3Тричлена банда Бугари извршиле најголема измама во историјата на Британија, тешка 53 милиони фунти- депортирани се
Полицијата во Лондон го тестира системот за препознавање лица- ќе ги фотографираат луѓето без нивна дозвола
2Полицијата во Лондон го тестира системот за препознавање лица- ќе ги фотографираат луѓето без нивна дозвола
МакедонијаСиљановска-Давкова: Родовата еднаквост не е само статистика, таа е реална слика Претседателката Гордана Сиљановска-Давкова се обрати на статистичката конференцијата „25 години родови податоци“ .Претседателката Гордана Сиљановска-Давкова се обрати на статистичката конференцијата „25 години родови податоци“ којашто се одржа во организација на Државниот завод за статистика, во партнерство со канцеларијата на UN Women и амбасадата на Кралството Шведска во земјава. Честитајќи го значајниот јубилеј, претседателката изрази благодарност за континуираната професионалност, непристрасност и посветеност на општествената реалност и на вистината. Таа истакна дека како жена, како претседателка и како застапничка за еднаквост, знае колку е важно да постојат точни податоци коишто зборуваат за сите нас, не само за натпретставените, туку и за маргинализираните кои предолго биле невидливи за македонскиот општествен радар. За неа, родовата еднаквост не е само статистика, не е море од бројки на хартија, туку е реална слика на општествената стварност, резултат што може да се постигне само со здружен општествен напор, со солидарност и постојано учење едни од други, но и едни за други. Таа е наш заеднички влог за порамноправно, похумано и понапредно општество. Сиљановска-Давкова порача дека е потребно да создадеме држава во која сите ќе бидеме свесни дека секој податок одразува нечиј живот, секоја бројка раскажува индивидуална, вистинска човечка приказна, а трудот на секој човек, без разлика на полот и родот, треба да биде еднакво вреднуван, сечиј глас слушнат, без оглед дали е гласен или е тивок. Со конференцијата се одбележаа 25 години од систематско собирање на родови податоци во државава и претставува дел од низата настани во рамки на одбележувањето на јубилејот - 80 години од основањето на македонскиот Државен завод за статистика. Во продолжение е интегралниот текст од обраќањето на претседателката Гордана Сиљановска-Давкова. Почитувани претставнички и претставници на Државниот завод за статистика, Почитувани претставнички и претставници на Канцеларијата на Обединетите нации, Почитувани претставнички и претставници на дипломатскиот кор, Почитувана Амбасадорке на Кралството Шведска, Почитувани гостинки и гости, Дами и господа, Со особена чест и длабока благодарност ве поздравувам на овој, за мене и за вас и за нас, значаен настан – одбележувањето на 25-годишнината од првиот чекор којшто како држава го направивме на полето на собирањето, но и на користењето на родовите податоци и објавувањето на првата публикација на оваа тема од страна на Државниот завод за статистика. Овој јубилеј е многу повеќе од заокружување на симболичниот број на години. Тој е признание за една вистинска и добра одлука донесена на национално ниво и силна решеност и посветеност истата доследно да се реализира, со цел да гледаме појасно, да планираме поправедно и да дејствуваме потемелно. Да ги согледаме жените и мажите низ податоците коишто откриваат повеќе од зборовите, суштински да ги разбереме нивните потреби, но и да го процениме нивниот потенцијал за да ги вградиме во политиките и во резултатите. Свесна сум дека оваа важна и непходна задача не е лесна. Во тој контекст, во изминатите 25 години, чинам дека како држава постигнавме многу. Денес знаеме повеќе за родовите разлики во образованието, на пазарот на трудот, во пристапот до здравствените и социјалните услуги, во учеството во процесот на одлучувањето. Сведоци сме на нови методологии, подобрени се системите за прибирање и анализа на податоците, а што е најважно – подигната е свеста за важноста на родовото прашање и неопходноста истото да биде дел од секоја анализа и од секоја политика. Секако, на ова тешко патување, соочени сме со многу Сцили и Харибди, но не бевме сами. Чувствувам обврска да изразам искрена благодарност до Канцеларијата на Обединетите нации во нашата земја, како и до Амбасадата на Кралството Шведска. Вашата стратегиска поддршка, експертската соработка и несебичната посветеност беа и остануваат клучни во процесот на изградбата на стабилни и одржливи институционални капацитети, како и во промоцијата на родова еднаквост заснована на податоци. Посебно задоволство ми е што оваа годишнина се совпаѓа со уште еден голем јубилеј – 80 години од основањето на Државниот завод за статистика, институција којашто не произведува и не дистрибуира само релевантни бројки, туку е кредибилен и респектиран творец на колективна меморија на важни податоци и факти неопходни за развојот и за напредокот. Ви го честитам значајниот јубилеј, ви благодарам за континуираната професионалност, непристрасност и посветеност на општествената реалност и на вистината. Вам ви е доверена благородна задача да бидете двигатели на објективноста и на транспарентноста во родовото регистрирање и информирање, со што фактичката реалност станува видлива. Како жена, како претседателка и како застапничка за еднаквост, знам колку е важно да постојат точни податоци коишто зборуваат за сите нас, не само за надпретставените, туку и за маргинализираните коишто предолго биле невидливи за македонскиот општествен радар. Свесна сум дека сè уште постојат препреки, но знам дека отворено зборуваме и се повикуваме на факти и се обидуваме да ги ублажиме, поместиме, отстраниме и надминеме проблемите! Почитувани гостинки и гости, Слоевитоста и финесите при обработката на податоците со цел да се долови и наслика живиот општествен мозаик, низ призма на родовата димензија, се голем и инспиративен предизвик. Очигледно е дека не сите области се подеднакво покриени. Нè очекува и ве очекува тешка работа врзана за родовите податоци во најчувствителните родови сегменти: ранливите, маргинализираните групи, прашањата поврзани со неплатената работа, родовобазираното насилство, климатските промени. Нивното собирање и систематизирање и нивната употреба во функција на решавање на горливите проблеми мора да биде побрза, подиректно и поефикасно, ако сакаме да креираме соодветни решенија за секој предизвик и проблем, што поинаку ги засега различните социјални групи, доколку сакаме да ја отстраниме дискриминацијата. Никогаш не е на одмет да се потсетиме дека родовата еднаквост не е само статистика, не е море од бројки на хартија. Таа е реална слика на општествената стварност, резултат којшто може да се постигне само со здружен општествен напор, со солидарност и постојано учење едни од други, но и едни за други. Таа е наш заеднички влог за порамноправно, похумано и понапредно општество. Во иднина, нашата мисија како држава и мојата заложба како претседателка остануваат јасни: да продолжиме да инвестираме во родовите статистики, да го зајакнеме меѓуинституционалниот дијалог, да изградиме систем на податоци коишто не само што ќе информираат, туку ќе трансформираат. Да го искористиме овој јубилеј како поттик на нова енергија, поголема храброст и поцврста посветеност. Да создадеме држава во која сите ќе бидеме свесни дека секој податок одразува нечиј живот, секоја бројка раскажува индивидуална, вистинска човечка приказна, а трудот на секој човек, без разлика на полот и родот, треба да биде еднакво вреднуван, сечиј глас слушнат, без оглед дали е гласен или е тивок. На крајот, честитки и благодарност за сите кои со визија, истрајност и љубов го градеа и го градат овој децениски пат по кој со сигурни чекори ќе продолжиме да чекориме и ќе продолжат да чекорат идните генерации.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
ХороскопДневен хороскоп за 21. ноември 2026 година Дневен хороскоп за сабота, 21. ноември 2026 година. Шкорпија 24.10-22.11. Љубов Како да не можете јасно да видите или ќе бидете склони кон преценување на самите себа.Проценките нема да ви бидат реални. Кариера Ако постојат некакви правни или морални двоумења во врска со една работа, обидете се тоа да го анализирате и решите. Здравје и совет Јадете помалку, движете се повеќе. Стрелец 23.11.-21.12. Љубов Ќе се двоумите колку треба да попуштите и тука нема да најдете вистинска мерка.Сетете се на вашите цели и кон што тежнеете. Кариера Би можело да ви биде сеедно како се одвиваат работите . Спречете ги последиците од таквата рамнодушност. Здравје и совет Не претерувајте со јадењето слатки. Јарец 22.12.-20.1. Љубов Ќе се чувствувате по малку задремано и нема да сакате да правите ништо особено во љубовните акции. Кариера На дневен ред ќе се најдат многу разновидни теми , кои не трпат одложување.Вие ќе морате да почнете да го решавате сето тоа. Здравје и совет Бидете доследни. Водолија 21.1.-19.2. Љубов Ќе имате вистинска рамнотежа меѓу чувствата и интелектот , па ќе се усогласите по сите прашања.Ќе бидете задоволни и емотивно сити. Кариера Треба малку повеќе да работите, иако сеуште не сте се прилагодиле , па сте затоа незадоволни.Стиснете заби , организирајте се и работете. Здравје и совет Подобро да верувате отколку да се сомневате. Риби 20.2.- 20.3. Љубов Во љубовиот живот ќе бидете настроени да читате меѓу редови , па се ќе се сведува на тајни погледи и суптилни сигнали. Кариера Освен што одлично делувате во практичниот дел , денеска на работа ќе покажете и голема креативност. Здравје и совет Ви се подобрува формата. Овен 21.3-20.4. Љубов Со задоволство ќе прифатите покана за излегување на кафе , каде би поминале пријатно време во неврзан разговор. Кариера Деловната комуникација ќе се одвива квалитетно, но вие самите нема да бидете задоволни од својот настап.Очекувате повеќе од себе. Здравје и совет Размислувајте додека се шетате. Бик 21.4- 20.5. Љубов Вашата потреба за зборување и денеска ќе биде задоволена , но срцето и натаму ќе ви остане празно.Сепак , и зборувањето е нешто. Кариера Некои ваши колеги ќе се покажат како вистински лицемери или снобови.Работете точно што се очекува од вас и бидете професионални. Здравје и совет Не ги земајте работите при срце. Близнаци 21.5.-21.6. Љубов Може да очекувате еден поволен ден кога станува збор за љубовни прашања . отворени се многу можности , а некои се поврзани со патувања. Кариера Издржете ги малите напори и завршете ги заостанатите задачи.За сега не треба ништо да менувате , освен вашиот пристап. Треба да бидете поупорни. Здравје и совет Наспијте се Рак 22.6-22.7. Љубов Пред вас е уште еден ден во кој ќе покажете дека имате нежна и интуитивна страна. Кариера Одлично ќе поврзувате различни видови работа.И во практичниот и во теоретскиот дел ќе функционирате беспрекорно. Здравје и совет Останете какви што сте. Лав 23.7-22.8. Љубов Пред вас е прекрасен ден за секаква поврзаност со луѓето, било да станува збор за саканата личност , ново познанство или за пријателите. Кариера Верувате во подобро утре .Имате право.И денеска ќе градите мостови, ќе се поврзувате со нови деловни партнери или ќе ги обновувате старите врски. Здравје и совет Динамични сништа. Девица 23.8.-23.9. Љубов Денот ќе ви донесе богат социјален живот , како и многу поттици за нови познанства , ако сте уште сами. Кариера Некои денеска ќе бидат во центарот на вниманието или булвално на сцена каде ќе го објаснуваат својот деловен план. Здравје и совет Изразувајте се слободно. Вага 24.9.-23.10 Љубов Малата збрканост на чувствата ќе биде поврзана со вашата или желбата на партнерот за донинација во врската. Кариера Ништо не сакате да му препуштите на случајот , но тоа ви ја одзема спонтаноста од која се раѓаат свежи идеи.Најдете рамнотежа. Здравје и совет Проверете си ја крвната слика.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиМВР предупредува на опасна он-лајн група „764“- која таргетира деца и малолетници15:00Во 13 часот протест пред Владата против родово базирано насилство08:49Нови пријави за сексуално насилство врз деца: Дали казните и законските рокови ги штитат жртвите?15:08Кривични пријави за два слуачи поврзани со силување деца08:55На бебе му бил повреден прст на Гинекологија при вадење инфузија – ГАК отвора дисциплинска постапка15:08
Нови пријави за сексуално насилство врз деца: Дали казните и законските рокови ги штитат жртвите?15:08
На бебе му бил повреден прст на Гинекологија при вадење инфузија – ГАК отвора дисциплинска постапка15:08
СудбинаСмртоносно количество кокаин е пронајден во бебешка цуцла- осудени се мајката и нејзиниот партнер Мајка е затворена, заедно со нејзиниот партнер, по смртта на нејзината двегодишна ќерка, во чие шише за млеко е пронајдено дека содржи „смртоносна количина“ кокаин!Итните служби биле повикани на адреса во Билингам во април 2024 година, по извештаите дека девојчето, Лајла Хеч, престанало да дише, објави Би-Би-Си. Нејзината мајка, 22-годишната Џоди Хеч, и нејзиниот партнер, 30-годишниот Дејли Матис, првично ги негираа двете обвиненија за злоупотреба на деца во кои биле вклучени Лајла и друго дете. Тие го сменија своето признание на вина на Крунскиот суд во Тиссајд и беа осудени во понеделник. Mom and drug-dealer boyfriend learn fate after toddler dies from drinking cocaine-laced milk https://t.co/QrE02BgFuI https://t.co/I5KLiG860C — New York Post (@nypost) November 17, 2026 Токсиколошкиот извештај покажал дека смртоносна количина кокаин е пронајдена во шишето за млеко на детето, а дрогата е пронајдена и во нејзината крв, желудочната содржина и прамените коса. Главниот детектив инспектор Крис Прингл од полицијата во Кливленд изјави дека во куќата е пронајдена голема количина дрога, како и канабис. Двојката се изјасни за виновна за поседување дрога од класа А со намера за дистрибуција. Џоди Хеч, исто така, се изјасни за виновна за вмешаност во дистрибуција на дрога од класа Б и беше осудена на пет години и четири месеци затвор. Матис, кој беше осуден и за посебно кривично дело насилно однесување во врска со нападот во септември, беше осуден на 13 години затвор. Прингл рече дека дрогата пронајдена во куќата била „лесно достапна за мали деца“, што ја прави „екстремно опасна средина“.Тагови: кокаин Мајката Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
ЕвропаСанчез е пред изборен пораз- европската левица останува без еден од најсилните адутиСè поверојатниот изборен пораз на шпанскиот премиер Педро Санчез на претстојните избори би претставувал нов удар за европската левица, која би останала без еден од своите најгласни претставници во Европскиот совет.Вонредните избори во Шпанија, закажани за 29 ноември, би можеле дополнително да ги променат политичките односи меѓу европските лидери, а со тоа и односот на силите на состаноците на кои се одлучува за идниот правец на Европската унија. Според резултатите од анкетите, победата на шпанските конзервативци е се поизвесна, што значи дека бројот на социјалистичките лидери во Европскиот совет би можел дополнително да се намали. Изборите во Италија, Франција и Полска во 2027 година би можеле дополнително да ја ослабат европската левица и да доведат до фактот дека проевропските прогресивни и либерално-левичарски партии во Европскиот совет остануваат во посебно малцинство. „Една од последните преостанати левичарски влади во Европската унија... Звучи како остаток од минатото“, му рече еден дипломат на ЕУ за известувачот. Кој останува меѓу европските социјалисти? Доколку Санчез загуби на изборите, меѓу социјалистичките и социјалдемократските лидери во Европскиот совет, главно ќе останат данската премиерка Мете Фредериксен и премиерот на Малта Роберт Абела. И двете доаѓаат од помалите земји-членки на ЕУ, а нивните политички ставови не мора да се совпаѓаат со разбирањето на Санчез за социјализмот. Социјалист е и претседателот на Европскиот совет, Антонио Кошта. Евроскептичната група на европски конзервативци и реформисти (ЕЦР) во моментов има двајца претставници во Европскиот совет - италијанската премиерка Џорџија Мелони и белгискиот премиер Барт Де Вевер. Летонскиот премиер Андрис Кулбергс е независен, но неговата владина коалиција вклучува и партии поврзани со ЕЦР. Поранешниот чешки премиер Петар Фијала, кој припаѓаше на ЕЦР, беше заменет со Андреј Бабиш, чија партија АНО е член на екстремно десничарската група Патриоти за Европа (PfE). Умерената, проевропска десница, собрана околу Европската народна партија (ЕПП), има 12 лидери во Европскиот совет, како и претседател на Европската комисија. „Јазот би бил огромен“, рече Хавиер Карбонел, политички аналитичар во Центарот за европска политика (EPC) со седиште во Брисел. „Фредериксен не се смета за водечка фигура меѓу социјалистите во остатокот од Европа на начин на кој, до одреден степен, беше Санчез“, додаде тој. Карбонел верува дека заминувањето на Санчез би можело да поттикне поширока дискусија меѓу европските социјалисти за насоката во која тие треба да се развиваат, особено затоа што ниту поумерен ниту изразито левичарски пристап во моментов не им носи изборен успех. Големи разлики околу миграцијата „Фредериксен, дали таа навистина е социјалист? праша друг дипломат на ЕУ, потсетувајќи на честите несогласувања меѓу Данска и Шпанија во Европскиот совет, особено кога станува збор за миграциската политика. Данската премиерка неодамна, заедно со италијанската премиерка Џорџија Мелони и полскиот премиер Доналд Туск, го критикуваа Санчез за неговата политика на легализирање на статусот на стотици илјади мигранти. Фредериксен се залага за многу построга миграциска политика од шпанскиот премиер. Неодамна ги поддржа плановите за формирање центри за мигранти кои не се членки на ЕУ во Руанда, со поддршка од Германија, Австрија, Грција и Холандија. Шпанија, заедно со Франција, постојано се спротивставуваа на ваквите предлози. „Не би го дефинирала Фредериксен како социјалдемократ“, изјави за порталот „Репортер“ Хана Јалул, истакната членка на шпанските социјалисти во Комисијата за надворешни работи на Европскиот парламент. „Ако можете да испратите кој било мигрант во Руанда, без да ги земете предвид нивните човекови права, нивната животна ситуација или нивните лични околности, тоа е целосно неприфатлив расизам“, додаде таа. Санчез често се судираше со Трамп Санчез и даде на европската левица препознатлив политички профил, особено со неговите ставови за Кина, Блискиот Исток и односите со Соединетите Американски Држави. Неговата влада беше поотворена за соработка со Кина и се спротивстави на одредени потези на администрацијата на американскиот претседател Доналд Трамп. Во април оваа година Санчез ја посети Кина по четврти пат во последните три години, со цел зајакнување на економските и дипломатските односи со Пекинг. Шпанија стана една од најотворените членки на ЕУ за соработка со Кина, а Санчез постојано ја повикува Европа да се вклучи во поинтензивен дијалог со Пекинг. Таквата политика не секогаш наидува на одобрување на другите европски лидери, а за време на неговиот втор мандат, Санчез постојано се судри со американската администрација. Тој се спротивстави на зголемувањето на средствата за војската на пет проценти од БДП, што го бара НАТО, им забрани на американските авиони да користат заеднички воени бази и шпански воздушен простор и отворено се спротивстави на, како што рече, „нелегалната и неправедна војна“ во Иран. Ова дополнително ја зацврсти неговата позиција како еден од најпрепознатливите претставници на меѓународната левица. Тагови: Левица Педро Санчез Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter