Најновите истражувања покажаа дека некои знаци на инфаркт се мешаат со состојби на кои тешко може да се спротивстави која било припадничка на понежниот пол, затоа и завршуваат кобно во повеќето случаеви.

Дека жените се похрабри од мажите и подобро поднесуваат болка не е никаква новост, но оваа особина би можела скапо да ги чини, бидејќи дамите, за разлика од мажите, многу почесто ги игнорираат знаците на срцев удар, особено необјаснивата болка во градите.

Истражувањето во кое учествувале 2.000 возрасни лица открило загрижувачки податоци за тоа како жените им пристапуваат на симптомите што укажуваат на проблеми со срцето.

Имено, жените почесто ја игнорираат необјаснивата болка во градите, честопати потпирајќи се на лековите против болки или едноставно чекаат болката да помине, оваа тенденција може да биде многу опасна, бидејќи срцевите заболувања се една од водечките причини за смрт кај жените.

Различни пристапи кон здравјето

Податоците покажуваат дека 41% од жените веруваат дека е доволно да се одморат или да земат лекови за намалување на подуеноста ако почувствуваат болка во градите, во споредба со 34 % од мажите. Интересно е тоа што само 30% од жените би побарале лекарска помош, додека 38 % од мажите би го направиле тоа без двоумење.

Овие резултати покажуваат дека многу жени не ја препознаваат сериозноста на проблемите со срцето, а само 35 % од нив сметаат дека може да им се случи проблем со срцето. Многу жени се чувствуваат сигурни поради нивниот здрав начин на живот (51 отсто), како и поради отсуството на семејна историја на срцеви заболувања (50 отсто).

Улога на биологијата и предрасудите

Кардиологот Амет Бакаи истакнува дека жените имаат бројни ризик-фактори кои делуваат против нив во споредба со мажите. Исто така, податоците покажуваат дека жените што биле примени како итен случај, почесто ги испраќаат дома отколку мажите. Женската биологија игра значајна улога во нивниот ризик од срцеви заболувања, а тоа вклучува фактори како што се дијабетес, депресија, инфекции на градниот кош, па дури и стрес.

Препознавање на симптомите на срцев удар

Истражувањето покажа дека само 58 % од жените веруваат дека можат да ги препознаат симптомите на срцев удар кај нив, кои често се разликуваат од симптомите кај мажите и можат да личат на стрес, подуеност или анксиозност. Шокантно е тоа што 14 % од жените мислат дека високиот холестерол ги погодува само мажите, додека 26 % од луѓето на возраст од 45 до 54 години никогаш не го провериле холестеролот. Овие податоци укажуваат на потребата од поголема свест и едукација за срцевите заболувања кај жените за да се намали ризикот и да се подобри здравјето на срцето, пренесува британски Сан (The Sun).