Синот на Ричард Гир со улогата во „Еуфорија“ стана миленик на публиката- му предвидуваат гоелма кариера (ФОТО) - Канал 5

Шоу биз

Синот на Ричард Гир со улогата во „Еуфорија“ стана миленик на публиката- му предвидуваат гоелма кариера (ФОТО)

Синот на Ричард Гир, Хомер Џејмс Џигме Гир, е сè побарано име во Холивуд - младиот актер кој се појави во серијата „Еуфорија“ полека излегува од сенката на својот славен татко и гради кариера на свој начин.

Синот на Ричард Гир со улогата во „Еуфорија“ стана миленик на публиката- му предвидуваат гоелма кариера (ФОТО)

Ако сте слушнале за ново лице во популарната серија „Еуфорија“ во последните недели, постои голема веројатност дека станува збор за Хомер Гир. Иако потекнува од семејство кое е тешко да се игнорира - неговиот татко е еден од најпознатите актери на неговата генерација, а неговата мајка е поранешна девојка на Бонд - Хомер се обидува да си оди по свој пат. Во третата сезона од серијата, тој го игра Дилан Рид, а публиката веќе почнува да го препознава како некој што има потенцијал да остави сериозен белег, објави Нова.

Во интервју, Хомер отворено зборуваше за тоа како е да се расте со познат родител. Тој вели дека советите од неговиот татко му значат нешто, но не во класична актерска смисла. Тука нема лекции за тоа како да се застане пред камерата, повеќе се работи за тоа како да се остане свој додека сите ве гледаат.

- Не станува збор само за работа, туку за тоа како да се остане нормален во сето ова - рече тој, нагласувајќи колку многу му значи поддршката од неговото семејство.

Семејство на далечина

Интересно е што тие денес дури и не живеат на ист континент.

Хомер е во Лос Анџелес, додека неговиот татко веќе некое време живее во Шпанија со ново семејство. Сепак, тоа не ги оддалечило, тие се слушаат секој ден и се обидуваат да одржат блиска врска. Како што еднаш рекол неговиот татко, тој најмногу ги сака обичните моменти со својот син - прошетки, разговори и време надвор од рефлекторите.

Од сенката на познатите родители директно под рефлектори

Хомер е роден во 2000 година и го добил името по неговите дедовци, додека неговото средно име има тибетско потекло и значи „бестрашен“. Можеби токму тоа најдобро го опишува неговиот сегашен кариерен чекор, кој е влегување во свет каде што очекувањата се земаат здраво за готово, а споредбите се неизбежни.

Тој пораснал далеку од класичниот холивудски гламур, помеѓу Њујорк и Вестчестер, и се школувал на престижни институции. Студирал психологија и визуелни уметности на Универзитетот Браун, а неговите интереси биле широки - од невронаука до студентски филмови. Уште тогаш било јасно дека нема да биде „уште едно познато презиме“, туку некој што бара свој израз.

И приказната не завршува тука. Наскоро тој ќе има улога и во серијата „Shards“, проект кој веќе привлекува внимание, а дополнителен интересен факт е дека ќе игра покрај Каја Гербер, ќерка на Синди Крофорд, која некогаш била во брак со својот татко. Мали холивудски кругови, би можело да се каже.

Иако долго време беше надвор од радарот, Хомер Гир сега полека, но сигурно станува лице кое ќе го гледаме и име за кое само ќе слушаме. Без многу помпа, а тоа, се чини, е она што публиката најмногу го цени денес.

Тагови: Ричард Гир

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Превентивни активности на СВР Тетово и ПС Делчево за заштита од пожари и нелегална сеча и транспорт на дрва

За време на активноста на граѓаните им беше укажано на потребата од зголемено внимание за заштита на шумите од пожари.

Превентивни активности на СВР Тетово и ПС Делчево за заштита од пожари и нелегална сеча и транспорт на дрва

Денеска (23.08.2026), полициски службеници од Отсекот за превенција при СВР Тетово во содејство со полициски службеници од Полициското одделение Теарце и претставници од ЈП ,,Национални шуми" на неколку локации на подрачјето на Полициското одделение Теарце спроведоа превентивна активност под мотото ,,Пламените јазици се незапирливи“. За време на активноста на граѓаните им беше укажано на потребата од зголемено внимание за заштита на шумите од пожари. Исто така, на возачите им беше препорачано да внимаваат кога се движат низ патишта кои поминуваат покрај шумите да не фрлаат догорчиња од цигари или стаклени предмети затоа што на тој начин ја загадуваат природата. Воедно, населението беше запознаено и за законските импликации доколку се загрозува природата со несовесно однесување кое може да придонесе за предизвикување на општа опасност или пак предизвикување пожар. За време на активноста беа делени и летоци со информативно-едукативни содржини.

Полициската станица Делчево, исто така, денеска реализираше превентивна активност. Активниста беше спроведена во содејство со Регионалниот центар за гранични работи Исток и Шумска полиција на повеќе локации с.Бигла, с.Драмче, с.Илиово и на планината Голак за превенција и заштита од пожари и незаконска сеча и транспорт на дрва.

Тагови: Превентивни активности

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Американските авиони-танкери се повлекоа од Бугарија

Два американски авиони-цистерни ја напуштиле бугарската воздухопловна база Безмер, речиси еден месец откако нивното распоредување во Бугарија предизвика остри реакции од Иран.

Американските авиони-танкери се повлекоа од Бугарија

Информацијата ја потврдил бугарскиот министер за одбрана Атанас Стојанов. Американските авиони биле привремено распоредени во Бугарија на барање на САД, врз основа на договорот со кој се регулира заедничкото користење на воените објекти.

Распоредувањето на авионите предизвика реакција од Техеран. Иран тогаш предупреди дека нивното присуство во Бугарија би можело да претставува учество во, како што го нарече, „агресија и воени злосторства“. По информациите дека Иран разгледувал можни напади врз американски воени цели во југоисточна Европа, Бугарија ги засили безбедносните мерки во базата Безмер.

Тагови: Бугарија САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Насилник газеше луѓе со кола по ливада во Херцеговина, тројца се повредени (ВИДЕО)

Тежок инцидент се случи вчера кај градот Билеќа во Босна и Херцеговина, каде по настан со коњички трки, насилник со автомобил бркаше луѓе на отворен простор и успеа да прегази тројца, кои се во болница.

Насилник газеше луѓе со кола по ливада во Херцеговина, тројца се повредени (ВИДЕО)

Снимка од шокантниот настан се појави на социјалните мрежи, а според локалните меидуми, полицијата трага по Жељко Вујовиќ, осомничен за обид за тешко убиство, како и по едно лице што побегнало со него. Во меѓувреме уапсени се маж и жена за кои се верува дека му помогнале на сторителот по извешувањето на кривичното дело.

Во инцидентот на коњските трки биле повредени три лица. 32 годишен маж бил примен на интензивна нега со повреди на рамото и потколеницата, додека другите двајца имале полесни повреди.

Тагови: Босна и Херцеговина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер