Македонија

Што значи влезот на Македонија во „СЕПА“?

Поедноставување и скратување на времето на прекуграничните исплати во евра на само неколку секунди и значитечно намалување на трошоците и за фирмите и за граѓаните.

Вакви придобивки ќе овозможи приклучувањето на земјава кон европската евро платежна зона, наречена СЕПА, а ваквиот вид на плаќање официјално ќе им биде достапен на граѓаните и компаните од 5 октомври годинава. Ова во изјава за Канал 5 го посочи директорот на дирекцијата за платни системи Игор Величковски. Појаснува дека за ваквите трансакции досега се чекало и по неколку денови и дека средства од земјава во странство и обратно од сега ќе може се префрлуваат без никакви дополнителни трошоци.

„ Со внесување на податок само од која платежна сметка плаќате и на која сметка во странство сакате да ги пренесете парите, кое е лицето кое ќе ги прими и висината на иносот ќе може да се префрлат средства. Значи со поедноставен сет на податоци плаќањата ќе се извршуваат многу поедноставно и побрзо. На пример ако тековни ни требаат еден до три работни денови за да извршиме прекугранично плаќање во евра во иднина со пристапување на банките во СЕПА платните ситеми вообичаените плаќања ќе може да се извршуваат за неколку часа, а кај интните плаќања кои сакаме да ги реализираме веднаш откако ќе биде иницирано плаќањето од земјава истиот ќе се изврши за помалку од десет секнуди. Почнувајќи ефективно од 6 октомври банките ќе може да пристапуваат во платните системи во СЕПА“-– Игор Величковски, директор на Дирекцијата за платни системи.

Освен за граѓаните во земјавта, придбивки од зачленувањто во СЕПА ќе има и дијапората. Ќе може да префрлаат средства од странство во земјава со двојно помали провизии, истакна минситерката за финансии Димитриоска Кочоска. Компаниите благодарние на приклучувањето кон СЕПА ќе бидат поконкуретни и ќе добијат олесенти услови за проширување на бизнисите во странство, додава министерката.

„Нашите граѓани кои работат во странство во некоја од СЕПА земјите и кои испраќаат парти во Македонија, провизиите при плаќањето двојно ќе ги намалат од одколу 7 на околу 3 пеоценти. Тоа претставува сериозна заштеда ако се има предвид дека стотици милиони евра се враќаат секоја година во државата. Заштедите на компаниите би биле и поголеми не само во износи, туку и во време. Така плаќањето меѓу компании од Македонија и компании од земји од СЕПА би биле за само еден ден, а во одредени случаи и за само неколку минути“-- Гордана Димитриеска – Кочоска, министерка за финансии.

Приклучувањето на Македонија кон единствената област за плаќање во евра беше одбрено вечра од страна на Европскиот совет за плаќање, со што Македонија станува 39-та членка на СЕПА. Проценките се дека земјава на годишно ниво ќе има милионски заштеди од зачленувањето кон иницијативата. Од земјите од регионот, освен Македонија членки на СЕПА од декември лани се и Црна Гора и Албанија. во СЕПА чкенуваат скоро сите земји од Европа, меѓу кои Франција, Германија, Италија, Швајцарија, Австрија, Скандинавските земји, Словенија, Хрватска, Грција, Бугарија, но и Андора, Лихтенштајн, Монако и Сан Марино. Србија, Косово и Босна се надвор од европската евро платежна зона.

Свет

Германија и во 2025 година ќе биде во рецесија, прогнозира Германскиот економски институт

Германската економија годинава ќе опадне за 0,2 проценти, оставајќи ја земјата и натаму во рецесија, покажуваат најновите прогнози на Германскиот економски институт (IW).

Германија е силно погодена од трговскиот конфликт предизвикан од царините на американската влада, објасни германскиот институт.

Глобалната неизвесност ги обесхрабрува компаниите да инвестираат и тоа придонесува за падот, а со тоа паѓаат и големите купувања, како што се оние на нови машини и возила.

Високите оперативни трошоци во Германија дополнително ја комплицираат ситуацијата.

Институтот заклучува дека Германија, со бруто-домашен производ (БДП) што се намали за 0,2 проценти во 2024 година, и годинава ќе остане во рецесија.

Најголем ризик за глобалната економија годинава, смета Институтот, е американската трговска политика. Без царинската политика на САД, глобалните економски перформанси во 2025 година можеа да бидат повисоки за 0,8 проценти, објави институтот.

Перспективите за индустрискиот и градежниот сектор остануваат мрачни. Се очекува индустриските компании годинава да генерираат помала додадена вредност, по падот од три проценти во 2024 година.

Високите цени на енергијата, зголемувањето на платите и зголемената регулатива вршат дополнителен притисок врз компаниите.

Градежните компании, по пад од 3,7 проценти во 2024 година, продолжија да се соочуваат со дополнителни ограничувања и оваа година, а високите трошоци за изградба предизвикани од регулативата продолжуваат да го попречуваат секторот.

Институтот, исто така, забележа дека овие трендови сега влијаат врз пазарот на трудот, при што бројот на вработени се намалува од средината на 2024 година. До летото, бројот на невработени би можел да достигне три милиони, што не е евидентирано од 2010 година, велат економистите.

Раководителот на макроекономските истражувања во IW, Михаел Гремлинг, рече дека новата германска Влада има можност да го промени трендот, посочувајќи на планираниот посебен инфраструктурен фонд што би можел да помогне во стимулирање на економијата./МИА

Тагови: Германија рецесија

Македонија

Кривична пријава против измамник од Скопје, измамил две лица за над 100.000 евра

СВР Куманово поднесе кривична пријава против Ф.С.(35) од Скопје поради постоење основи на сомнение дека сторил кривично дело "измама" по член 247 од Кривичниот законик.

Имено, Ф.С. како вработен во приватна фирма во Скопје вршел посредување за лицитација на продажба на станови од Агенција за управување со одземен имот и на 40 - годишник од Куманово му понудил стан во Охрид, додека на 50 - годишно лице од Куманово станови во Охрид, Скопје и патничко моторно возило. Откако склучиле договор, првото лице му исплатило 26.000 евра, додека другиот му исплатил 79.000 евра, а по наводно завршената лицитацијата од правното лице не добиле никаков документ.

По преземени мерки од полициски службеници од СВР Куманово и од Одделот за криминалистичка полиција, на 12.05.2025 на влезот на Куманово, Ф.С. бил лишен од слобода и во координација со јавен обвинител против него по брза постапка е поднесена пријавата, соопштија од МВР.

Автомобилизам

Нов удар за возачите: ЕУ го намалува рокот на важење на возачките, возрасните најпогодени

Европскиот парламент ги измени директивите за возачки дозволи, кои носат бројни нови карактеристики.

Меѓу најважните промени е воведувањето на дигитална возачка дозвола што возачите ќе ја имаат на своите паметни телефони и која, според новите правила, ќе стане стандард во ЕУ.

Земјите-членки ќе имаат пет и пол години да воведат дигитална возачка дозвола, додека возачите ќе го задржат правото да побараат физичка возачка дозвола.

Една од најконтроверзните иновации е можноста земјите-членки да пропишат пократок рок на важење на возачката дозвола за возачи над 65 години. Ова би вовело дополнителни обврски што влијаат исклучиво на оваа возрасна група, покрај медицинските прегледи што веќе се воспоставени во некои земји.

На оваа одредба одговори AGE Platform Europe, чадор организација која ги обединува здруженијата за правата на постарите лица од целата Европска Унија. Во нивната изјава, тие предупредија дека воведувањето автоматски ограничувања на возраста без индивидуална проценка на способноста за возење може да претставува форма на дискриминација врз основа на возраст.

„Ваквите мерки не се засноваат на научни докази што би оправдале автоматско намалување на важноста на возачката дозвола по одредена возраст. Наместо тоа, потребна е индивидуална проценка на способноста, без оглед на возраста“, соопшти AGE Europe.

Правото на мобилност на старите лица

Организацијата потсетува дека многу постари лица продолжуваат активно, одговорно и безбедно да учествуваат во сообраќајот и дека неоснованите ограничувања би можеле да имаат негативни последици врз нивната мобилност, независност и квалитет на живот.

Се очекува секоја земја да одлучи дали и како да ја имплементира одредбата за пократко траење на возачката дозвола за постари возачи.

И покрај нивното активно учество во сообраќајот, статистиката покажува дека постарите возачи се вклучени во значителен број сообраќајни несреќи. Во првите седум месеци од 2024 година, лицата над 65 години биле одговорни за 2.688 сообраќајни несреќи, во кои загинале 779 лица. Во истиот период, 24 лица од оваа возрасна група загинале во сообраќајни несреќи.

Бидејќи ЕУ се стреми да го модернизира системот за возачки дозволи и да ја зголеми безбедноста на патиштата, важно е да се осигура дека новите мерки нема да доведат до дискриминација кон одредени групи граѓани. AGE Europe повикува на индивидуална проценка на способноста за возење, наместо воведување општи ограничувања на возраста, со цел да се зачува мобилноста и независноста на постарите лица.

Тагови: возачи возачка дозвола