Силен земјотрес во Тибет – најмалку 126 лица загинаа, 200 се повредени - Канал 5

Свет

Силен земјотрес во Тибет – најмалку 126 лица загинаа, 200 се повредени

Паника, страв и плач.

Силен земјотрес во Тибет – најмалку 126 лица загинаа, 200 се повредени

Утринава се затресе хималајскиот регион, разорниот земјотрес од 7,1 степени по Рихтер најсилно се почуствува во Шигаце, вториот најголем град во автономниот кинески регион Тибет кој има 800.000 жители и е дом на тибетанскиот будизам...

Некои успеаја да избегаат од своите домови, избезумени и во паника барајќи отворено место каде што не може нешто да се сруши врз нив.. Тие се со часови на улиците, бидејќи земјотресот бил проследен од најмалку 14 сериозни афтер шокови, со магнитуда од преку 4 степени...

Други пак, за жал ја немаа таа среќа, досега има најмалку 126 жртви, бројка која властите во Кина очекуваат да порасне.. Според последните информации, повредени се околу 200 лица, а по над 100 се уште се трага под рушевините...

Врховниот поглавар на тибетските будисти Далај-Лама изрази длабока тага од трагедијата која го зафати Тибет. Порача дека во неговите молитви ќе бидат сите кои го загубија животот, како и повредените за побрзо закрепнување.

Првичната помош која ја испратила владата брои 1500 лица, вклучувајќи ја и војската, а на терен затекнаа страотна слика од рушевини, испукани улици и ѕидови и расфрлани камења на секаде – разорниот земјотрес сруши најмалку 1.000 куќи.. Кинескиот претседател Си Ѓинпинг кажа дека ќе се преземат сеопфатни напори за пребарување на лица и минимизирање на бројот на жртви. Испратени се шатори и се што е најпотребно за погодените од земјотресот..

Епицентарот на земјотресот е на само 80 километри северно од Монт Еверест, односно во регионот Тингри кој го сочинуваат шест села во кои живеат 62 000 лица. Станува збор за недостапни места особено во зима, бидејќи се наоѓаат на 4.000 метри надморска височина.. Во моментов се кројат планови за екипите за помош да пристигнат таму...

Земјотресот кој почнал да тресе во 9 часот навечер по локално време, бил на само 10 км длабочина се почуствувал во Непал и во региони од Индија. Во овој регион земјотресите се чести, а во последните неколку години овој е најсмртоносен земјотрес кој го видела кина. Во изминатите пет години не бил почуствуван посилен земјотрес во радиус од 200 километри.

Земјотрес утринава имаше и во Македонија од 2,2 степени според рихтер на 130км југоисточно од Скопје во близина на Дојранското езеро. Овој земјотрес е втор во рок од 24 часа, откако вчера околу 19 часот беше регистриран потрес од 2,5 степени, на 25 километри северозападно од Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

ДЕНЕС НА СФФ2026: Свечено затворање на 26. Скопје Филм Фестивал и проекција на „Електричен бакнеж“

Со денешните активности и проекцијата во Кино „Фросина“, официјално се заокружува 26. издание на Скопје Филм Фестивал (СФФ), кое изминатите денови го претвори Скопје во епицентар на европската и светската кинематографија.

ДЕНЕС НА СФФ2026: Свечено затворање на 26. Скопје Филм Фестивал и проекција на „Електричен бакнеж“

Последниот фестивалски ден започнува во 12:00 часот во Клуб МКЦ со третиот фестивалски мастерклас, предводен од Ники Никитин, реномиран меѓународен филмски селектор и куратор на СФФ2026. Мастеркласот е посветен на темата „Фестивалски стратегии: Дистрибуција на филмови и ефикасно користење на фестивалскиот пазар“, која нуди насоки и практични совети за младите автори и филмски професионалци. Во 13:00 часот во Кино „Фросина“, во рамки на „А1 Кинотека“, ќе биде прикажан филмскиот класик „Чувар на плажата во зимски период“ на Горан Паскаљевиќ.

Со почеток од 19:00 часот во Кино „Фросина“ ќе се одржи Свеченото затворање на СФФ2026, во чии рамки стручното жири официјално ќе ги соопшти добитниците на овогодинешните награди и признанија. Веднаш по церемонијата, во 19:30 часот, Скопје Филм Фестивал ќе ја затвори програмата со проекцијата на „Електричен бакнеж“ (The Electric Kiss) во режија на Пјер Салвадори, филм кој ја имаше својата светска премиера во рамки на отворањето на Канскиот филмски фестивал оваа година.

Сите заинтересирани може да ги набават своите билети преку продажната мрежа на MK Tickets.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење.

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 02.11.2026 до 06.11.2026 зема 186 примероци за физичко-хемиска и 186 примероци за микробиолошка анализа на вода за пиење од 41 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Тагови: ЈП Водовод и канализација – Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Единствени „испрани“ пари во Македонија влегоа преку Венецуела во Еуростандард банка, во времето на Филипче и Заев

Единствени „испрани“ пари во Македонија влегоа преку Венецуела во Еуростандард банка, во времето на Филипче и Заев.

Петрушевски: Единствени „испрани“ пари во Македонија влегоа преку Венецуела во Еуростандард банка, во времето на Филипче и Заев

110 милиони евра била првата од неколкуте транши кои требале да стигнат во Македонија преку Венецуела, која тогаш беше под санкции во времето на Мадуро, а вкупната сума која била планирана да влезе во Еуростандард банка изнесувала милијарда и 600 милиони евра.

Според јавно достапни информации, фирма од Македонија од шемата Венецуела, за голема сума на пари, купила вештачко ѓубриво од фирма од Белорусија, каде пак со години владее Лукашенко, другарот на Путин. Парите се префрлаат на сметка во Србија. Потоа истите средства биле замрзнати во Србија, по барање на обвинителството.

Затоа кај СДС работи Фројд. Според логиката на СДС, тогашната власт на Филипче и Заев, по се изгледа биле директно вклучени во овие трансакции. Шемата е таа, Венецуела, Белорусија, Русија и Србија. Истите држави чии олигарси и криминалци во Македонија добиваа пасоши, тендери и дупови.

Дополнително, од СДС молчат за фирмите на Заеви „Сара инженеринг“, фирмата на Вице Заев, „Глобал медија груп“, како и „Тритерол“, бизнис-партнери на Зоран Заев, кои подигаа кредити од Еуростандард, а потоа не ги исплаќаа.

Изворот на криминалот, корупцијата и ароганцијата во Македонија се Филипче и Заев. Кога тогаш ќе одговараат.

Бране Петрушевски, заменик генерален секретар на ВМРО-ДПМНЕ и пратеник

YouTube video

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер