Синдикатот за култура бара да се повлече предлог-законот и да бидат дел од работните групи - Канал 5

Култура

Синдикатот за култура бара да се повлече предлог-законот и да бидат дел од работните групи

Министерството за култура изготвува закон без да ги консултира оние кои што треба да го спроведуваат, реагираат синдикатите на културните работници.

Синдикатот за култура бара да се повлече предлог-законот и да бидат дел од работните групи

Забележуваат дека со овој нацрт-закон културните работници ќе бидат ограничени и уназадени и бараат истиот да се повлече.Клучната забелешка им е што со законот се планира регулација на работните места на уметниците.

Баравме како СКРМ да бидат извадени работните места на вработените од културата од закон и тие да бидат уредени со колективен договор, онака како што сметаме дека е најисправно да бидат уредени, бидејќи вака со закон ние немаме можност да ги ставиме луѓето на оние позиции на кои што сметаме дека припаѓаат.

Со сличен став се огласија и од СОНК. Велат дека со ваквите постапки не се почитува социјалниот дијалог и партнерството помеѓу релевантните институции. Како и СКРМ, бараат веднаш да бидат вклучени во изготвувањето на новиот Закон за културата.

Министерката Костадиновска-Стојчевска сепак смета дека реакциите се неосновани, бидејќи станува збор за закон во изработка, а во следната фаза ќе се зeмат предвид и забелешките на синдикатите.

-Имавме состанок на 14 октомври, каде што се договоривме дека ќе го видат законот, а законот се разбира не е ни во собраниска процедура, зборуваме за нацрт-верзија на законот кој што го имаат на својот меил и можат да го разгледуваат така што роковите не се толку фиксни, ние можеме да разговараме со нив, како тогаш што побараа средба кај мене, повторно да се обратат, да кажат малку ни е тој рок, бараме пролонгирање, не е тоа никаков проблем.

Превирањата во културните институции почнаа откако Владата пред еден месец донесе заклучок со кој му наложи на Министерството за култура во најкраток временски рок да започне постапка за склучување на нов колетивен договор за културата или да подготвни законски измени со кои системот на плати ќе го усогласи со методологија која се применува кај административните службеници, при што платите на вработените во културните установи ќе се ревидираат на соодветно ниво кое ќе биде во согласност со платите на останатите вработени во јавниот сектор.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

25 години од загинувањето на 8 бранители кај Љуботенски Бачила,цвеќе се положи и пред споменикот во селото Љубанци

Утринава цвеќе се положи и пред споменикот  во селото Љубанци, а во 12 часот, одбележување ќе има  и  пред спомен-плоча во касарната „Илинден“, најавија од министерството за одбрана.

25 години од загинувањето на 8 бранители кај Љуботенски Бачила,цвеќе се положи и пред споменикот во селото Љубанци

Претседател на одборот на бранители Марин Најдов вели дека 25 години бранителите беа омаловажувани и партиски манипулирани.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Денес одбележуваме 25 години од трагичниот настан кај Љуботенски Бачила

Денес одбележуваме 25 години од трагичниот настан кај Љуботенски Бачила, ден кога Македонија се сеќава на осумте македонски бранители кои ги положија своите животи за мирот и безбедноста на својата татковина.

Мицкоски: Денес одбележуваме 25 години од трагичниот настан кај Љуботенски Бачила

На 10 август 2001 година, при активирање на мина на патот кон Љуботенски Бачила, животот го загубија припадниците на резервниот состав на Армијата: Томе Бадаровски, Гоце Чанкуловски, Бранко Јанев, Томислав Настевски, Марјанчо Бошковски, Ивица Златевски, Томе Димовски и Раде Јанковски.

Денес со длабока почит се поклонуваме пред нивната жртва и пред нивните семејства, кои 25 години ја носат болката од загубата на своите најмили.

Го чуваме споменот и за Ацо Ангеловски, кој во 2000 година го загуби животот во Арачиново, како припадник на полициските сили.

Жртвата на бранителите не е само дел од минатото, таа е трајно потсетување дека мирот, слободата и безбедноста имаат своја цена. Наш долг е да го негуваме споменот, да ја почитуваме нивната храброст и да ја пренесуваме нивната приказна на идните генерации.

Вечна им слава на бранителите!- напиша на својот профил на Фејсбук, премиерот Христијан Мицкоски.

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Видео: Ѓоковиќ се подготвува за Америка на Јадранот

Најтрофејниот светски тенисер во историјата, Србинот, Новак Ѓоковиќ ќе настапи на претстојниот турнир од серијата „Мастерс 1000 “ во Синсинати, за кој се подготвува на вообичаената локација.

Видео: Ѓоковиќ се подготвува за Америка на Јадранот

Како и секоја година, Ѓоковиќ поголем дел од летните месеци го минува во Црна Гора, а така е и сега.

Неколку дена пред настапот на турнирот од серијата „Мастерс“ во САД, најуспешниот гренд-слем шампион во историјата се подготвува на брегот на Јадранското Море.

Откако во саботата уживаше на концертот на Владо Георгиев, во неделата е снимен како тренира во Портонови, во Бока Которска.

Мастерс-турнирот во Синсинати започнува во сабота, а по повлекувањето на Јаник Синер, Ѓоковиќ ќе биде втор носител, зад Александар Зверев.

Ѓоковиќ трипати победил во Синсинати, последен пат во 2023 година.

Тагови: Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер