Македонија

Шилегов до Арсовска:Зависиш од најкорумпираната партија која потроши 680 милиони на лажен барок

Кандидатот за градоначалник на град Скопје на СДСМ и Коалицијата Петре Шилегов на денешната промоција во Скопје и се обрати и на имаме кандидатката на ВМРО-ДПМНЕ Данела Арсовска која ги убедува граѓаните дека била добар менаџер и дека била независна.

Драга Данела за жал, не само што не си независна, туку зависиш од оние кои го уништија градот до непрепознавање. Твоите спотови се платени и потпишани од истите луѓе, кои потрошија 680 милиони евра на лажен барок. Ти зависиш од најкорумпираната партија во Европа, рече Шилегов.

Тој нагласи дека Арсовска, со неиздржани и паушални ветувања се обидува да им се додвори на скопјани.

Добар менаџер нема да ветува проекти кои значат банкрот на Скопје а денеска твоето прво ветување за бесплатен јавен превоз е токму тоа. Добар менаџер нема да гради програма која е целосно неиздражана без познавање на финансиите на градот и како воопшто институцијата функционира. Добар менаџер на крај, не ветува брзи решенија, туку темелно долгорочно планира и реализира.

Скопје не смее и нема да биде уште еден експеримент на ВМРО-ДПМНЕ, Скопје не е сопственост на ниедна партија туку на граѓаните и ги повикувам сите моите противкандидати да не ги потценуваат граѓаните, порача Шилегов.

Тој нагласи дека за разлика од овие неодговорни ветувања, стои неговиот реален и проверен план како и стручен тим со кој тоа ќе биде реализирано.

Свет

Борел повтори дека Рафа не смее да биде нападнат

Го повика Израел да се вклучи во мировниот процес.

Високиот претставник на ЕУ за надворешна политика и безбедност Жозеп Борел денеска изјави дека партнерите на Израел и соседните земји имаат заеднички став дека градот Рафа на југот од Појасот Газа не смее да биде нападнат и ја повика израелската влада конструктивно да се вклучи во политичкиот мировен процес.

Борел на Х напиша дека меѓународната заедница, исто така, едногласно бара итно ослободување на сите заложници кои ги држи Хамас во Појасот Газа.

Тој истакна дека Израел не може да го уништи Хамас по цена на убиени илјадници палестински цивили и оти понатамошното раселување на повеќе од милион ранливи Палестинци би било „погубно“.

- Ја повикуваме владата на Израел да ги послуша повиците на меѓународната заедница и конструктивно да се вклучи во политичкиот мировен процес, наведе Борел. /МИА

Фудбал

Тухел го критикуваше Ким за примените головите на дуелот со Реал

„Беше премногу алчен и агресивен“.

Тренерот на Баерн Минхен, Томас Тухел го посочи Ким Мин за неговиот настап на натпреварот против Реал Мадрид.

Баерн вчеравечер одигра нерешено со мадридскиот клуб во првиот полуфинален натпревар од Лигата на шампионите (2:2).

- Тој двапати беше премногу алчен. При првиот гол против Винисиус премногу рано тргна во дуел па Тони Крос го искористи тоа со додавање. Вториот гол – за жал, тоа беше уште една негова грешка. Ние бевме петмина тие двајца. Немаше потреба да се брани толку агресивно против Родриго и без потреба направи пенал. Токму кога Ерик Дајер сакаше да помогне, Ким го фаулира Родриго. За жал, со оглед на квалитетот на противникот, овие грешки се казнуваат. Но, мораме да продолжиме понатаму, рече Тухел.

Реваншот во Мадрид е закажан за 8 мај. /МИА

Свет

Блинкен го посети Керем Шалом, преминот за хуманитарна помош меѓу Израел и Газа

Американскиот државен секретар Ентони Блинкен денеска го посети Керем Шалом, преминот за хуманитарна помош од Израел до Појасот Газа.

За време на посетата на Блинкен, десетина камиони чекаа да влезат во Појасот Газа додека неколку израелски тенкови беа паркирани во близина.

Посетата на американскиот државен секретар доаѓа во момент кога Израел изрази намера да изврши копнен напад врз Рафа, град на неколку километри од Керем Шалом, кој сега е дом на околу 1,5 милиони Палестинци, од кои огромното мнозинство се раселени поради војната. /МИА