Сиљановска-Давкова: Македонија не бега од вето, но тоа да биде поврзано со Копенхашките критериуми - Канал 5

Македонија

Сиљановска-Давкова: Македонија не бега од вето, но тоа да биде поврзано со Копенхашките критериуми

Уставните измени да стапат на сила откако Македонија би ги завршила пристапните преговори со ЕУ – порача претседателката Гордана Сиљановска Давкова од Правниот факултет во Љубљана.

Сиљановска-Давкова: Македонија не бега од вето, но тоа да биде поврзано со Копенхашките критериуми

Уставните измени да стапат на сила откако Македонија би ги завршила пристапните преговори со ЕУ – порача претседателката Гордана Сиљановска Давкова од Правниот факултет во Љубљана како дел од својата официјална посета на Словенија, каде го образложи предложениот модел за деблокада на евроинтегративниот пат на државава преку кој би се добиле бараните гаранции.

„Нашето соломонско решение е доколку ги направиме измените и тие навистина бидат последни, да стапат на сила откако ќе ги завршиме преговорите. Ние не бегаме од вето, но тоа да биде врзано со Копенхашките критериуми, а не со идентитетски прашања“, - истакна претседателката - Гордана Сиљановска Давкова.

Предвидливо и меритократско пристапување побара и министерот за надворешни работи - Тимчо Муцунски од денешниот Форум на Стратегијата на Европската Унија за Јадранско – јонскиот регион.

-Го потврдуваме проширувањето на ЕУ како геостратешки приоритет, од суштинско значење за мирот, стабилноста и просперитетот во нашиот регион. Поддржуваме кредибилен, базиран на заслуги и предвидлив процес на пристапување,- -Тимчо Муцунски, министер за надворешни работи и надворешна трговија.

Од Форумот, генералниот секретар на Јадранско-јонската иницијатива - Џовани Кастеланета, ја повика Европската унија да ги разгледа гласањето со квалификувано мнозинство и постепеното интегрирање како клучни елементи во надминување на неизвесноста во проширувањето, за која тој посочи дека создава фрустрации и ја ослабува довербата кон ЕУ.

-ЕУ мора да дејствува со поголема решителност и јасност. Ова значи забрзување и поедноставување на процесот кој премногу често се смета за бавен, бирократски и понекогаш непредвидлив. / Замена на едногласноста во донесувањето одлуки и наместо тоа користење на гласање со квалификувано мнозинство напредувајќи кон пофлексибилна Европа, Европа на концентрични кругови со повеќекратни брзини, вклучувајќи форми на диференцијална интеграција, преку која нови членки ќе можат да бидат интегрирани а воедно да се оддржи ефикасноста,- - Џовани Кастеланета генерален секретар на Јадранско-јонската иницијатива.

Кастеланета потенцираше дека Западен Балкан не смее да се изостави додека Украина и Молдавија напредуваат на Европскиот пат поради како што рече издржани политички причини, во спротивно, според Генералниот секретар, постои ризик од регионална дестабилизација.

YouTube video

Тагови: Сиљановска - Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Превентивна активност на МВР и РСБСП: Апел до возачите да возат одморени

Активноста беше насочена кон подигнување на сообраќајната култура и безбедноста на патиштата.

Превентивна активност на МВР и РСБСП: Апел до возачите да возат одморени

Вчера (07.08.2026) во рамки на летната кампања „Безбедно лето 2026 – Вози одморен“, на автопатот А1, на наплатната станица Романовце, во периодот од 17:00 до 18:00 часот, Мобилната единица за безбедност на сообраќајот на патиштата при Секторот за сообраќајни работи, во соработка со Републичкиот совет за безбедност на сообраќајот на патиштата (РСБСП), спроведе превентивно-едукативна активност наменета за возачите.

Активноста беше насочена кон подигнување на сообраќајната култура и безбедноста на патиштата, со посебен акцент на ризиците од управување со возило во состојба на замор, особено во услови на високи температури и зголемена фреквенција на сообраќај во летниот период.

На возачите им беа поделени едукативни флаери, а преку непосредна комуникација им беше укажано да не управуваат возило доколку се чувствуваат заморни, да прават почести паузи при подолги патувања и да внесуваат доволно течности, особено вода, за време на патувањето.

Министерството за внатрешни работи и РСБСП и понатаму ќе продолжат со превентивни активности насочени кон заштита на сите учесници во сообраќајот.

Сообраќајната безбедност зависи од секој од нас – секој живот е важен.

Тагови: РСБСП

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СВР Битола лиши од слобода две лица за подметнување пожари на отворен простор, следуваат соодветни пријави

На 07.08.2026 во 12:00 часот во с.Грешница, општина Македонски Брод, полициски службеници од ОВР Македонски Брод го лишија од слобода Г.С.(45) од с.Грешница.

СВР Битола лиши од слобода две лица за подметнување пожари на отворен простор, следуваат соодветни пријави

Тој се сомничи дека претходно во повеќе наврати подметнувал пожари на отворено, а вчера околу 11:30 часот бил затекнат како на подрачје помеѓу с.Грешница и с.Слатина, општина Македонски Брод, исто така, подметнува пожар на отворено.

На 07.08.2026 во 17:00 часот во с.Сарандиново, општина Долнени, полициски службеници од ОВР Прилеп го лишија од слобода Г.А.(76) од Скопје. Тој се сомничи дека предизвикувал пожари на отворен простор.

По целосно документирање на настаните, против двајцата ќе бидат поднесени соодветни пријави.

Тагови: пожари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Дрон влегол во воздушниот простор на Бугарија и експлодирал близу границата со Романија

Беспилотно летало влегло во воздушниот простор на Бугарија, која е членка на НАТО и ЕУ и експлодирало во близина на границата со Романија, изјави премиерот Румен Радев.

Дрон влегол во воздушниот простор на Бугарија и експлодирал близу границата со Романија

Во инцидентот немало повредени, ниту материјална штета. Дронот експлодирал на бугарска територија, на околу 100 метри од романската граница, изјави Радев по состанокот на владиниот совет за безбедност во Софија и додаде дека тимови од бугарската гранична полиција и од министерството за одбрана работат на утврдување на потеклото на дронот.

Тагови: Бугарија дрон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер