Швеѓанец престојувал во кинески камп за слабеење, па покажал неверојатна трансформација (ВИДЕО) - Канал 5

Судбина

Швеѓанец престојувал во кинески камп за слабеење, па покажал неверојатна трансформација (ВИДЕО)

Швеѓанецот Андре Хелгесен го сподели своето искуство од кинески камп за слабеење каде што помина четири недели. 

Швеѓанец престојувал во кинески камп за слабеење, па покажал неверојатна трансформација (ВИДЕО)

Откако даде отказ од работа и започна патување со ранец низ Азија, реши да го избере тој камп како прва станица на своето патување. Целиот процес го документирал на TikTok. Додека пристигнал во Кина, веќе направил голем чекор и самиот изгубил речиси 50 килограми.

Неговата цел била да ослабе уште неколку килограми

Швеѓанецот, кој претходно работел како системски техничар, ја намалил својата тежина од 133 на околу 83 килограми, но сакал да направи уште еден чекор за да ја достигне посакуваната цел.

@imhelgis Dags för lite resultats visning efter 4 veckor på Kinas fatcamp 💪 #viktminskning #fatcamp #träning ♬ To the Infinity Castle - Muzan vs Hashira Theme (from "Demon Slayer") - Cover - Diego Mitre

Затоа поминал четири недели во кампот Џианфеидарен во Шенжен, каде што програмата вклучува дневен тренинг, однапред одредени оброци, медицински прегледи и психолошка поддршка. Редовно ги објавувал своите искуства на TikTok под профилот @imhelgis.

„Ми составија распоред и план за исхрана, но можев да измамам ако сакав. Бев изненаден кога сфатив дека, исто како и дома, сè на крајот зависеше од моја сопствена одговорност“, изјави Андре за „Мирор“.

@imhelgis

Häng med mig och se hur en dag kan se ut på Kinas Fat Camp. Här är en klassisk dag💪

♬ originalljud - André Helgesen | ImHelgis

Тренинг секој ден и строги правила за исхрана

Андре особено ги пофали тренерите кои, како што вели, вежбале заедно со учесниците цело време. Додаде дека персоналот бил многу услужлив и поддржувачки, и покрај тоа што комуницирале со помош на превод поради јазичната бариера.

Секој ден вклучувал три тренинзи, а целта на програмата била да се создаде калориски дефицит од околу 1000 калории. За Андре, ова значело дека консумирал приближно 1.300 калории дневно.

Сепак, најтешкиот дел за него не бил само вежбањето, туку и распоредот за исхрана. Вечерата веќе била послужена во 17 часот, додека појадокот бил дури во 8 часот наутро следниот ден.

„Беше брутално да се помине без храна толку долго. Да бидам искрен, некои денови не можев да издржам, па купував јаболко. Не беше голем прекршок, но значеше дека не го следев нивниот план целосно“, призна тој.

@imhelgis

Sista pushen, så nära slutet nu! 💪

♬ originalljud - André Helgesen | ImHelgis

Промената не беше само физичка

По 28 дена во кампот, Андре изгубил дополнителни три килограми, со што вкупното губење на тежината достигна 51 килограм.

Сепак, тој вели дека бројката на вагата не била најважниот дел од целото искуство. Многу поважна за него била промената во начинот на кој се гледа себеси.

„Не станува збор само за кампот, туку за целиот идентитет на лице со прекумерна тежина. Конечно можам да престанам да се дефинирам како „голем човек“ и само да бидам јас“, рече тој. „Се чувствував одлично, но најмногу од сè почувствував олеснување и мир. Целата неизвесност едноставно исчезна.“

Тагови: СЛАБЕЕЊЕ Швеѓанец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски со честитка за 11 Октомври: „Слободата е дело што секоја генерација мора да го продолжи“

Премиерот Христијан Мицкоски упати честитка по повод 11 Октомври – Денот на народното востание, потсетувајќи на храброста и пожртвуваноста на предците кои се бореле за слободата на Македонија.

Мицкоски со честитка за 11 Октомври: „Слободата е дело што секоја генерација мора да го продолжи“

Во објавата, Мицкоски истакнува дека борците од пред 85 години немале гаранција за победа ниту сигурност дека ќе се вратат во своите домови, но верувале дека слободата вреди повеќе од сопствениот живот.

Пред осумдесет и пет години, во една од најтешките ноќи на нашата историја, имало луѓе кои не знаеле дали ќе го дочекаат утрото. Но, знаеле дека татковината мора да дочека подобро утро. Тие немале гаранција дека ќе победат. Немале сигурност дека ќе се вратат во своите домови. Немале можност да знаат како ќе изгледа светот што ќе го остават зад себе. Но, имале нешто посилно од стравот. Имале верба дека слободата вреди повеќе од сопствениот живот.

Нашите предци го направија она што во нивното време изгледало невозможно. Ја отворија вратата на слободата. Нашата должност е таа врата никогаш да не се затвори и низ неа да поминат генерации кои ќе живеат подобро, послободно и подостоинствено.

Нека овој 11 Октомври не биде само ден на сеќавање. Нека биде ден на нова одговорност. Одговорност да ја чуваме слободата. Затоа што слободата не е завршена приказна. Слободата е дело што секоја генерација мора да го продолжи.

Честит 11 Октомври!

Да е вечна Македонија!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Масакр на аеродромот во Ријад: 12 загинати, повеќе од 300 повредени

Дванаесет лица загинале, а повеќе од 300 беа повредени во вчерашниот ракетен напад врз Меѓународниот аеродром „Крал Калид“ во Ријад, соопштија саудиските власти. 

Видео: Масакр на аеродромот во Ријад: 12 загинати, повеќе од 300 повредени

Одговорноста за нападот ја презедоа јеменските Хути, кои се поддржани од Иран.

Меѓу загинатите има четворица државјани на Саудиска Арабија, како и државјани на Бангладеш, Палестина, САД, Египет, Јордан, Сирија и Судан. Некои од повредените се во критична состојба.

Проектилот погоди дел од аеродромскиот комплекс каде што се наоѓаат терминалите 3 и 4 за домашни летови. Ова беше трет напад врз аеродромот во Ријад во рок од неколку дена.

По нападот, сите аеродромски операции беа привремено прекинати, а летовите наменети за Ријад беа пренасочени кон други аеродроми. Очевидец изјави за Ројтерс дека по експлозијата видел неколку повредени лица како лежат во терминалот. Друг повреден патник раскажа дека видел нешто на небото непосредно пред ударот, по што дел од таванот се урнал во близина на излезот за качување во авион.

Саудиската управа за цивилно воздухопловство претходно извести за жртви, повредени лица и материјална штета како последица на претходни напади. Тројца саудиски државјани загинаа во нападите на 8 октомври, додека еден судански државјанин почина претходниот ден во посебен напад врз аеродромот во Ријад.

По најновиот напад, Хутите изјавија дека авиокомпаниите треба да го избегнуваат саудискиот воздушен простор, кој тие го прогласија за зона на воени дејствија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Столе Наумов на „Кавга со Иван“

Утре, во оригиналното шоу „На кавга со Иван“ ќе гостува Столе Наумов

Столе Наумов на „Кавга со Иван“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер