Синот на Роб и Мишел Рајнер, Ник обвинет за убиство на родителите - Канал 5

Шоу биз

Синот на Роб и Мишел Рајнер, Ник обвинет за убиство на родителите

Обвинителите во Лос Анџелес поднесоа обвиненија за убиство против Ник Рајнер поради смртта на неговите родители - холивудскиот режисер Роб Рајнер и неговата сопруга Мишел.

Синот на Роб и Мишел Рајнер, Ник обвинет за убиство на родителите

Ник Рајнер се соочува со две точки за убиство од прв степен, како што изјави окружниот обвинител Нејтан Хокман. Обвинетиот, се вели, би можел да биде осуден на доживотна казна без можност за условна слобода или смртна казна, доколку биде прогласен за виновен. Тој ќе биде изведен пред Судот за да се соочи со обвиненијата и да се изјасни, откако ќе добие медицинско одобрение за тоа од надлежните затворски службеници.

Обвиненијата се официјални два дена откако двојката беше пронајдена мртва во нивниот дом во Брентвуд, Калифорнија, САД, со повеќекратни убодни рани.

Осомничениот, 32-годишен, според наодите, се товари и за употреба на „опасно и смртоносно оружје, а тоа е нож“, како што нагласи истражителот. Хокман рече дека не е донесена одлука дали обвинителите ќе бараат смртна казна.

Роберт - Роб Рајнер е режисер на повеќе култни филмови во различни жанрови, на пр. „Мизери“ и „Неколку добри луѓе“. Мишел Сингер Рајнер беше позната глумица, фотографка и продуцентка, како и основачка на „Рајнер лајт“ - фотографска агенција и продуцентска компанија.

Градските и окружните власти на Лос Анџелес на прес-конференцијата изразија длабоко сочувство до сите погодени од оваа трагедија. Прашан, дали оружјето од убиството е пронајдено, Хокман рече дека тоа ќе биде откриено на суд. Надлежните изјавија и дека обдукциите, коишто сѐ уште не се завршени, ќе ја утврдат точната причина, начинот и времето на смртта.

Тагови: Холивуд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски учествува на Самитот на Берлински процес кој се одржува во Свети Стефан, Црна Гора

Претседателот на владата, Христијан Мицкоски денеска  ќе учествува на Самитот на Берлински процес кој се одржува во Свети Стефан, Црна Гора.

Мицкоски учествува на Самитот на Берлински процес кој се одржува во Свети Стефан, Црна Гора

Претседателот на владата, Христијан Мицкоски денеска ќе учествува на Самитот на Берлински процес кој се одржува во Свети Стефан, Црна Гора на кој ќе се разговара за економското поврзување на регионот, безбедноста и забрзување на интеграцијата во Европската унија.

На главната сесија, Мицкоски ќе ги образложи македонските можности и ставови поврзани со економијата, безбедноста како и европските интеграции и конкурентноста на регионот.Самитот е завршен настан на претседавањето на Црна Гора, а покрај лидерите од Западен Балкан, учествува и канцеларот на Сојузна Република Германија, Фридрих Мерц кој е силен поддржувач на напредокот и интеграцијата на регионот во Европската унија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

РСБСП апелира до сите учесници во сообраќајот-Вози одговорно. Секој живот е важен.

По повод претстојниот празник 23 Октомври - Денот на македонската револуционерна борба и продолжениот викенд, се очекува зголемена раздвиженост во сообраќајот, особено на патните правци надвор од населените места. 

РСБСП апелира до сите учесници во сообраќајот-Вози одговорно. Секој живот е важен.

Поради тоа, Републичкиот совет за безбедност на сообраќајот на патиштата апелира до сите учесници во сообраќајот доследно да ги почитуваат сообраќајните правила и прописи.

РСБСП укажува:

Почитувајте ги ограничувањата на брзината.

Не управувајте со возило под дејство на алкохол и психотропни супстанци.

Не користете мобилен телефон додека возите.

Користете сигурносен појас на секое патување.

Обезбедете ги децата во соодветно детско седиште.

Одржувајте безбедно растојание и избегнувајте ризични маневри.

Проверете ја техничката исправност на возилото пред патување.

Доколку сте уморни, направете пауза и одморете се.

Нека празничните денови бидат исполнети со убави моменти, безбедни патувања и среќно враќање дома.

Вози одговорно. Секој живот е важен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Променливо облачно со повремени локални врнежи од дожд

Променливо облачно со повремени локални врнежи од дожд, особено попладне и во текот на ноќта. 

Променливо облачно со повремени локални врнежи од дожд

7 Попова Шапка, 10 Маврови Анови, Крушево, Берово, Крива Паланка, 11 Прилеп, 12 Охрид, Претор, Тетово, Виница, Кавадарци, 13 Битола, Струмица, 14 Куманово, Скопје-Зајчев Рид, Скопје-Петровец, 15 Штип, Велес, 16 Демир Капија, Гевгелија.

КОЛИЧИНА НА ВРНЕЖИ за изминатите 24 часа до 08 часот во (l/m2)

17 Лазарополе, 14 Попова Шапка, Маврови Анови, Тетово, 9 Охрид, 8 Претор, 5 Крушево, 3 Битола, Скопје-Петровец, 2 Велес, Куманово, Крива Паланка, 1 Штип, Прилеп, Виница, Гевгелија.

ВРЕМЕТО ДЕНЕСКА

Променливо облачно со повремени локални врнежи од дожд, особено попладне и во текот на ноќта. Наместа врнежите ќе бидат поројни проследени со појава на грмежи. По оделни котлини има утринска магла. Ќе дува слаб до умерен ветер од јужен правец. Максималната температура ќе биде во интервал од 19 до 24 степени.

Во Скопје, променливо облачно, попладне и во текот на ноќта ќе има повремени врнежи од дожд. Во делови од котлината врнежите ќе бидат поројни, проследени со грмежи. Ќе дува слаб до умерен ветер од променлив правец. Максималната температура ќе достигне до 22 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер