Сиљановска-Давкова одржа предавање на Правниот факултет во Љубљана „Уставните трансформации на патот кон ЕУ: реформи или уставен инженеринг?“ - Канал 5

Македонија

Сиљановска-Давкова одржа предавање на Правниот факултет во Љубљана „Уставните трансформации на патот кон ЕУ: реформи или уставен инженеринг?“

Претседателката, д-р Гордана Сиљановска-Давкова, во рамките на посетата на Република Словенија, одржа предавање на Правниот факултет при Универзитетот во Љубљана, на којшто докторирала.

Сиљановска-Давкова одржа предавање на Правниот факултет во Љубљана „Уставните трансформации на патот кон ЕУ: реформи или уставен инженеринг?“

Претседателката, д-р Гордана Сиљановска-Давкова, во рамките на посетата на Република Словенија, одржа предавање на Правниот факултет при Универзитетот во Љубљана, на којшто докторирала, на тема: „Уставните трансформации на патот кон ЕУ: реформи или уставен инженеринг?“, пред бројни професори, студенти и претставници на дипломатскиот кор.

Предавањето се однесуваше на природата на уставот, како највисок правен акт и најширок и најважен договор меѓу граѓаните, со акцент на уставните измени како механизам за реформа на политичкиот систем или моделот на организација на власта, заради решавање на општествени проблеми од различен карактер.

Во фокусот беше македонскиот устав и неговите 36 амандмани од 1992 до денес.

Гордана Сиљановска – Давкова оцени дека, нашиот устав, иако формално-правно се вбројува во цврстите устави, често се менуваше, а промените најчесто беа диктирани однадвор, а не се креирани одвнатре, добивајќи карактер на уставен инжењеринг, а не на реформски процес во интерес на граѓаните.

Исто така, претседателката укажа на непочитувањето на процедурата за уставни измени, со што се нарушува легитимноста на новите решенија.

Најпроблематично за Сиљановска – Давкова е што “sui generis” уставните решенија ги слабеат институциите, граѓанинот и граѓанското општество, а ги јакнеат етничките водачи како арбитри во општеството.

Според претседателката, ние имаме насушна потреба од пристојна, модерна држава и демократски, функционален политички систем, сличен и компатибилен со европските.

На предолгиот пат кон Брисел, обременет со препреки врзани за идентитетски прашања, коишто, според европскиот конституционализам не може да бидат услов за евроинтеграција, ние најчесто бевме туркани во уставни измени коишто не водат напред, туку не враќаат назад, закотвувајќи не во ирационални историски ровови.

Гордана Сиљановска – Давкова, преку цитирање мислења на Венецијанската комисија, членови од основачките акти на ЕУ, пресуди на Судот за човекови права од Стразбург, одредби од уставите на други држави, ставови на професори по Уставно и Меѓународно право укажа на правната и политичка проблематичност на Преговарачката рамка и Заклучоците на Европскиот совет за нас, посочувајќи дека преку политичка и/или правна интерпретација, во духот на европското право треба да се надмине status quo состојбата во која се наоѓаме, без да бидеме втурнати во нов чин на уставен инжењеринг, губејќи ја енергијата на политичка ревизија на историјата, наместо на Копенхашки реформи!

Претседателката одговори на бројни прашања, поставени од студенти, колеги и амабасадори, по што следеше дебата со македонските студенти и професори во Словенија, соопштуваат од Кабинетот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Британија доби нов премиер- Енди Бернам и официјално ја презеде функцијата

Енди Барнам официјално стана 59-ти премиер на Обединетото Кралство.

Британија доби нов премиер- Енди Бернам и официјално ја презеде функцијата

Кралот Чарлс го покани да формира влада за време на приватна средба во Бакингемската палата.

Еве ја изјавата од Бакингемската палата во која се потврдува дека Енди Барнам станал премиер: „Неговото Височество го прими на аудиенција пратеникот Енди Барнам и го замоли да формира нова влада. Пратеникот Енди Барнам ја прифати понудата на кралот и положи заклетва како премиер.“

„Неговото Височество ја прими и г-ѓа Мари-Франс ван Хил“, се додава во соопштението од Бакингемската палата.

Британскиот премиер Кир Стармер официјално поднесе оставка од функцијата премиер порано денес во Бакингемската палата, изјавувајќи дека неговата работа е завршена.

Тој им рече на новинарите и на граѓаните собрани пред палатата дека за шест и пол години како лидер на Лабуристите ја водеше партијата „од историски пораз во 2019 година“ до убедлива победа на општите избори во 2024 година. „Уверен сум дека Велика Британија е посилна и пофер сега отколку што беше пред две години“, рече тој, додавајќи дека неговата влада ги извлекла децата од сиромаштија, ја намалила имиграцијата, ја ставила одбраната на посилна основа и ја подобрила меѓународната позиција на Велика Британија.

Тагови: Британија Премиер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Бугарија им дозволи на САД да ги чуваат воените авиони во близина на Софија, сега се пишманија

Бугарија ќе побара од парламентот одобрение за сместување на до осум американски авиони-танкери во воената база Безмер, изјави денес премиерот Румен Радев.

Бугарија им дозволи на САД да ги чуваат воените авиони во близина на Софија, сега се пишманија

Бугарија ќе побара од парламентот одобрение за сместување на до осум американски авиони-танкери во воената база Безмер, изјави денес премиерот Румен Радев, откако претходниот план за нивно стационирање на цивилен аеродром предизвика контроверзии.

Владата ќе го испрати до парламентот барањето на Вашингтон за стационирање на авионите во воениот објект Безмер за поддршка на американските воени операции на Блискиот Исток, изјави Радев на годишната конференција на бугарските амбасадори во Софија.

Без парламентарно одобрение

Одлуката претходно оваа година авионите, кои главно се користат за полнење гориво на други авиони во воздух, да се стационираат на цивилниот аеродром во главниот град Софија, беше донесена без претходно парламентарно одобрение, предизвикувајќи политичка контроверзност. Авионите го напуштија местото минатиот месец.

„Проблемот беше што воените авиони беа стационирани на цивилен аеродром во непосредна близина на Софија. Затоа им предложивме на нашите сојузници користење на воени аеродроми“, рече Радев.

Воената база Безмер се наоѓа околу 260 километри југоисточно од Софија.

Тензии на Блискиот Исток

Соединетите Американски Држави и Иран ги засилија своите напнати размени на напади откако пропадна привремениот договор за прекин на огнот потпишан во јуни, зголемувајќи ја можноста за враќање во целосен конфликт. Израелски воен претставник изјави во неделата дека Израел се подготвува да прими дополнителни американски авиони за полнење гориво.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Повторно се шири бизарната теорија за Шакира по нејзиниот настап на СП (ВИДЕО)

Настапот на колумбиската пејачка Шакира на полувремето од финалето на Светското првенство предизвика бројни реакции, но не поради самиот настап, туку поради необична теорија на заговор. 

Повторно се шири бизарната теорија за Шакира по нејзиниот настап на СП (ВИДЕО)

Шакира ја изведе официјалната шампионска химна „Даи Даи“ со Бурна Бој за време на полувремето од натпреварот помеѓу Аргентина и Шпанија, а на сцената ѝ се придружија Џастин Бибер, BTS и Мадона.

Враќањето на Шакира на светската фудбалска сцена, 16 години по легендарната песна „Вака Вака“ од 2010 година, беше еден од најочекуваните моменти на вечерта.

Теорија за двојничка

Нејзиниот настап се случи недолго откако на интернет почна да циркулира теоријата дека Шакира користела двојничка на церемонијата на отворањето на првенството во јуни. Потоа таа ја изведе истата песна на стадионот Ацтека во Мексико Сити, а дел од публиката беше убеден дека лицето на сцената не е таа.

Корисниците на социјалните мрежи споделија снимки и фотографии за кои тврдеа дека ја поддржуваат идејата. Некои истакнаа дека очилата за сонце премногу го кријат нејзиното лице: „Тоа не е Шакира, тоа е двојничка“, гласеше еден коментар. Други се пошегуваа: „Плачам, дали испратија двојничка на Шакира на отворањето?“ Трет заклучи: „Извинете, но тоа не е Шакира.“

Иако теоријата нема докази, таа повторно се појави по последниот настап. Обожавателите сега тврдат дека Шакира намерно избегнувала да носи очила за да докаже дека тоа навистина била таа.

„Шакира овој пат без очила само за да не биде обвинета дека е двојничка, умирам од смеа“, напиша еден корисник на X. „Шакира не носи очила затоа што минатиот пат рекоа дека е двојничка“, забележа друг. Трет се пошегува: „Шакира без очила за сонце како да вели - да, овој пат навистина сум јас.“

Тагови: Шакира

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер