Што се крие зад срамежливоста на децата? - Канал 5

Живот

Што се крие зад срамежливоста на децата?

Срамежливоста е една од природните реакции што многумина од нас ја имаат и често е одговор на страв и нервоза, или некоја промена. Може да се манифестира на повеќе нивоа.

Што се крие зад срамежливоста на децата?

Многу теории што се занимавале со оваа човечка особина покажале дека таа често е застапена во текот на развојот и се опишува како темпераментна срамежливост. Исто така, се дефинира и како емоција што се чувствува во одредена социјална ситуација. За да помогне во разбирањето на срамежливоста, новата студија објавена во списанието „Детски развој“, спроведена од истражувачи од Универзитетот Мекмастер во Канада, ги испитувала однесувањето, афективните и физиолошки одговори на детето на поставената задача, пишува Дејли меил.

Резултатите покажале дека темпераментната срамежливост може да опстојува кај одредена група деца со текот на времето, додека поголема подгрупа деца ќе ја доживеат срамежливоста како емоционална состојба во некои ситуации. Студијата опфатила 152 деца, од кои 73 биле девојчиња на возраст од 7-8 години, и нивните примарни старатели. Децата биле родени во локална болница и биле регрутирани од педијатриската база на податоци на Универзитетот Мекмастер, која содржи евиденција за раѓањето на бебињата чии родители се согласиле нивното дете да биде на вклучено во студијата.

Децата биле од различни раси, а застапеноста на белата раса била 80%. Децата ги извршувале своите активности со експериментаторот во просторијата покрај родителите, додека тие го пополнувале прашалникот следејќи го своето дете на мониторот.

Децата подготвувале свој говор за нивниот последен роденден и го рецитирале пред видеокамера и огледало. Им било кажано дека говорот ќе се снима и дека другите деца ќе го гледаат, а сето тоа требало да предизвика стрес. Истражувачите го шифрирале избегнувањето (однесувањето) на децата, потоа децата сами пријавиле нервоза (афект), а била мерена и респираторната синусна аритмија (физиологија).

Наодите покажале дека околу десет проценти од децата реагирале на социјалниот стрес при говорот на сите наведени нивоа, а исто така имале образец на поголема стабилна темпераментна срамежливост пријавена од родителите со текот на времето. Другата подгрупа, според научниците, од околу 25 проценти од децата покажале образец на реагирање на социјалниот стрес само на афективно ниво (т.е., самите пријавиле дека биле нервозни) и не покажале високо ниво на темпераментна срамежливост пријавена од родителите, сметајќи дека тоа е општа срамежливост.

Овие резултати обезбедуваат емпириски докази за долгогодишните идеи за првпат артикулирани од Џером Каган дека темпераментната срамежливост е посебна категорија кај некои деца и дека нејзините карактеристики се стабилни во текот на времето и контекстот. Во втората група категоризирана од научниците, децата можат да ја доживеат срамежливоста само како емоционална состојба во некои ситуации.

Авторите нагласуваат дека идните истражувања треба да опфатат различни примероци на деца, бидејќи оваа студија претежно се засновала на бели деца од средниот и вишиот социо-економски статус, што ја отежнува генерализацијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Драмски театар со претставата „Кармен“ го отвора театарскиот фестивал „Бранко Ѓорчев“ во Неготино

Со изведба на претставата „Кармен“ на НУ Драмски театар Скопје утре, на 14 август, во Неготино се отвора Театарскиот фестивал „Бранко Ѓорчев“. Ова е трет фестивал што се одржува во чест на истакнатиот македонски актер Бранко Ѓорчев.

Драмски театар со претставата „Кармен“ го отвора театарскиот фестивал „Бранко Ѓорчев“ во Неготино

Фестивалот се одржува во салата на Центарот за култура „Ацо Ѓорчев“. Претставите започнуваат во 20 часот, а влезот за публиката е слободен. Публиката во Неготино од 14 до 23 август ќе има можност да проследи пет претстави во ревијалната фестивалска програма.

По утрешното отворање на фестивалот со монодрамата „Кармен“ на актерката Биљана Драгиќевиќ- Пројковска во режија на Дејан Пројковски на НУ Драмски театар Скопје, наредната фестивалска вечер ќе биде во вторник на 18 август со изведбата на претставата „Знаме и куфер“ на режисерката Изабела Јакимова во продукција на „Театар за тебе“ од Скопје.

Во среда на 19 август театарот „Ј.Х.К.-Џинот“ од Велес ќе ја изведе претставата „Синиот портокал“ на режисерот Александар Ивановски. На 21 август (петок) на програмата на фестивалот е „Магионичарско шоу“, детска програма со Кристијан Шопов - Кико Магико. Годинашниот театарски фестивал „Бранко Ѓорчев“ се затвора во недела на 23 август со ансамблот на Народниот театар „Ацо Шопов“ од Штип кој ќе ја изведе претставата „ЈЗУ Европа“ на режисерката Кристина Атансова.

Монодрамата „Кармен“ на фестивалот во Неготино ќе биде изведена 51. пат по премиерата што претставата ја имаше во мај 2021 година.

Претставата е работена по мотив од романот „Пет часа со Марио“ од шпанскиот писател Мигел Делибес. Актерката Биљана Драгиќевиќ-Пројковска за улогата Кармен има добиено неколку меѓународни награди и признанија. Режијата и драматизацијата се на Дејан Пројковски, сценографијата на Валентин Светозарев, сценските движења на Олга Панго, костимографијата на Раде Василев, а музиката на Горан Трајкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче: Додека премиерот е на екскурзија, јас решив да го посетам Ново Село

Оваа година немав многу време за одмор.

Филипче: Додека премиерот е на екскурзија, јас решив да го посетам Ново Село

Одговор на претседателот на СДСМ Венко Филипче на прашањето на Канал 5 каде го минува летниот одмор.

Оваа година немав многу време за одмор.

Додека премиерот е на екскурзија, јас решив да го посетам Ново Село, таму каде што беа нападнати младите.

Следната недела планирам да одам и во Гостивар, да видам како се луѓето.

Последниот пат кога бев, состојбата беше многу лоша. Владата испрати само три цистерни вода за цел град.

Во меѓувреме ќе се обидам да поминам неколку дена со моите, а потоа ме чека и работата во болница.

Ако ви требаат информации за реалните проблеми на граѓаните, слободно.

За туристички дестинации, подобро прашајте кај оние што летаат со државен авион.

Поздрав,

Венко Филипче

Тагови: Венко Филипче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Меси се врати на фудбалот по смртта на татко му, дочекан со овации

 Еден од најдобрите фудбалери на светотот во историјата, аргентиснкиот волшебник Лионел Меси ја изненади целокупната фудбалска јавност и само 5 дсена по смртта на неговиот татко Хорхе  се појавуви во тимот на Интер Мајами. 

Видео: Меси се врати на фудбалот по смртта на татко му, дочекан со овации

Еден од најдобрите фудбалери на светотот во историјата, аргентиснкиот волшебник Лионел Меси ја изненади целокупната фудбалска јавност исамо 5 дсена по смртта на неговиот татко Хорхе се појавуви во тимот на Интер Мајами на синоќешниот дуел од Лига-купот против Леон, меч што неговиот тим сепак го загуби од мексиканскиот претставник на домашен терен со 2-3.

Меси се уште тагува по смртта на неговиот татко, а вчера објави писмо во кое најави дека сериозно размислува набрзо да ја заврши кариерата.

Тој доби слободни денови од управата да остане со семејството се додека не се почувствува подготвен за камбек на терените, но никој не очекуваше тоа да се случи така брзо.

Неговото излегување на теренот беше проследено со аплауз и воодушевување од публиката. Само неколку часа претходно, Меси објави емотивна порака посветена на својот татко на Инстаграм. Во неа, тој ја опиша длабоката болка од загубата и изрази сомнеж дали ќе може уште долго да игра фудбал.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер