Син на познат актер е осуден на доживотен затвор- го убил љубовникот и му го распарчил телото - Канал 5

Син на познат актер е осуден на доживотен затвор- го убил љубовникот и му го распарчил телото

На доживотен затвор е осуден Даниел Санчо Бронхало (30), синот на познатиот шпански актер Родолфо Санчо Агире, кој го убил својот љубовник и му ги фрлил деловите од телото на неколку локации во Тајланд.

Син на познат актер е осуден на доживотен затвор- го убил љубовникот и му го распарчил телото

По убиството, Даниел го пресекол својот љубовник (44), хирург од Колумбија, на 17 дела, а потоа деловите од телото ги фрлал каде и да било. Тој првично бил осуден на смрт, но бидејќи соработувал со истрагата, казната му била ублажена и сега ќе одлежи доживотен затвор.

Адвокатот на семејството на убиениот хирург рече дека е задоволен од пресудата, но посочи дека и двете страни во процесот се уште имаат право на жалба.

Да потсетиме, Даниел извршил брутално убиство во август минатата година. Тој брутално го убил и распарчил колумбискиот лекар Едвин Аериета Артеага (44) со кого, како што претходно објавија медиумите, имал сексуална врска, а убиството го признал во полиција по апсењето.

Во таа прилика Даниел демантираше дека е во врска со Артеага, но беше откриено дека двајцата планирале заеднички одмор на Тајланд, а Артеага уште порано резервирал сместување.

Бруталното убиство излезе на виделина откако на депонија биле откриени кеси со човечки останки. Не долго откако локалните медиуми го објавија страшното откритие, со наслови дека странски државјанин е осомничен за убиство, Даниел истрчал во полиција и пријавил дека неговиот пријател од Колумбија исчезнал, иако знаел дека Артеага е мртов.

Полицијата го сомничи Даниел затоа што дошол да го пријави исчезнувањето со гребаници по телото, но потоа не го привеле, бидејќи немале докази дека останките кои биле пронајдени се на Артеага. Тогаш клопчето почнало да се расплетува...

Се испоставило дека Артеага веќе резервирал хотел во Тајланд за периодот од 31 јули до 3 август. Меѓутоа, Даниел пристигнал на островот неколку дена порано. Даниел тврдел дека Артеага бил тој што му се придружил на патувањето, но полицијата открила дека Артеага е тој што го платил патувањето. Иако Даниел престојувал во хотел што го платила Артеага, тој имал уште една хотелска резервација за 1 и 2 август.

Како што претходно објавија медиумите, Даниел и Артеага вечерале на 1 август во хотелот што Даниел го резервирал. Истата вечер, безбедносните камери го снимиле Даниел како купува ножеви, гумени ракавици, пластични кеси и средства за чистење во продавниците. За време на првичното сослушување, Даниел ѝ рекол на полицијата дека првпат го видел Артеага во средата, на 2 август околу 15 часот, кога отишол во пристаништето во Кох Фанган да го земе. Потоа, рече тој, отишле на ручек во ресторан, по што заминале на плажата Хат Рин, која се наоѓа во близина на хотелот во кој престојувале. Но, било утврдено дека делото се случило ден претходно.

Тогаш Даниел ѝ рекол на полицијата дека вечерта на 1 август, Артеага дошол во неговата хотелска соба и побарал да има секс. Тврдел дека одбил да спие со Артеага и дека го оттурнал, а тој паднал и удрил со главата на работ од кадата. Потоа, како што рече, се обидел да се ослободи од телото распарчувајќи го и фрлајќи ги парчињата на неколку локации на островот и во морето.

Жената, која поседува продавница за изнајмување чамци, рекла дека Даниел дошол кај неа на 1 август околу 21:00 часот, видно вознемирен и барал да изнајми чамец. Откако таа постојано му рекла дека не е безбедно да се плови, Даниел понудил 1.000 долари во кеш за да го купи бродот, а таа на крајот ги прифатила парите. Кога го зел чамецот, Даниел го ставил куферот во него во кој се наоѓале деловите од телото и со веслање излегол на отворено море, каде што ги фрлил. После тоа, тој се вратил во својата соба и го напуштил хотелот во четврток на 3 август во 9 часот.

Истиот ден, локалните медиуми објавија дека собирач на отпад пронашол карлица и дел од црево во пластична кеса околу пладне на депонијата.

Даниел, кој е познат и како готвач на Јутјуб и кој работел во угостителска компанија во Мадрид, отишол на забава со две девојки кои ги запознал во хотелот по убиството. Откако се вратил од забава и наводно видел вести за откривање човечки останки во локалните медиуми, отишол во полиција и пријавил дека Артеага исчезнал.

Ден потоа Даниел бил приведен, а полицијата извршила нов претрес на депонијата и пронашла уште кеси со човечки останки. Во нив се откриени делови од долните екстремитети и парчиња облека. Кога полицијата упаднала во собата што Даниел претходно ја резервирал на свое име, инспекторите откриле дека фрижидерот, тоалетот и мијалникот биле избришани. За среќа, тие успеале да извадат едно влакно и парче марамче од одводот.

За тоа време Даниел попуштил и во притвор, во присуство на адвокат, признал дека го убил Артеага, тврдејќи дека го држел како заложник.

„Беше опседнат со мене. Ме измами, ме натера да верувам дека сака да работиме заедно. Инвестирал пари во компанија во која сум косопственик. Сето тоа беше лага. Тој само сакаше да биде со мене. Сакаше да ми биде дечко. Секој пат кога се обидував да побегнам од него, ми се закануваше“, тврди Даниел.

Даниел соработувал во текот на истрагата и на полицијата ѝ ги покажал локациите каде ги фрлил деловите од телото.

Неговиот татко и мајка биле присутни на судењето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Џон Мекинро: „Ве интересира ли кога Ѓоковиќ ќе се пензионира? Еве, ќе ви кажам.“

Легендата на светскиот тенис Џон Мекинро открива кога најтрофејниот тенисер на планетата, Новак Ѓоковиќ би можел да се повлече од тенисот, осврнувајќи се на неговите моментални предизвици и планови.

Џон Мекинро: „Ве интересира ли кога Ѓоковиќ ќе се пензионира? Еве, ќе ви кажам.“

Најдобриот тенисер на сите времиња, Новак Ѓоковиќ, воопшто нема добра сезона. Всушност, 2026 година можеби е една од најлошите во неговата кариера, иако тој успеа да собори неколку рекорди и да победи на турнирот во Пекинг.

Сезоната за него започна добро – го видовме во финалето на Австралија Опен – но оттогаш следеа многу падови, а релативно малку успеси. Како резултат на тоа, тој не успеа да се пласира на Завршниот мастерс во Торино, а доживеа и пад на АТП-листата (се наоѓа дури на 12-тото место во светот), што ќе му создаде проблеми и пред почетокот на следната година.

Сепак, знаеме дека тој е во години кога повеќе се зборува за пензионирање отколку за спортски цели.

Иако српскиот тенисер не го најави крајот на својата кариера, многумина со години се обидуваат да погодат кога тој ќе стави крај на играњето.

Сега се огласи и легендарниот Џон Мекинро, со кого Ѓоковиќ имаше необичен однос во текот на кариерата. Мекинро прво го бранеше, па го критикуваше, а неодамна присуствуваше на промоцијата на документарен филм за кариерата и животот на „најголемиот на сите времиња“ – што сугерира дека односите меѓу нив се подобрени. Затоа, можеби вреди да се слушне што има да каже тој..

„Како прво, Новак Ѓоковиќ има 39 години, што во тенисот – вклучувајќи го и мојот случај – е далеку над границата до која стигнуваат повеќето играчи. Не сакате да дојдете во ситуација во која се прашувате: ’Зошто престанав, кога можев да освојам уште нешто?‘ Токму со тоа се соочува Новак во моментов“, изјави Мекинро, предвидувајќи дека Ѓоковиќ ќе ја заврши кариерата следната година.

„Тој стигна до финалето на Австралија Опен и веројатно размислува: ’Можеби можам да освојам уште една титула‘. Дали ќе се пензионира во 2027 година? Изгледа дека тоа би можело да се случи наскоро. Би рекол дека е сосема реална можност, но сепак – почекајте уште малку.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Манасиевски: Филипче се скри на Бихаќка откако се откри вистината за Алта банка

Манасиевски: Филипче се скри на Бихаќка откако се откри вистината за Алта банка

Филипче се сокри на Бихаќка откако се откри вистината за Алта банка.

Со месеци говореа за Давор Мацура и Алта банка, а на крајот се испостави дека тие биле првите што дозволиле да купи акции од Македонија, истиот овој за кој говореа дека е криминалец и дека поседувал сомнителен капитал.

Со месеци говореа дека Алта банка имала забрана за работа во ЕУ, поточно во Австрија, за на крајот да излезе дека немале забрана за работа, туку добиле прекршочна казна од австрискиот регулатор.

Ширеа паника и хистерија дека банката ќе пропадне и дека граѓаните ќе останат без пари, па откако сите видовме дека банката е ликвидна и дека нема да пропадне, а дека државата се става во заштита на граѓаните, тргнаа со личен напад кон претседателот Мицкоски.

Бараа надзорна расправа во Собранието, па откако истата веднаш беше прифатена, ја одложија за една недела, продолжетокот на истата се уште не знаат за кога да го закажат бидејќи вистината им се изнесе на виделина.

Почитувани граѓани,

Ниту банка ќе пропадне, ниту граѓаните ќе бидат оставени на цедило. Тоа беше во времето на СДС. Денес, Владата предводена од ВМРО-ДПМНЕ и претседателот Мицкоски се на страната на граѓаните, додека Филипче и СДС се на страната на криминалот.

Валентин Манасиевски, портпарол на ВМРО-ДПМНЕ

YouTube video

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шасивари: Нулта толеранција за насилството врз жените

Случајот со 26-годишната девојка од Охрид, која беше брутално претепана, како и неодамнешната трагедија со 17-годишната девојка која го загуби животот, се сериозни предупредувања дека насилството врз жените бара бескомпромисен одговор.

Шасивари: Нулта толеранција за насилството врз жените

Случајот со 26-годишната девојка од Охрид, која беше брутално претепана, како и неодамнешната трагедија со 17-годишната девојка која го загуби животот, се сериозни предупредувања дека насилството врз жените бара бескомпромисен институционален одговор.

Министерот за правда, д-р Јетон Шасивари, најостро го осудува секој облик на насилство врз жените, нагласувајќи дека нема оправдување за насилството, нема простор за релативизирање и нема толеранција за обиди за прикривање или влијание врз постапките.

Министерот очекува сите надлежни институции, секоја во рамките на своите законски надлежности, да постапуваат професионално, навремено, неселективно и со целосна одговорност. Полицијата, обвинителството и судовите мора да постапуваат без притисоци, без привилегии и без двојни стандарди. Секое евентуално пропуштање, непостапување или незаконско влијание мора да биде предмет на соодветна проверка и одговорност.

Државата има законска обврска и правни механизми да ги заштити жртвите и да ги санкционира сторителите. Со новиот Кривичен законик дополнително се зајакнува кривичноправната заштита од семејно и родово базирано насилство. Предвидени се затворски казни за потешките облици на насилство, а за определени кривични дела во контекст на семејно и родово базирано насилство се предвидува гонење по службена должност, без товарот на постапката да се префрла врз жртвата.

Но, законите не смеат да останат само напишани одредби. Тие мора доследно да се применуваат. Секоја пријава мора да се сфати сериозно, секој ризик мора навреме да се препознае и секоја жртва мора да добие соодветна заштита.

Ниту една жена не смее да живее во страв. Ниту една девојка не смее да се прашува дали државата ќе ја заштити. Ниту еден сторител не смее да смета дека ќе остане недопирлив.

Заштитата на жртвите мора да биде приоритет, законот мора да важи еднакво за сите, а одговорноста да биде правило, а не исклучок.

Насилството мора да запре, институциите мора да постапуваат, а одговорност мора да има!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер