Синот на Николас Кејџ тврди дека не ја претепал мајка си: Потребно ѝ е лекување - Канал 5

Шоу биз

Синот на Николас Кејџ тврди дека не ја претепал мајка си: Потребно ѝ е лекување

Вестон Кејџ, синот на Николас Кејџ и Кристин Фултон, пред судот се изјаснил за невин за нападот со смртоносно оружје врз неговата мајка, пишува TMZ.

Синот на Николас Кејџ тврди дека не ја претепал мајка си: Потребно ѝ е лекување

Вестон минатиот месец беше уапсен поради напад со смртоносно оружје, а на тоа апсење му претходеше напад на неговата мајка Кристина во април, по што таа беше видена со модринки на лицето. Адвокатскиот тим на Вестон на суд ги отфрли сите обвинувања против него.

Фултон не сакаше да зборува за моменталната врска со нејзиниот син. Таа само накратко им кажа на новинарите дека сака нејзиниот син да ја добие потребната помош, додека Вестон кажа дека „на мајка му ѝ е потребна помош“.

Да потсетиме, полицијата во Лос Анџелес на почетокот на јули потврди дека Вестон е уапсен. „Можам да потврдам дека Вестон Кејџ Копола беше уапсен денеска поради напад со смртоносно оружје“, изјави портпаролот на полицијата во Лос Анџелес. Актерот излегол од затвор со кауција од 150.000 долари, која, според британските медиуми, наводно ја платил неговиот татко.

Инцидентот меѓу Вестон и Кристина се случил на 28 април во Лос Анџелес, кога вербалниот конфликт прераснал во физички.

„На 28 април околу 17:30, добив пораки од пријателот на мојот син Вестон Кејџ во врска со неговата лоша психичка состојба. Ме повикаа да дојдам да му помогнам. Кога дојдов да му дадам поддршка и да го утешам, тој веќе беше среде манијачен бес. За неколку минути бев брутално нападната и претрпев сериозни повреди“, напиша Фултон во изјавата објавена од People на почетокот на јули.

„И покрај моите очајнички молби до полицајците да го приведат на проценка на менталното здравје, полицајците го одбија моето барање. Како мајка, јас сум длабоко тажна и загрижена поради тековната ментална здравствена криза на Вестон.“, заклучи таа.

Вестон (33) имал проблеми со менталното здравје во минатото и бил хоспитализиран на психијатриско лекување во 2011 година по насилен инцидент во Лос Анџелес.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Десет артилериски плотуни за Денот на независноста: Армијата со почесна стрелба во касарната „Илинден“

По повод Денот на независноста, денеска во 19 часот, во касарната „Илинден“ во Скопје, артилерискиот баталјон на армијата ќе изврши почесна артилериска стрелба со 10 плотуни од шест артилериски орудија.

Десет артилериски плотуни за Денот на независноста: Армијата со почесна стрелба во касарната „Илинден“

Според генералштабот на армијата, во 18 часот ќе биде извршена пробна артилериска стрелба, со еден плотун од шест артилериски орудија. Почесната стрелба е дел од протоколарните активности на армијата по повод одбележувањето на 8 Септември – Денот на независноста..

Тагови: Денот на независноста

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Во Белград попладнево е погребан Ратко Младиќ (ВИДЕО)

Поранешниот командант на војската на Република Српска, Ратко Младиќ, кој од Хашкиот трибунал беше осуден на доживотен затвор, попладнево со воени почести е погребан на топчидерските гробишта во Белград. 

Во Белград попладнево е погребан Ратко Младиќ (ВИДЕО)

Посмртните останки на Младиќ, кој почина на 27 август во Хаг на 85-годишна возраст, претходно беа изложени во црквата „Свети Лука“ во Белград, каде што опело служеше поглаварот на српската православна црква, Порфириј. Младиќ, по желба на семејството е биде погребан до ќерката Ана. Младиќ во 2021 година беше правосилно осуден на доживотен затвор и беше прогласен за виновен за геноцидот во Сребреница и за други воени злосторства.

Тагови: Ратко Младиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Виткоф: Без дијалог со русија шансите за мир во Украина се многу мали

САД се залагаат за дипломатско решение на војната меѓу Украина и Русија, но без дијалог со Москва шансите за мирно решение се многу мали, изјави американскиот специјален пратеник Стив Виткоф по средбата со украинскиот претседател Зеленски во Киев.

Виткоф: Без дијалог со русија шансите за мир во Украина се многу мали

Бараме дипломатско решение за овој конфликт, а не воен договор. Тоа е она што претседателот Трамп отсекогаш го барал“, рече Виткоф, одговарајќи на прашањето дали Путин е подготвен за трилатерална средба со Зеленски и Трамп. Украинскиот претседател Зеленски изјави дека клучните прашања, вклучително и територијалните, можат да бидат решени само на состанок на највисоко политичко ниво. Виткоф заедно со другиот специјален пратеник кушнер претходно беа на средби со Путин во Москва, но не беше постигнат опиплив напредок.

Тагови: Виткоф

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер