Синдикалната кошничка за јули зголемена за 630 денари – достигна 65 328 денари - Канал 5

Македонија

Синдикалната кошничка за јули зголемена за 630 денари – достигна 65 328 денари

Над 65 илјади денари му се потребни на едно 4члено семејство за да го преживее месецот – последната пресметка на Сојузот на синдикати повторно покажува зголемување кај минималната синдикална кошничка.

Синдикалната кошничка за јули зголемена за 630 денари – достигна 65 328 денари

Над 65 илјади денари му се потребни на едно 4члено семејство за да го преживее месецот – последната пресметка на Сојузот на синдикати повторно покажува зголемување кај минималната синдкална кошничка, која за месец јули изнеусва 65 328 денари, а со изнајмен стан од 60 квадрати, потребни се речиси 4 минимални плати за да се протукра месецот или нешто над 80 илјади денари.

За еден месец кошничката е зголемена за 630 денари, од кои 515 се само во делот на храна и пијалаци. Според Синдикатот кошничката е јасен показател дека се потребни мерки кои ќе спречат понатамошен раст на цените, но потребно е како што потенцираат и раст на платите.

„Вредноста на синдикалната минимална кошничка е вистински показател за валидноста на владините политики со тоа што за три месеци истата е згоелемна за 2 637 денари, односно некој 4,20 % додека кај храната и пијалоците за три месеци има зголемување од 2 200 денари или 10,25 %. Сето ова покажува дека реално е барањето на ссм дека владата треба да продолжи со мерките.....“ - Светлана Димоски – ССМ.

Премиерот Мицкоски одговарајќи на новинраско прашање денеска не прецизираше дали ќе има нови мерки или не, но рече дека според него потребно е наместо една да има 5 кошнички преку кои ќе се мерат потребите на сите граѓани и ќе се знае точно кој колку троши. За ова прашање, за кое рече дека прават сериозна анализа, најави насокоро и дебата во рамки на економско социјалниот совет, откако заврши утврдувањето на репрезентативноста на синдикатите.

„Мислам дека треба да биде поделена во 5 сегменти, за самец, за млад брачен пар, за трочлено, за четиричлено, за пензионери...затоа што потребите на луѓето се според возраства и од тоа колку луѓе има во една заедница, и ова ќе биде мој предлог и ќе разговараме за него на ЕСС. “- Христијан Мицскоки – претседател на Влада .

Пред неколку дена и последните бројки на заводот за статистика покажаа дека има поскапувања и кај млечните производи, јајцата, мастите, шеќерот, а за една година алармантен е скокот на цените имало кај зеленчукот од 46% и кај овошјето 20.5%. А од министерството за економија и денеска повторија дека до крајот на месецов ќе се знае дали и какви мерки ќе има за заштита на стандардот на граѓаните. Најверојатно ако се донесат ќе бидат слични на оние со кои се интервенираше и претходно, како што беа наменски кошнички или повторно ограничување на маржи.

YouTube video

Тагови: ССМ цени

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај поради Скопскиот маратон

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Посебен режим на сообраќај поради Скопскиот маратон

На 04.10.2026 (недела) со почеток во 08:00 часот, во организација на Сојуз на спортови на Скопје, ќе се одржи - „Виз Ер Скопски маратон 2026“ со следните траси на движење: траса на движење на трката од 5км – Старт на ул.„11-ти Октомври“ (кај зелен пазар), право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, полукружно на крстосница помеѓу бул.„3-та Македонска Бригада“ и ул.„Коста Новаковиќ“ и по истата траса назад до целта – плоштад „Македонија“ на ул.„11-ти Октомври“ и траса на движење на маратонот, полумаратонот и штафетната трка (по наведената траса за штафетната трка и маратонот натпреварувачите се движат 2 пати) – Старт Собрание на РСМ на ул.„11-ти Октомври“, право кон „Рекорд“ односно по ул.„Димитрие Чуповски“, право по ул.„Митрополит Теодосиј Гологанов“, право по ул.„Војвода Васил Чакаларов“, се до крстосница со ул.„Ангел Динев“ каде се врти полукружно назад по истата траса се до Собрание на РСМ на ул.„11-ти Октомври“ и се продолжува право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, лево по ул.„Васко Карангелевски“, десно по бул.„Јане Сандански“ се до крстосница со бул.„Србија“ каде се врти полукружно и во истата коловозна лента назад по бул.„Јане Сандански“ се до крстосница со бул.„Кузман Јосифовски Питу“ каде се врти полукружно назад во истата коловозна лента до крстосница со ул.„Васко Карангелевски“, десно по ул.„Васко Карангелевски“, десно по бул.„3-та Македонска Бригада“, лево по бул.„Крушевска Република“, десно по ул.„11-ти Октомври“ до целта- Плоштад Македонија.

Од тие причини Единица за безбедност на патниот сообраќај ќе преземе мерки за посебен режим на сообраќај, при што сообраќајот ќе се пренасочува по околните сообраќајници.

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Тагови: Скопски маратон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер