Македонија

Синдикатите на средба во Владата– минималецот и колективните договори во фокусот на разговорите

Синдикатите попладнево на средба во Владата. Присуствувал и премиерот Мицкоски.

Синдикатите задоволни што премиерот Мицкоски ги повикал во Владата, но незадоволни што не успеале да презентираат единствен став. Продолжија со синдикалните превирања околу минималецот, колективните договори и платите во јавниот сектор кои беа главен фокус на средбата. Од ССМ по состанокот изјавија дека Владата не била пречка за платите, туку останатите синдикати не ги подржале во барањето за растот на минималецот и побарале да се укинат дел од одредбите на општиот колективен договор за јавниот сектор. Од КСС пак објаснуваат дека со барањето на ССМ минималецот би пораснал само за дел од вработените во земјава, додека со постоечката содржина на колективниот договор јавниот сектор би добил покачување од само 0,7%.

Од ССМ велат се незадоволни и од тоа што работодавачите се откажале од преговорите за минималецот, за што ги повикаа пратеничните групи на средба. Од Владатата го повториле ставот дека не се во можност да го субвенционираат бараното покачување од ССМ , за што оттаму им понудиле повеќе решенија, а Владата покажала расположение за преговарање. Премиерот Мицкоски најавил и дека вработените од министерствата кои протестираа во јануари, наскоро ќе ги добијат додатоците од 30%, а колективните договори ќе бидат потпишани во мај

По состанокот беше соопштено и дека за утре е закажан состанок на Комисијата за утврдување на репрезентативност на синдикатите, а конечната одлука се очекува да се соопшти до крајот на неделава по свикување на социо-економскиот совет.

Живот

Серена Вилијамс: Доколку јас бев на местото на Синер ќе ме казнеа 20 години

„Го сакам тој човек, ја сакам оваа игра“, изјави за магазинот Тајм легендарната Вилијамс.

Легендарната американска тенисерка Серена Вилијамс рече дека сигурно би добила 20 годишна суспензија и одземање на сите освоени грен слем титули доколку би била позитивна на допинг тест како во случајот со светскиот рекет број еден Јаник Синер минатата година.

Синер прифати тримесечна забрана во февруари по договорот со Светската антидопинг агенција, која ја оспори одлуката на независен суд да го ослободи од вината по двата позитивни теста за анаболниот агенс клостебол.

„Го сакам тој човек, ја сакам оваа игра“, изјави за магазинот Тајм легендарната Вилијамс, која се пензионираше во 2022 година откако освои 23 грен слем трофеи.

„Синер е одличен за овој спорт, потребен му е на машкиот тенис. Но, да го направев тоа јас, ќе добиев 20-годишна казна“, додаде таа.

Синер, чија забрана истекува на 4 мај, отсекогаш тврди дека е виновен, иако неговиот случај иницира прашања за тоа дали добил повластен третман од спортските федерации./МИА

Тагови: Серена Вилијамс

Фудбал

Медиуми: Анчелоти го напушта Реал, ќе биде селектор на Бразил

Се очекува тренерот на Реал Мадрид, Карло Анчелоти да ја напушти клупата на шпанскиот гигант по финалето на Купот на кралот, што ќе се одигра на 26 април против Барселона во Севиља, дознава „Скај Спорт“.

Анчелоти дополнително ги подгреа сомнежите околу неговата иднина во Реал вчерашната елиминација од Арсенал во четвртфиналето во Лигата на шампиони.

Според „Скај Спорт“, 65-годишниот италијански стратег ќе остане на клупата на Реал до финалето на домашниот Куп, но се очекува потоа да го напушти клубот.

Анчелоти сè почесто се споменува и како најсериозен кандидат за нов селектор на Бразил, а оваа вест би можела и официјално да биде потврдена пред крајот на сезоната.

Фото: ЕПА

Тагови: Бразил Карло Анчелоти Реал Мадрид

Свет

Нетанјаху: Израел нема да дозволи Иран да развие нуклеарно оружје

Израелскиот премиер Бенјамин Нетанјаху денеска изјави дека Израел нема да дозволи Иран да развие нуклеарно оружје, прецизирајќи дека извршил безброј „отворени и прикриени“ акции кои ја уназадиле иранската нуклеарна програма за „речиси една деценија“.

Ова е прва изјава на Нетанјаху за Иран откако администрацијата на американскиот претседател Доналд Трамп ги почна преговорите со Техеран во обид да склучи нов ирански нуклеарен договор.

- Како што многупати изјави премиерот – Израел нема да дозволи Иран да се здобие со нуклеарно оружје, се вели во соопштението од кабинетот на Нетанјаху.

- Премиерот предводеше безброј акции, отворени и прикриени, во борбата против иранската нуклеарна програма, без која Иран денес би имал нуклеарен арсенал. Тие акции ја вратија иранската нуклеарна програма речиси една деценија назад, се додава во соопштението.

Западните земји, предводени од САД, се сомневаат дека Иран сака да се здобие со нуклеарно оружје. Техеран ги отфрла тие обвинувања и го брани правото на нуклеарна енергија за цивилни цели, особено за енергија.

Иран и САД, кои немаат дипломатски односи од 1980 година, минатата сабота ги одржаа првите разговори, со посредство на властите во Оман, за иранската нуклеарна програма.

Втората средба на официјалните претставници на двете земји е закажана за в сабота во Рим./МИА

Тагови: Бенјамин Нетанјаху Иран