Шварценегер на удар на критики поради пораката што ја оставил во книгата на гости во Аушвиц

Актерот Арнолд Шварценегер се најде на удар на критики затоа што употребил една од неговите познати филмски фрази при потпишувањето на книгата на посетители во Аушвиц.

Меморијалниот центар Аушвиц споделил серија твитови за настанот, вклучително и пораката на актерот во книгата на гости - која го вклучува неговиот потпис заедно со неговата позната фраза од Терминатор „Ќе се вратам“. Поради ова, тој заработи голем број критики, а многумина коментираа дека иако не мислел ништо лошо, оваа фраза не е соодветна за ситуацијата и местото каде што се нашол, а неговиот потег е окарактеризиран како „невкусен“ и „непримерен“.

Шварценегер го посети нацистичкиот логор во Полска како дел од неговата работа со Фондацијата Еврејски центар Аушвиц, која се обидува да едуцира против сите форми на омраза. Арнолд во јуни доби награда од организацијата Fighting Hatred за неговите пораки против омраза на социјалните мрежи.

Како дел од своето патување, тој отиде во концентрационен логор од Втората светска војна, каде што се сретна со преживеаните од Холокаустот, синот на еврејските преживеани од Холокаустот и една жена која како дете била подложена на експерименти од озлогласениот нацистички лекар Јозеф Менгеле.

„Ова е приказна која мора да остане жива, ова е приказна која мора да се раскажува повторно и повторно. Јас сум син на човек кој се борел во нацистичката војна и бил војник... Ајде заедно да се бориме со предрасудите и да ги искорениме еднаш засекогаш“.

Пијан Германец возел 12 километри во спротивна насока на автопат

Германската полиција во четвртокот вечерта запрела пијан возач кој возел во спротивна насока на автопатот во сојузната покраина Хесен повеќе од 12 километри.

Полицијата извести дека блокираната раскрсница Манхајм-Санхофен го навела 52-годишниот маж да погреши и да вози во спротивна насока.

Возачот бил запрен откако возел повеќе од 12 километри во правец на Франкфурт. За среќа, не предизвикал сообраќајна несреќа или инцидент. Од полицијата објаснија дека возачот згрешил бидејќи бил во алкохолизирана состојба, што било утврдено со земање крв.

Веднаш му била одземена возачката дозвола и против него е покрената кривична постапка. Очевидците се замолуваат да контактираат со полицијата, која ги следи сообраќајните услови во јужен Хесен.

Српски навивачи дивееле низ Виена со антиалбански пароли (ВИДЕО)

Навивачите на српската репрезентација синоќа маршираа низ главниот град на Австрија и извикуваа „Убиј, коли, додека Шиптар не постои“.

На социјалните мрежи се прошири видеото од српските навивачи како шетаат низ Виена по натпреварот меѓу Србија и Швајцарија на Светското првенство во Катар, на кој што Србија беше елиминирана од натпреварувањето.

Да потсетиме, синоќешниот натпревар во Катар не го одбележа само елиминацијата на Србија од Мундијалот, туку и вербалните и физички пресметки меѓу српската репрезентација и швајцарските репрезентативци со албанско потекло.

Украински гувернер: Ослободивме 13 населени места на истокот

Украинската армија ослободи 13 населени места во областа Луганск, најисточниот регион на Украина, изјави денеска шефот на регионалната администрација на мнозинскиот окупиран регион, Серхи Хајдај.

Гувернерот на Луганск наведува дека руските сили се уште ги гаѓаат ослободените села со артилерија. Најави и дека идната недела медицински екипи треба да ги посетат ослободените села, а властите организираат собирање огревно дрво за жителите, објави Хајдај на апликацијата Телеграм.

Оваа информација не е независно потврдена.

притисни ентер