Симптом што се појавува наутро и трае цел ден, не треба да се игнорира - може да укажува на канцер - Канал 5

Симптом што се појавува наутро и трае цел ден, не треба да се игнорира - може да укажува на канцер

Овој проблем може да биде последица на животниот стил, како што се лош сон, лоша исхрана и недостаток на физичка активност - но може да биде и знак на малигно заболување.

Симптом што се појавува наутро и трае цел ден, не треба да се игнорира - може да укажува на канцер

Да се чувствувате малку уморно наутро е нешто сосема вообичаено, дури и по добриот сон ноќе, можно е и понатаму да чувствувате потреба за одмор пред да го започнете денот.

Исто така, не е невообичаено во текот на денот да почувствувате извесен умор, особено во текот на зимските месеци, кога студените температури и намаленото изложување на сончева светлина може да доведат во чувство на летаргија.

Меѓутоа, редовниот исцрпувачки утрински умор кој никако не поминува би можел да укажува на нешто многу посериозно. Стручњаците од британскиот Центар за истражување на малигни заболувања предупредуваат дека ваквиот умор, кој не минува и покрај доволното спиење или одмор може да биде показател за канцерогено заболување. Иако погодува 65% од заболените, овој симптом лесно се занемарува и погрешно се толкува како нешто несериозно.

Овие стручни лица наведуваат дека ваквата исцрпеност може да биде предизвикана од самото заболување и неговото лечење, кога пациентите се чувствуваат уморно и без енергија.

Уморот предизвикан од канцер може да влијае на вас емотивно, физички и ментално. Колку време трае, колку е интензивен и колку често се јавува зависи од лицето - велат од Центарот, а пренесува Мирор (Mirror).

Еве кои симптоми, кога чувствувате умор, може да укажуваат на канцер.

Недостаток на енергија, може да посакате цел ден да останете во кревет.

Потреба за одмор дури и кога ништо не сте правеле или сте биле минимално активни.

Едноставно немате волја да правите ништо.

Проблеми со спиењето, несоница или испрекинат сон.

Тешкотии со станувањето наутро.

Чувство на анксиозност, тага или депресија.

Болки во мускулите, тешко се качувате по скали или тешко пешачите кратки растојанија.

Чувство на немање здив по минимална активност, на пример, по туширање или местење на креветот.

Тешкотии со концентрација, дури и при гледање ТВ или разговор со пријател.

Тешкотии со јасно размислување или носење одлуки.

Губење на интерес за секс.

Губење интерес за работи во кои некогаш сте уживале.

Уморот може исклучително да ви го отежне секојдневниот живот.

Уморот може да биде доста фрустрирачки. Вие и вашите најблиски можно е да потцените колку тој може да влијае на секојдневниот живот – наведуваат лекарите од Центарот за истражување на канцер.

Секојдневните задачи може да станат тешки и можеби нема да имате енергија да готвите, чистите, купувате, или да се капете. Може и да немате волја за разговор. Работите кои некогаш ви биле лесни може да делуваат како огромен напор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ИН МЕМОРИАМ: Почина познатиот македонски специјалист радиолог д-р Душан Јовановски

По кратко боледување почина истакнатиот македонски лекар, д-р Душан Јовановски, специјалист радиолог со над четири децении кариера во здравството.

ИН МЕМОРИАМ: Почина познатиот македонски специјалист радиолог д-р Душан Јовановски

Д-р Јовановски, својот професионален пат го започна во Здравствениот дом Кратово во 1989 година, каде беше и Директор од 2005 до 2009.

Од 1987 до 1997 беше спортски доктор на фудбалскиот клуб Силекс, а во периодот од 2000 – 2005 и спортски доктор на Националниот фудбалски тим на Република Македонија

Последните 17 години беше незаменлив дел од тимот на МЕГАМЕД ПЛУС. Колегите и пациентите ќе го паметат како врвен радиодијагностичар со огромна емпатија и висока стручност, кој спаси стотици човечки животи.

Со неговото заминувањето ќе остане огромна празнина во јавното и приватното здравство.

Последниот поздрав ќе се одржи во Четврток, 25 Јуни 2026, од 09:00 до 10:00 часот на гробиштата Ѓорче Петров во Скопје

Нека почива во мир

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ангелов: Уништени две хемиски гранати со боен отров од Првата светска војна

На стрелиштето Криволак уништени две хемиски гранати со боен отров од Првата светска војна.

Ангелов: Уништени две хемиски гранати со боен отров од Првата светска војна

На стрелиштето Криволак уништени две хемиски гранати со боен отров од Првата светска војна, информира директорот на Дирекцијата за заштита и спасување, Стојанче Ангелов.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Претставена „Везилка“ - Македонија добива национална фабрика за вештачка интелигенција

Проектот „Везилка“ – Национален центар за вештачка интелигенција, денеска беше официјално презентиран. 

Претставена „Везилка“ - Македонија добива национална фабрика за вештачка интелигенција

Станува збор за иницијатива што треба да ја поврзе домашната научна заедница, државните институции и приватниот сектор со европската инфраструктура за развој на вештачка интелигенција.

На промоцијата беше истакнато дека „Везилка“ не претставува самостојна „фабрика за вештачка интелигенција“, туку таканаречена „АИ антена“ – национален центар поврзан со европската АИ фабрика „Фарос“ во Грција. Преку ова партнерство, македонските истражувачи, стартапи, компании и јавни институции ќе добијат пристап до европски суперкомпјутерски капацитети, вклучително и суперкомпјутерот „Даедалус“, како и до напредни бази на податоци и специјализирани алатки за развој на модели со вештачка интелигенција.

Проектот чија реализација е планирана за три години, има вкупен буџет од околу 6,2 милиони евра. Од нив, приближно 3,1 милиони се обезбедени како грант од Европската Унија додека останатите средства се кофинансирани од државата.

„Везилка“ е вложување во иднината, во потенцијалот на македонските научници, истражувачи, студенти и компании. Тоа е и јасна определба државата да биде активен учесник во технолошките процеси што го обликуваат современиот свет - Христијан Мицкоски- претседател на владата

проектот претставува историски чекор во дигиталниот развој на државата и обид да се изгради траен систем, наместо да се реализираат поединечни и краткорочни проекти, посочи министерот Андоновски.

Целта на Везилка,се конкретни решенија базирани на вештачка интелигенција – од македонски јазични модели и дигитализација на културното наследство, до анализа на здравствени податоци, оптимизација на енергетските системи, автоматизација на административните услуги и примена на паметни технологии во земјоделството.

Покрај истражувачката компонента, „Везилка“ ќе функционира и како центар за обука и развој на кадри..

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер