Сириската армија подготвува офанзива против Курдите на северот и истокот од земјата - Канал 5

Свет

Сириската армија подготвува офанзива против Курдите на северот и истокот од земјата

Според изворите, по петдневните борби во градот Алепо минатата недела меѓу СДФ и сириската армија, во кои загинаа најмалку 23 лица, сега се заканува поширок конфликт.

Сириската армија подготвува офанзива против Курдите на северот и истокот од земјата

Сириските сили се подготвуваат да започнат напади врз градовите на северот и истокот од земјата контролирани од курдските борци за да извршат притисок врз курдските власти да направат отстапки поради застојот во разговорите со владата во Дамаск, изјавија денеска за британските медиуми извори запознаени со ситуацијата.

Според изворите, по петдневните борби во градот Алепо минатата недела меѓу СДФ и сириската армија, во кои загинаа најмалку 23 лица, сега се заканува поширок конфликт.

Изворите наведуваат дека пет дивизии на сириската армија би можеле да учествуваат во потенцијалната офанзива, насочени кон областите контролирани од Курдите во провинциите Алепо и Деир ел-Зор.

Сириската армија веќе распореди сили во областа Деир Хафера и побара од Сириските демократски сили (СДФ) предводени од Курдите да се повлечат источно од реката Еуфрат, отворајќи хуманитарен коридор за цивилите.

СДФ го осуди зголемувањето на трупите и рече дека се спротивставува на каков било воен конфликт, додека Вашингтон наведува дека е во постојан контакт со сите страни за намалување на тензиите и продолжување на преговорите.

По конфликтот во Алепо, последните курдски борци го напуштија градот во раните утрински часови на 11 јануари, со што заврши курдската контрола врз два дела од градот што ја држеа од почетокот на војната во Сирија во 2011 година.

Лидерот на СДФ, Мазлум Абди, изјави дека е постигнат договор со меѓународно посредништво, што обезбедува безбедна евакуација на загинатите, „ранетите, заробените цивили и борци“ од овој град.

Судирите избувнаа по повеќемесечни преговори минатата година за интеграција на курдските воени и цивилни структури во државните институции до крајот на 2025 година, со минимален напредок.

Во март 2025 година, курдските сили од СДФ, кои контролираат поголем дел од североисточна Сирија и имаат десетици илјади борци, потпишаа договор со сириската Влада за интегрирање на сите воени и цивилни институции во сириската држава.

Двете страни меѓусебно се обвинуваа дека се обидуваат да ги попречат преговорите што следеа, а договорот за интеграција на СДФ во сириската Влада сè уште не е спроведен.

САД ги повикаа двете страни да избегнат ескалација и да се вратат на преговорите, велејќи дека конфликтот би ја загрозил стабилноста на Сирија и поширокиот Блиски Исток, како и напорите за спречување на враќањето на екстремистите од Исламска држава.

Шефот на турската дипломатија, Хакан Фидан, изјави дека СДФ треба да покаже добра волја со повлекување од спорните области, предупредувајќи дека во спротивно сириската Влада би можела да прибегне кон сила.

Сириските власти предупредуваат дека ширењето на конфликтот во Деир ел-Зор би можело да ги вклучи и локалните арапски племиња, незадоволни од нивната позиција под курдска власт.

Тагови: Курди

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Зверев на тронот во Њујорк за втора Грен слем круна

Германскиот тенисер Саша Зверев го освои Ју-Ес Опен, триумфирајќи во финалето над Бен Шелтон – 6:3, 7:6 (2), 5:7, 6:2.

Зверев на тронот во Њујорк за втора Грен слем круна

Со победата во Њујорк, Зверев ја освои втората Грен слем титула во кариерата, по онаа освоена во Париз оваа година. Ова беше негово второ финале во Њујорк во кариерата.

Пред шест години загуби од Доминик Тим, иако водеше со 2-0 во сетови.

На патот до трофејот, Зверев ги победи и Лоренцо Сонего и Квентин Алис – и двајцата по пет сета – како и Алехандро Табило, Лучано Дардери, Ботик ван де Зандшулп и Карен Хачанов со максимален резултат.

Најдобриот резултат во кариерата на Шелтон на Грен слем турнирите ќе му донесе највисок пласман во кариерата – четвртото место – почнувајќи од понеделник.

„Сè до оваа година не освоив ниту една титула, а сега освоив две во истата година. Мислам дека Бог виде колку напорно работевме и низ каква болка поминавме. 2026 година е резултат на сите претходни години. Ви благодарам на сите; немаше да бидам овде без вас. Сакам да ѝ се заблагодарам и на уште една личност која никогаш не ги гледа моите натпревари – тоа е најважната личност во мојот живот. Кога на четиригодишен син ќе му дијагностицираат дијабетес, потребна е силна мајка за да излезе од таа ординација и да каже: ’Мојот син ќе биде она што сака да биде; ако сака да биде тенисер, ќе биде тенисер‘. Среќен сум поради она што го правиме. Мајка ми е најважната и најсилната личност што ја познавам; потребна е навистина силна личност за да се направи она што го направи таа“, рече емотивниот Зверев во шампионскиот говор.

Тагови: Зверев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судењето за пожарот во дискотеката „Пулс“ во Кочани

Денеска во судницата во Идризово при Основниот кривичен суд Скопје треба да продолжи судењето за пожарот во дискотеката „Пулс“ во Кочани, во кој загинаа 63 лица, а над 200 беа повредени.

Продолжува судењето за пожарот во дискотеката „Пулс“ во Кочани

Случајот се наоѓа во доказна постапка и треба да продолжи со вкрстено испрашување од одбраната на тимот градежни вештаци, кои го изработиле градежното вештачење на обвинителството.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Русики дрон удри во украински воз кратко откако Борис Џонсон, Карл Билд и високи европски претставници ја напуштија станицата

Руски дрон удрил воз во близина на украинско-полската граница, кратко откако поранешниот британски премиер Борис Џонсон и поранешниот премиер на Шведска Карл Билд и високи европски безбедносни претставници поминале низ неа.

Русики дрон удри во украински воз кратко откако Борис Џонсон, Карл Билд и високи европски претставници ја напуштија станицата

Нема информации за жртви по ударот кај Јаходин, во кој беше погодена локомотивата на возот. Сите патници се евакуирани, соопштија украинските власти.

Билд,Џонсон и други европски советници за национална безбедност, вклучувајќи го и британскиот советник Џонатан Пауел, поминале по истата линија во друг воз на враќање од конференција во Киев.

Русија соопшти дека погодила „железничка инфраструктура“ во западна украина, но украинската државна железничка компанија соопшти дека „сосема е можно целта на овој дрон да бил дипломатскиот воз“.

Поранешниот шеф на ЦИА, Дејвид Петреус, кој во времето на нападот се наоѓал во друг воз на станицата Јаходин, рече дека инцидентот бил „застрашувачки“.

Возот „ја напуштил станицата порано од очекуваното поради промената на возниот ред... Поради постојаните закани за руски напади“.исто така, се наведува дека наредба за евакуација на патниците во погодениот воз била дадена „само 15 минути“ пред нападот од страна на руски дрон со млазен погон.украинскиот министер за надворешни работи Андриј Сибиха рече дека „варварските напади“ на украинско-полската граница во Јаходин се еднакви на „терористичко тропање директно на вратите на ЕУ и НАТО“„

Тагови: дрон русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер