Сирија започна голема безбедносна операција против терористичката ИД пред посетата на Ал Шара на Белата куќа - Канал 5

Свет

Сирија започна голема безбедносна операција против терористичката ИД пред посетата на Ал Шара на Белата куќа

Сирија најави почеток на национална безбедносна кампања против терористичката милиција „Исламска држава“ (ИД), непосредно пред значајната посета на привремениот претседател Ахмед ал Шара на Белата куќа, пренесе ДПА.

Сирија започна голема безбедносна операција против терористичката ИД пред посетата на Ал Шара на Белата куќа

Ал Шара треба да се сретне со претседателот на САД, Доналд Трамп, во Белата куќа утре, што ја означува првата таква посета по независноста на Сирија во 1946 година.

Безбедносната акција на Сирија против „Исламска држава“ резултираше со „неутрализирање“ на еден член на екстремистичката милиција и повремен член на владините безбедносни сили, соопшти доцна синоќа сириски функционер.

- Операцијата беше превентивна, насочена кон ќелиите на Даеш [Исламска држава] во повеќе региони и провинции, изјави портпаролот на сириското Министерство за внатрешни работи, Нуредин ал Баба, за државната телевизија „Ал Икбарија“.

Тој додаде дека кампањата вклучила 61 рација, при што биле приведени 71 осомничен припадник на „Исламска држава“ низ цела Сирија.

Во 2014 година, „Исламска држава“ презеде контрола врз големи делови од Сирија и соседниот Ирак.

САД започнаа операција за борба против екстремистичката група, при што американската војска, заедно со сојузниците, изврши илјадници воздушни напади во двете земји.

„Исламска држава“ се смета за воено поразена, но се проценува дека 2.500 нејзини оперативци сè уште се активни во двете земји.

За време на посетата на Белата куќа, се очекува Ал Шара да потпише декларација со која Сирија официјално ќе се приклучи на коалицијата предводена од САД против „Исламска држава“.

Во декември минатата година, Ал Шара командуваше со бунтовнички сојуз предводен од исламисти кој го собори долгогодишниот сириски владетел Башар ал Асад, кој пребегна во Русија.

Во петокот, САД ги укинаа санкциите што му беа наметнати на Ал Шара. Тој беше на американската листа на санкции од 2013 година.

Тагови: Сирија Ал Шара

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Непроштено ќе се одбележат 25 години од киднапирањето и свирепото убиството на жителите

Во тетовското село Непроштено денеска ќе се одбележат 25 години од киднапирањето и свирепото убиството на жителите на ова населено место.

Во Непроштено ќе се одбележат 25 години од киднапирањето и свирепото убиството на жителите

Комеморацијата ќе се одржи во спомен-паркот со панихида и полагање цвеќе пред спомен-обележјето.

Потоа ќе следува и обраќање на иницијативниот одбор.Со ова се одбележува годишнина од свирепото убиство на Стојан Михајловски, како и од исчезнувањето на крсто гоговски, цветко михајловски и васко Михајловски кои се дел од 12-те македонци киднапирани во 2001 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Закони за високото образование и студентскиот стандард на дневен ред во Собранието

Четири закони што се однесуваат на високото образование, студентскиот стандард и научноистражувачката дејност ќе се најдат пред пратениците на  седница на Собранието.

Закони за високото образование и студентскиот стандард на дневен ред во Собранието

Меѓу точките на дневниот ред е предлог-законот за изменување и дополнување на законот за студентскиот стандард, кој ќе се разгледува по скратена постапка.

Пратениците ќе дебатираат и за предлог-законот за обезбедување квалитет во високото образование и науката, кој е во фаза на прво читање.на седницата ќе бидат разгледани и предлог-законот за научноистражувачката дејност, како и предлог-законот за високото образование, кој исто така е ставен на дневен ред во прво читање.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Видео: Хаос во Истанбул: Песочна бура го погоди градот

Силна песочна бура го зафати Истанбул вчера.

Видео: Хаос во Истанбул: Песочна бура го погоди градот

Силна песочна бура го зафати Истанбул вчера, пред да почне поројниот дожд,небото се затемнило, ветерот корнел дрвја и кревал покриви, а возачите се соочиле со тешкотии поради намалената видливост предизвикана од облаците прашина.

Поради силниот ветер и неповолните временски услови, некои авиони што се обидувале да слетаат на аеродромите „Истанбул“ и „Сабиха Ѓокчен“ биле принудени да кружат во воздухот, објави порталот „Сон Саика“.

Деца што си играле на улицата и еден минувач за малку ќе настрадале откако силниот ветер откорнал дел од покрив во истанбулската општина Есенлер; инцидентот бил снимен од безбедносна камера, пренесува „ТРТ Хаберлер“.

Силниот јужен ветер подигна високи бранови во близина на Ускудар, што им го отежна движењето на граѓаните долж крајбрежјето.

Ветарот откорна дел од шатор поставен на плажата, кој падна врз едно лице. Во центарот на Истанбул, во областа Фатих (населба Лалели), дрво падна на патот и предизвика краткотраен застој во сообраќајот.

Во населбите Зејтинбурн и Бејоглу ветрот откорна покриви од згради, а дрво што падна на улица во Бахчелиевлер удри во паркиран автомобил.

Бурен ветер проследен со слаб дожд на одредени места уследи по топлотниот бран, за време на кој температурата во Истанбул надмина 35 степени.

Метеорологот Адил Тек изјави за „Сабах“ дека од правец на Бугарија и Романија кон Турција се движи нов систем што носи дожд; тој во текот на вечерта најпрвин ги зафати Едрене и Киркларели, а потоа дождот ќе ја зафати цела Тракија, особено европскиот дел и северните делови на Истанбул.

Тагови: Истанбул

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер