Шпанско МВР: Нема истрага против Ѓоковиќ, тие вести се лажни

Министерството за внатрешни работи на Шпанија денеска издаде куса објава за Политико за да ги отфрли наводите од шпанската Кадена Копе.

Шпанскиот весник утринава објави дека шпанските власти покренале истрага против Новак Ѓоковиќ, но властите тоа го демантираат.

Портпаролот на министерството изјавил дека нема истрага и дека веста објавена во каталонските медиуми е целосно измислена: „Веста е лажна. Ниту владата нареди истрага, ниту има полициска истрага за спортистот“.

По влегувањето во Австралија, Ѓоковиќ изјави дека не патувал во изминатите две недели, но познато е дека во Марбела пристигнал на 31 декември. Поради одлуката на шпанските власти во земјата да можат да влезат само вакцинирани државјани на Србија, нејасно е како Ѓоковиќ воопшто стигнал таму.

Постои можност правото на влез да го стекнал со медицинско ослободување. Шпанските медиуми денеска тврделе дека Ѓоковиќ немал изземање и дека не побарал никаква дозвола од шпанската амбасада. Ова, според Шпанците, требало да го истражи локалната полиција, но очигледно нема ништо од тоа.

За потсетување, на Ѓоковиќ денеска му беше потврдена официјалната ждрепка за Австралија опен и покрај неизвесноста дали владата по вторпат ќе му ја укине визата. Австралискиот премиер Скот Морисон одби да го коментира визниот статус на Новак Ѓоковиќ, велејќи дека министерот за имиграција Алекс Хок треба да одлучи дали ќе го укине или не.

МВР: 173 санкции за брзо возење

Министерството за внатрешни работи во текот на вчерашниот ден спроведе акциска контрола на територијата на Република Македонија за санкционирање на возила кои се движат со брзина поголема од дозволената, при што санкционирани се 173 возачи.

Од нив пет возила се движеле со брзина над 50 километри на час повеќе од дозволеното, а едно возило се движело со дури над 70 километри на час повеќе од дозволената брзина. Притоа, 60 возила ја пречекориле брзината во населено место, а 113 надвор од населено место, соопшти МВР.

Средба на Пецаков со претставниците на УНЕСКО, О.Охрид посветена на задржување на статусот

 Градоначалникот на Општина Охрид, Кирил Пецаков со неговиот тим оствари работна средба со претставниците на реактивната мониторинг-мисија на УНЕСКО што престојува во работна посета на земјава.

Пецаков пред членови на Центарот за светско наследство, на Меѓународниот совет за споменици и локалитети и Меѓународната унија за заштита на природата, како и на Националниот координативен тим од Македонија ја истакнал силната посветеност на Општина Охрид за зачувување на природното наследство во Охридскиот регион.

„Детално ги инфомирав за сите чекори кои како Локална самоуправа ги преземаме и со временските рамки за реализација на истите. Силно сме посветени и не отстапуваме во спроведувањето на веќе пропишаните правила за зачувување на статусот од УНЕСКО“, вели Пецаков.

Мисијата на УНЕСКО во Охрид ќе биде неколку дена, а како што посочи претходно министерката за култура Бисера Костадиновска Стојчевска, претставниците на Светската организација се тука за да ја утврдат фактичката состојба околу заштитата на Охридскиот регион на терен,со средби со претставници на сите засегнати институции и субјекти. Од мисијата на УНЕСКО ќе произлезат заклучоци според кои државата е треба да постапува во насока на заштита на Охридскиот регион и неговиот статус во УНЕСКО.

МВР: 34 санкции за прекршоци на возила кои вршат јавен превоз на патници

 Во текот на вчерашниот ден во периодот од 08.00 до 12.00 часот спроведена е акциска контрола на територијата на Република Македонија за санкционирање на прекршоци на возила со кои се врши јавен превоз на патници.

При контролата санкционирани се 34 прекршоци, од кои 23 поради неисправен уред за запирање, соопшти МВР.

Упатени на вонреден технички преглед биле 181 автобус и други возила кои вршат јавен превоз на патници. За време на контролата констатирани и законски санкционирани се и 159 други видови на сообраќајни прекршоци.

Од МВР апелираат до сите учесници во сообраќајот да ги почитуваат сообраќајните правила и прописи, навремено да се проверува техничката исправност на возилата и навремено да бидат отстранети евентуалните недостатоци.

притисни ентер