Симјановска сепак ќе се натпреварува во велеслаломот во Сент Мориц

Македонската скијачка Лидија Симјановска, доби шанса да се натпреварува во велеслаломската трка на Светското првенство во алпски дисциплини што се одржува во Сент Мориц. Согласно правилата секоја земја може да пријави по еден натпреварувач во финалето доколку истиот ја завршил квалификациската трка.



16-годишната скијачка од Македонија на вчерашните квалификации го освои 46.место со време 2:24.92 минути или заостанување од 25.14 зад првопласираната.

Велеслаломот ќе се одржи на 16.февруари (четврток), а Симјановска треба да настапи и во квалификациите во слаломот следниот ден.

На Светското првенство Македонија во машките дисциплини ќе ја претставуваат шест скијачи (Антонио Ристевски, Лука Божиновски, Дардан Дехари, Воислав Синадиновски, Марјан Нашоку и Виктор Петров), кои ќе настапат во квалификациите во велеслалом (16.февруари) и во слалом (18.февруари).

ДИК: Излезноста до 13 часот 23,81 отсто

​ До 13 часот излезноста на предвремените парламентарни избори е 23,81 отсто од обработени 3.368 избирачки места на кои гласале 432.026 граѓани, соопшти Државната изборна комисија на попладневната прес-конференција.

Портпаролот на ДИК, Адмир Шабани информира дека во Првата изборна единица излезноста е 27,09 отсто, во Втората изборна единица 21,64, во Третата 28,92, во Четврата 27,45, во Петтата 23,11 и во Шестата изборна единица 15,58 отсто.

Шабани истакна дека до ДИК до овој момент нема пристигнато никаков приговор или најава за нерегуларности.

Во тетовскиот регион, Општина Тетово со најголема излезност до 13 часот

 Општина Тетово до 13 часот има најголема излезност од 19,63 отсто од своите 84.454 гласачи на 117 избирачки места од сите шест локални самоуправи на тетовското подрачје.

Следи општина Јегуновце, која е најмала локална самоуправа по број на гласачи, каде излезеноста е 17,05 проценти до 13 часот. Во Јегуновце право на глас имаат 10.168 гласач на 21 избирачко место.

Општина Брвеница има 16,32 отсто излезност од 15.534 граѓани, додека Боговиње има 15,07 проценти.

Најмалку одѕив на гласачите има во општините Желино и Теарце. Во Желино од 23.926 граѓани до 13 часот гласале само 10,73 отсто додека во Теарце 14,66 отсто од 22.238.

До 13 часот на изборите во Охрид излегле 28 отсто, во Струга 17 %

На предвремените парламентарни избори денеска до 13 часот во Охрид на гласање излегле 28,27 отсто од лицата со право на глас.

Излезноста до 13 часот во Општина Дебрца изнесува 25,57 проценти, а во Струга 16,61 отсто.

Според информациите од ОИК на трите општини, гласањето се одвива непречено, без какви било направилности во фер и демократска атмосфера.

притисни ентер