Шокантен извештај: Утврдено е кој ја направил фаталната грешка за несреќата во Вашингтон - Канал 5

Шокантен извештај: Утврдено е кој ја направил фаталната грешка за несреќата во Вашингтон

Шокантен нов извештај открива дека Ребека Лобак, која била главниот пилот на хеликоптерот „Блек Хок“ што се судрил со патнички авион на „Американ ерлајнс“, не ги следела упатствата за промена на курсот.

Шокантен извештај: Утврдено е кој ја направил фаталната грешка за несреќата во Вашингтон

Шокантен нов извештај открива дека Ребека Лобак, која била главниот пилот на хеликоптерот „Блек Хок“ што се судрил со патнички авион на „Американ ерлајнс“, не ги следела упатствата за промена на курсот кратко пред фаталниот инцидент во кој загинаа 67 лица.

Ноќта на 29 јануари, капетанот на американската армија летала со хеликоптер за време на годишна евалуација на летот, заедно со нејзиниот копилот, наредникот Ендру Лојд Ивс, кој во тоа време бил нејзин инструктор по летање, објави „Дејлимејл“.

Три месеци подоцна, нови детали објавени од „Њујорк тајмс“ откриваат дека Ребека Лобак направила повеќе грешки што довеле до една од најлошите катастрофи во историјата на воздухопловството.

Не само што летала превисоко, туку во последните моменти пред несреќата ги игнорирала советите или упатствата од копилотот да го промени курсот. Истата вечер, додека била на преглед, била информирана дека во близина има авион, се вели во извештајот.

Само 15 секунди пред судирот со патничкиот авион, контролата на летање им наредила на неа и на нејзиниот копилот да свртат лево, но таа не го сторила тоа.

Неколку секунди пред ударот, копилотот Ивс се свртел кон неа во пилотската кабина и повторил дека контролата на летање сака да свртат лево. Таа ни тогаш не го направила тоа. Истражителите можеби никогаш нема да дознаат зошто таа не го променила курсот.

И Лобах и Ивс претходно потврдија дека добиле порака дека авионот е во близина и дека самите го забележале, по што побарале да го продолжат летот користејќи „визуелна сепарација“.

Тоа е постапка што им овозможува на воздухопловите да избегнат судири врз основа на сопствени набљудувања, наместо строго да ги следат упатствата на контролата на летање.

„Барањата за летање според овие правила рутински се одобруваат во воздушниот простор под надзор на контролорите. Во повеќето случаи, визуелното раздвојување се спроведува без проблем. Но, кога не се извршува правилно, може да претставува смртоносен ризик за кој експертите за воздухопловство предупредуваат со години“, велат експертите за воздухопловство.

„Црниот сокол беше на 15 секунди од пресекот со авионот. Наредникот Ивс потоа се сврте кон капетанот Лобак и ѝ рече дека верува оти контролата на летање сака да свртат лево, кон источниот брег на реката“, се наведува во извештајот.

Доколку свртела лево, тоа ќе „создало повеќе простор помеѓу хеликоптерот и летот 5342“, се додава во извештајот. Наместо тоа, 67 луѓе, сите кои биле во авионот и хеликоптерот, ги загубија животите.

Ребека Лобак, од Дарам, Северна Каролина, била офицер во воздухопловството во американската армија и имала околу 500 часа искуство во летање. Таа, исто така, работела како воен социјален работник во Белата куќа за време на администрацијата на претседателот Џо Бајден.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Зајкова: Да не ви паднало на памет да ги штитите!

„Да не ви паднало на памет да ги штитите!!! Итно да се постапи и да одговара за обид за убиство, а сите што му давале инструкции во неговата паника (согласно сведочењата неговиот татко и мислам беше тетка) да одговараат за помагање….

Зајкова: Да не ви паднало на памет да ги штитите!

По последниот случај на насилство врз жена, во кој девојка претепана и без свест беше оставена на улица пред маркет во Охрид, а според пишувањата на медиумите, членови на семејството на насилникот се обиделе да ја „заташкаат“ работата, со објава на социјалните мрежи се огласи и претседателката на ЛДП и пратеничка во Собранието, Моника Зајкова.

„Да не ви паднало на памет да ги штитите!!! Итно да се постапи и да одговара за обид за убиство, а сите што му давале инструкции во неговата паника (согласно сведочењата неговиот татко и мислам беше тетка) да одговараат за помагање…. Не ме интересира што функции имаат неговите, ниту од која партија се! Девојката можеше да заврши како следна жртва на фемицид! “, пишува Зајкова во својата објава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија се запиша во историјата на Младинските олимписки игри Дакар 2026

Тројца млади спортисти ја претставуваа државата во атлетика, пливање и триатлон. Ева Митевска го освои осмото место на 100 метри, Петар Цеков заврши на 21. место во пливање, а Марио Брезовски на 24. место во триатлон.

Македонија се запиша во историјата на Младинските олимписки игри Дакар 2026

Со посветеност, борбеност и достоинствено претставување на државата, македонските спортисти го завршија своето учество на Младинските олимписки игри Дакар 2026, оставајќи зад себе спортски достигнувања и искуство што претставуваат важен чекор во нивниот понатамошен развој.

Младинските олимписки игри кои се одржаа во Сенегал обединија 2.655 спортисти на возраст од 14 до 18 години од 204 национални олимписки комитети. Натпреварувањата се одржаа во 25 спортови, а за секој спорт беа одредени квалификациски критериуми за учество од страна на соодветните меѓународни федерации и Меѓународниот олимписки комитет.

Дакар 2026 беше историски момент за олимпиското движење, бидејќи за првпат еден олимписки настан се одржа на африканскиот континент.

Македонија учествуваше со седумчлена делегација составена од тројца спортисти, тројцата нивни тренери и шеф на делегацијата, кои ја претставуваа државата во атлетика, пливање и триатлон.

Највисок пласман оствари Ева Митевска во атлетската дисциплина 100 метри, освојувајќи го осмото место во финалната трка и вбројувајќи се меѓу осумте најдобри млади спринтерки на Игрите. Особено значајно е што во финалето Ева истрча 12,28 секунди, подобрувајќи го својот најдобар резултат. Овој настап е потврда за нејзиниот напредок и способноста да го даде најдоброто токму на најважната трка.

Во пливање, Петар Цеков настапи во дисциплината 400 метри слободно, со време од 4:10,60 минути, освојувајќи 4. место во својата група и 21. место во генералниот пласман. Неговата главна дисциплина, 800 метри слободно, која претставуваше негов најсилен адут, беше откажана поради високата температура на водата во базенот. Одлуката беше донесена од организаторите во интерес на безбедноста и здравјето на натпреварувачите.

Марио Брезовски е првиот македонски триатлонец кој се квалификувал на едни Младински олимписки игри. Тој настапи во спринт триатлон (750 метри пливање, 20 километри велосипедизам и 5 километри трчање) и го заврши натпреварувањето на 24. место со време од 59:06 минути. Особено впечатлив беше неговиот пливачки дел, во кој Марио излезе прв од водата, пред сите останати натпреварувачи. Неговиот настап беше обележан со висока конкурентност и борбеност, потврдувајќи го потенцијалот што го носи.

„Младите спортисти навистина ме воодушевија со својата посветеност, дисциплина, одговорност и односот кон обврските во текот на целиот престој. За мене, како шеф на делегацијата, беше особено задоволство да ги следам не само нивните тренинзи и настапи, туку и начинот на кој се претставуваа надвор од спортските терени. Ова беше многу повеќе од натпреварување, беше можност да растат како спортисти и личности. Настапите во Дакар треба да се вреднуваат не само низ призмата на конечните пласмани, туку и преку постигнатите лични резултати, конкурентноста, спортскиот напредок и искуството стекнато во меѓународна конкуренција. Финалето и најдобриот резултат на Ева, настапот на Петар во изменети околности и историското учество на Марио се три различни, но подеднакво важни приказни за младинскиот спорт во Македонија“, истакна Елена Зисовска Апостолска, шефица на македонската делегација.

Зад настапите на македонските спортисти стоеше и посветен тренерски тим, составен од Горан Стаменов, тренер по пливање, Данчо Ѓорѓијевски, тренер по триатлон и Божурка Ѓошевска, тренерка по атлетика, чија стручна работа и поддршка беа важен дел од подготовките и настапите на спортистите.

Македонскиот олимписки комитет им честита на спортистите, нивните тренери и националните спортски федерации за вложениот труд, посветеноста и достоинственото претставување на државата.

Младинските олимписки игри се завршени, но за овие млади спортисти тие се само една важна станица на патот кон нови спортски предизвици. Македонија беше дел од историјата, а иднината на македонскиот спорт продолжува да се гради токму преку ваквите генерации.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Николоски ќе зборува за економските политики и предизвиците на регионот на 23-тиот Виенски економски форум

Заменик претседателот на Владата, Александар Николоски e во работа посета на Виена, Австрија, каде учествува на 23-от Виенски економски форум.

Николоски ќе зборува за економските политики и предизвиците на регионот на 23-тиот Виенски економски форум

Оваа година Виенскиот економски форум се реализира под мотото “ Виенски дијалог за иднината 2026- заедничка визија за заедничка иднина, стратешки предизвици “

Во рамки на Форумот предвидено е обраќање на заменик претседателот на Владата, Александар Николоски, на панел сесијата “Заедничка визија за долгорочна економска соработка” – на кој ќе се осврне на економските политики и соработката со земјите од регионот. Николоски ќе зборува и за стратешките инфраструктурни проекти кои се градат во државава.

На Форумот предвидено е учество на членови на Бордот на Виенскиот економски форум, министри од земјите од Западен Балкан, преставници од ЕУ како и високи претставници на меѓународни финансиски институции.

Покрај промоцијата на регионалните економски политики и соработка, на Форумот ќе се разговара и за предизвиците и проширирувањето на ЕУ.

Виенски економски форум - „Виенски дијалог за иднината 2026“ е официјално признат од Европската Комисија во рамки на глобалниот настан на „Форумот за проширување на ЕУ 2026“.

Целта на Виенскиот економски форум е промоција на развојот на регионалната економија од Јадранското до Црното Море и пошироко, како составен дел од европската и глобалната економија и нивно залагање за регионална економска соработка, европска интеграција и остварување на заедничките европски вредности во целиот регион.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер