Синот на Шумахер му се нафрли на возачот, чиј татко плаќа за да вози: Сака ли да не убие?

Мик Шумахер во последното коло од трката во Азербејџан го престигна клупскиот колега Никита Мазепин и заврши на 13. место.

Со тоа, синот на легендарниот Михаел Шумахер во својата дебитантска сезона продолжи да го победува Мазепин, Русинот чии настапи во Формула 1 ги овозможи неговиот татко милијардер. Таткото на Никита бил единствениот кој сакал да инвестира сериозни пари во тимот на Џeин Хас, а тој ќе плаќа по 20 милиони долари по сезона за забавата на неговиот син.

Врската помеѓу Шумахер и Мазепин не изгледа толку добро. Ова било откриено на крајот на трката во Баку. Шумахер започнал да го престигнува својот клупски колега, а потоа Мазепин одеднаш се придвижи надесно, туркајќи го Шумахер во ѕидот со брзина од 300 км на час.

"По ѓаволите, што беше ова? Дали е ова фер и искрено? Сериозно? Дали сака да нè убие?!" извикуваше преку радио инаку смирениот Шумахер.

„Го видовме сето тоа, свесни сме за тоа“, се обиде да го увери Гери Ганон од тимот на Хас.

Во Русија се избришани 150 сајтови на кои се нудат лажни сертификати за вакцинација

Оваа година, руското тело за надзор на телекомуникациите блокирало или избришало 150 страници со реклами и понуди за лажни сертификати за вакцинација против ковид-19, соопштило денеска надзорното тело за агенцијата ТАСС.

„Во 2021 година, врз основа на судски одлуки или барања за гонење, околу 150 сајтови во Русија беа затворени или блокирани затоа што нудеа лажни сертификати за вакцинација“, се вели во соопштението на надзорниот орган.

Сè на сè, од почетокот на 2020 година, повеќе од 1.000 материјали што содржат лажни информации за коронавирусот биле избришани или блокирани.

Македонски државјанин е фатен во Драч со 300 килограми кокаин

Во Драч, Албанија биле откриени и запленети околу 300 килограми кокаин, скриен во кутии со логоа на Чикаго Булс, Пари сен Жермен и Диор, при контрола на македонски камион што превезувал железо.

Информацијата е објавена и на официјалниот фејсбук профил на албанската полиција.

Дрогата била сокриена во камион со македонски ознаки, што требало да замине за Италија. Како што информираат од албанската полиција, со камиотнот управувал македонскиот државјанин 40-годишниот Н.А. кој веднаш бил уапсен.

Според албанските медиуми , возачот на камиониот е македонскиот државјанин Назиф Ајроски , а дрогата требало да стигне во Неапол , Италија. Тој во полицијата рекол дека е само возач и дека не знаел дека во камионот имало дрога. Рекол дека со години превезува градежни материјали на меѓународни рути и не е поврзан со никаков транспорт на дрога.

Кокаинот бил спакуван во пакети со лого на светски познатите брендови „Чикаго Булс“, „Кензо“, „Диор“, како и под логото на францускиот ПСЖ.

Загина млад мото-каскадер, вежбајќи да постигне Гинисов рекорд (ВИДЕО)

Каскадерот на мотоцикли, Алекс Харвил загинал вчера додека тренирал за да го сруши светскиот рекорд во скокање со мотори, пишуваат американските медиуми. Тој имал 28 години.

Алекс планирал да го сруши светскиот рекорд на Австралиецот Роби Медисон од 2008 година, на 106 метри. Неговиот подвиг бил закажан за вчера, веднаш по тренингот што го чинеше живот.

Снимката од тест скокот, изведена од Алекс на меѓународниот аеродром во округот Грант, се појавила на социјалните мрежи и покажува како неговиот мотор удира директно во горниот раб на ридот што му служел на Харвил како рампа за слетување. Од ударот тој излетал од моторот.

Харвил бил оженет и е татко на два сина, од кои помладиот е роден минатиот месец. Во 2013 година тој веќе стана Гинисов рекордер во скок во далечина на мотор.

притисни ентер