Што точно ќе се изучува по предметот сеопфатно сексуално образование?

Контроверзни содржини или корисна сексуална едукација на децата? Што точно вклучува новата концепција на МОН за сексуално образование во основните училишта?

Многу дилеми се појавија во јавноста откако граѓанското здружение за човекови права „Од нас, за нас“ на социјалните мрежи објави наводни содржини и илустрации од учебници за второ одделение со кои тврдат дека меѓудругото се промовираат хомосексуалноста, трансродовата идеологија и промискуитетот кај децата.

Министерката за образование Мила Царовска и денеска категорична дека се шират лажни вести, а користените илустрации воопшто не се дел од учебници и материјали од нашиот образовен систем.

-На ист став се и од невладината организација „ХЕРА“ која е вклучена во изработката на пилот проектот за сексуално образование. За Канал 5 велат дека овој предмет не се воведува задолжително, туку ќе биде изборна настава во 9 одделение, според сите меѓународни стандарди, за што ќе бидат прашани и родителите на учениците.

- Случајот „Јавна соба“ е еклатантен пример зошто нас ни е потребно сексуално образование. Бидејќи во самата програма за сеопфатно сексуално образование, еден од едукативните модули се однесува на насилството. Во делот на насилството младите ќе имаат можност да научат какви форми на насилство постојат, како да ги препознаат, како да побараат помош., вели Бојан Јовановски за Канал 5.

Јовановски објаснува дека целта на сексуалното образование е младите да научат да се заштитат себеси, како физички така и психички, а не да се менуваат поимањата за трансородови идеологии или хомосексуалности.

- Прашањето во однос на хомосексуализам не се обработува во сексуалното образование како нешто за кое ние сакаме да го промовираме. Она што го учи сексуалното образование е практично да знае дека постојат најразлични групи во општетството, којшто се ранливи, маргинализирани и кон кои треба да се однесуваме со одредена почит и толеранција, изјави Јовановски.

Во новата концепција која е објавена на страната на МОН во делот за „родова сензитивност/рамноправност“ меѓудругото се образложува оправданоста за сексуално образование како придонес за намалување на распространетите родови стереотипи, нееднаквост, дискриминација и насилство.

Лојд Остин тврди дека Русија го проширува и модернизира својот нуклеарен арсенал

Русија го проширува и модернизира својот нуклеарен арсенал, изјави американскиот секретар за одбрана Лојд Остин.

Тој ја коментираше темата за нуклеарниот арсенал на Русија на церемонијата на инаугурација на командантот на Стратешката команда на САД, која го надгледува американското нуклеарно оружје.

– Кремљ ја продолжува својата брутална и неиспровоцирана војна против Украина, а целиот свет го виде Путин како се впушта во крајно неодговорно ѕвецкање со нуклеарно оружје, рече Остин.

Алармантно предупредување на Столтенберг: Војната во Украина може да излезе од контрола

Генералниот секретар на НАТО Јенс Столтенберг предупреди дека војната во Украина „може да излезе од контрола, да се прелее во Европа и на тој начин да се претвори во војна меѓу Русија и НАТО“, пренесува АП.

- Ако работите тргнат наопаку, може да тргнат навистина, навистина погрешно, изјави тој за норвешката државна телевизија НРК.

- Во Украина се води страшна војна. Исто така, тоа е војна која може да се претвори во голема војна меѓу НАТО и Русија. Работиме да го избегнеме тоа, рече тој.

Поранешниот норвешки премиер додаде дека нема сомнеж дека постои можност за „голема војна“, велејќи дека е важно да се избегне конфликт во кој учествуваат неколку земји во Европа.

Кремљ постојано ги обвинуваше земјите-членки на НАТО дека всушност избираат страни во конфликтот затоа што испраќаат оружје во Украина, обучуваат украински војници и споделуваат воено разузнавање со Киев.

Да потсетиме дека рускиот претседател Владимир Путин денеска во главниот град на Киргистан, Бишкек, рече дека секоја земја што ќе се осмели да ја нападне Русија со нуклеарно оружје ќе биде збришана од лицето на земјата.

Путин, кој присуствува на самитот на Евроазиската економска унија (ЕЕУ) во Киргистан, рече дека Русија нема мандат да изврши превентивен нуклеарен удар, за разлика од Соединетите држави, но дека руското напредно хиперсонично оружје ќе обезбеди Русија да може силно да одговори ако некогаш биде нападната.

Хрватска оди во полуфинале на СП, откако го елиминира Бразил

Хрватска го елиминира Бразил на пенали по драматичното изведување пенали и вторпат по ред победи за полуфинале на Светското првенство.

Избраниците на Златко Далиќ во вторник на 13 декември ќе играат во полуфиналето против подобриот од мечот меѓу Холандија и Аргентина. Вечерва од 20 часот играат Холанѓаните и Аргентинците.

Во преостанатите четвртфинални натпревари во сабота се среќаваат Португалија и Мароко и Англија и Франција.

притисни ентер