Сиљановска-Давкова ги прими ракометарите кои на 27. Светско првенство во ракомет за средношколци постигнаа историски успех - Канал 5

Македонија

Сиљановска-Давкова ги прими ракометарите кои на 27. Светско првенство во ракомет за средношколци постигнаа историски успех

Претседателката Гордана Сиљановска-Давкова денеска ги прими членовите на машката и женската кадетска ракометна репрезентација, кои на 27. Светско првенство во ракомет за средношколци, одржано во Скопје, постигнаа историски успех

Сиљановска-Давкова ги прими ракометарите кои на 27. Светско првенство во ракомет за средношколци постигнаа историски успех

Претседателката Гордана Сиљановска-Давкова денеска ги прими членовите на машката и женската кадетска ракометна репрезентација, кои на 27. Светско првенство во ракомет за средношколци, одржано во Скопје, постигнаа историски успех: машката кадетска селекција го освои златниот медал и се закити со титулата светски училишен шампион, а женската кадетска селекција освои сребрен медал и стана светски вицешампион.

Честитајќи им за извонредниот успех, претседателката им се заблагодари за витешката битка, личната и тимска победа, како и достојното претставување на државата на светската ракометна сцена.

Таа смета дека освоените медали се резултат на истрајната работа, темелната посветеност и исклучителниот талент, како и награда за манифестираната способност за рамноправен натпревар со најдобрите училишни селекции во светот, што ги прави најдобри македонски спортски амбасадори.

Сиљановска-Давкова потенцираше дека ракометот има посебно место во македонската спортска историја, во којашто и самите се вградија.

Исто така, претседателката потсети дека македонскиот ракомет изнедри генерации врвни спортисти, кои инспирира низа генерации.

Осврнувајќи се на значењето на спортот во развојот на физичкото и менталното здравје на младите, таа заклучи дека ракометот е повеќе од игра, тој е животна филозофија во којашто се спојуваат дисциплината и страста, умот, вештината и храброста, личниот напор и колективниот дух.

Според неа, преку спортот младите учат како индивидуалниот придонес да го насочат кон врвната заедничка цел, преку доверба, солидарност и свест за општо добро.

Младите ракометари и ракометарки во извонредното достигање препознаваат потврда и признание за трудот, но и силна мотивација за стремеж кон освојување нови ракометни спортски врвови.

Посакувајќи им успешна иднина, Сиљановска-Давкова им посака да го задржат и негуваат шампионскиот дух.

На средбата присуствуваа и претставници на Федерацијата на училишен спорт на Македонија, предводени од претседателката Елена Мицковска, која на претседателката Сиљановска-Давкова ѝ врачи Благодарница за посебен придонес во развојот и афирмацијата на училишниот спорт.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Видео: „Koenigsegg Jesko Absolut“ повторно го надмина „Nevera“ и стана најбрзиот сериски автомобил во светот

Шведскиот производител на хиперавтомобили „Коенигсег“ повторно ги помести границите на автомобилската индустрија и постави нови светски рекорди во забрзување.

Видео: „Koenigsegg Jesko Absolut“ повторно го надмина „Nevera“ и стана најбрзиот сериски автомобил во светот

На Националниот ден на Шведска, 6 јуни, компанијата се врати на својот дом во Ангелхолм со „Јеско Абсолут“, возило именувано по основачот на компанијата, Јеско фон „Коенигсег“.

Зад воланот на автомобилот беше тест-возачот на компанијата, Маркус Лунд (Лунд), чие возење е снимено во официјалното видео .

За време на тестирањето, Лунд официјално му ја обезбеди на овој модел титулата најбрз сериски автомобил во светот во дисциплините трки од четвртина милја (околу 402 метри) и половина милја (околу 805 метри).

Во трката од четвртина милја, Koenigsegg Jesko Absolut постигна импресивно време од 8,54 секунди и „прелета“ преку целта со брзина од 305 км/ч.

Со овој резултат, беше испишана нова страница во историјата, со оглед на тоа што ниту еден сериски автомобил пред овој тест не успеал да ја надмине брзината од 300 км/ч на наведеното растојание.

Автомобилот продолжи да забрзува во делницата од половина милја, каде што забележа време од 12,76 секунди со максимална брзина од 373 км/ч.

YouTube video

Овие бројки го ставаат шведскиот модел директно пред некои од најсилните сериски конкуренти на пазарот, вклучувајќи го и Rimac Nevera, кој го има статусот на крал на забрзувањето на рамна („драг“) патека - и ова не е ни прв пат. Она што ги прави овие резултати уште поимпресивни технички е фактот дека тие се постигнати со погон на задните тркала, на неподготвена писта и со користење на стандардни сериски гуми, без никакви модификации на површината или специјални механички интервенции.

Според официјалните информации од Koenigsegg, клучниот фактор за постигнување на рекордот лежи во најновите софтверски оптимизации на системот. Наместо да ги чува овие технолошки иновации исклучиво за тест прототипови, производителот објави дека имплементираните софтверски подобрувања ќе станат достапни за сите постоечки сопственици на моделот Jesko Absolut, пишува Autonet.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„Само Интервју“ со Горан Минчев

 Горан Минчев утре ќе гостува во „Само Интервју“ 

„Само Интервју“ со Горан Минчев

Почитувани, утре во Само Интервју ќе гостува министерот за јавна администрација Горан Минчев

Владата е на половина мандат – кој заслужува да остане, а кој треба да биде реконструиран?

Дали ЗНАМ постепено се претвора во уште една класична владејачка партија, наместо да биде коректив?

Кога ќе видиме резултати од реформите во администрацијата и како граѓаните да се уверат дека сега има помалку партиски вработувања?

Македонија забрзува, уверува Владата – но до кога евроинтеграциите ќе тапкаат во место – има ли начин да се реши спорот со Бугарија?

Утре во Само Интервју кај Гоце Михајлоски гостува министерот за јавна администрација Горан Минчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Видео: Обилни врнежи од дожд во Кина: Евакуирани речиси 40.000 луѓе

Властите во кинеската покраина Гуангдонг евакуираа 37.601 жители од области со висок ризик откако обилни дождови и поплави погодија неколку делови од регионот, соопштија денес локалните слу

Видео: Обилни врнежи од дожд во Кина: Евакуирани речиси 40.000 луѓе

Според официјалните податоци, досега не се пријавени жртви, објави Синхуа. Покраинските власти активираа итни мерки поради поплави и природни катастрофи, додека градови како Жухаи и Шенжен привремено ја прекинаа наставата во училиштата поради лоши временски услови.

Железничките служби ги прилагодија возните редови за да ги намалат безбедносните ризици предизвикани од обилните дождови, а службите за спасување и комунални услуги се распоредени низ погодените области.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер