

Тагови: Превентивни активности

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер