Шпанија е во шок по веста за тројното убиство. Се се случило утрово додека децата на возраст меѓу седум и четири години се подготвувале за градинка и училиште. Тогаш нивниот татко дошол и ги убил пред очите нивната мајка, баба и тетка.
Потоа избегал од местото на тројното убиство , повикал полиција и се предал. Минатата година тој се развел од сопругата.
Локалните медиуми објавија дека убиецот, 45-годишниот Хозе Луис Абет Лафенте, неодамна и испратил пораки на неговата поранешна сопруга и ја обвинил дека не му ги дава децата.
„Бараш развод , а потоа не ми дозволуваш да ги видам децата “, напишал тој на Фејсбук, пренесува „Ел Мундо“.
Шпанскиот премиер Педро Санчез го осуди случајот и го опиша како ужасна трагедија.
„Ние нема да запреме додека не се прекине убиството врз жените“, рече тој за случајот на семејно насилство.
39-годишната мајка утрово ги ставала своите деца во автомобил во градот Валга, околу 8 часот по локално време, соопшти полицијата.
Тие известија дека нејзиниот поранешен сопруг, кој имал оружје, во тоа време се приближувал до нејзиниот автомобил со својот автомобил.
Жената ги повикала членовите на семејството за помош, но за неколку минути тој ја убил во автомобилот во кој седеле нејзините деца.
Кога нејзината мајка и сестра се приближувале до автомобилот, ги убил и нив.
Тој, наводно, го фрлил оружјето во реката, околу 20 километри од местото на настанот. Потоа ја повикал полицијата.Полицијата го пронашла пиштолот, а тој денеска ќе биде изведен пред суд.
Локалните власти прогласија тридневна жалост, а децата моментално се згрижени од нивниот вујко.