Малиот Зулфикар Ибрахим дефинитивно, има една посебна моќ, а тоа е дека на стомакот може да “залепи“ било каков метален предмет.
Детето, кое побегнало од сирискиот град Латакија, станало познато откако е откриено дека има способност да привлекува метални предмети, кои како магнет се лепат за неговиот стомак.
Неговите баба и дедо се надеваат дека овој “магнетизам“ кој детето го поседува нема да влијае на неговото здравје.
„Загрижени сме поради овој феномен. Да бидеме искрени, не би сакале на било кој начин да му влијае во иднина. Бидејќи Русија е специјализирана за вакви случаи, сакаме нивните експерти да го испитаат и да ни објаснат за што станува збор и каков вид на биолошка енергија тој поседува“ – изјавил неговиот дедо.
Малиот Ибрахим изјави дека забележал дека поседува “супермоќ“ кога му паднала лажицата додека јадел супа, која неговиот стомак моментално ја привлекол.
„Јадевме, лажицата падна. Сакав да ја подигнам, но таа се залепи за мојот стомак. Мојот дедо ја тргна од стомакот, ја избриша и ја стави на маса. Ја земав и виљушката, лажицата и повторно ги залепив за стомакот. Мојот стомак привлекува се што има метал во себе. После јас и тетка ми баравме на Јутуб да видиме дали има уште некој кој може тоа да го направи. Се покажа дека има многу случаи како мене“ – изјави за „РТ“.