Македонија

Шекеринска за Хина: НАТО нема да отстапи од поддршката за Украина

НАТО нема да се откаже од помошта за Украина, а Хрватска е вреден и доверлив сојузник во тие напори, изјави заменичката генерален секретар на НАТО, Радмила Шекеринска, во интервју за хрватската агенција Хина.

Таа нагласи дека хрватската посветеност кон НАТО е „многу јасна“. - По бруталната руска агресија врз Украина, Хрватска беше вистински сојузник кој ја поддржа Украина не само финансиски и политички, туку и воено. Станува збор за 245 милиони евра директна хуманитарна и воена помош, рече таа.

Шекеринска учествуваше на Дубровничкиот форум изминатиот викенд и повтори дека НАТО останува цврст во поддршката на Украина.

– Русија го поткопува меѓународниот поредок, европската безбедност и главната цел на Алијансата – безбедна евроатлантска зона. Затоа ја поддржуваме не само територијалната целовитост и суверенитет на Украина, туку и нејзиното право и способност за самоодбрана, истакна Шекеринска.

Само минатата година НАТО сојузниците ѝ испорачале на Украина повеќе воена помош од ветеното – над 50 милијарди евра. Во првите шест месеци од годинава, таа сума изнесува дополнителни 35 милијарди евра.

За поефикасна координација на помошта, НАТО воспостави посебна командна структура во Висбаден, Германија, како и заеднички центар со Украина во Полска. Овие капацитети имаат задача не само да обезбедат помош, туку и да извлечат поуки од украинското борбено искуство.

Дополнително, како што посочи Шекеринска, дел од сојузниците веќе разговараат за формирање „Коалиција на подготвени“ – група земји што ќе продолжат со поддршка и по евентуално примирје, со цел осигурување на праведен и одржлив мир.

Во однос на загриженоста во Европа за ставовите на актуелниот американски претседател Доналд Трамп кон НАТО, Шекеринска изјави дека нема простор за страв. – Заклучоците од последниот Самит во Хаг потврдуваат единство на трансатлантскиот сојуз. САД се јасно и силно посветени на НАТО, рече таа.

Според неа, американската посветеност доаѓа со очекување дека европските сојузници и Канада ќе вложат повеќе за да се постигне праведна распределба на безбедносниот товар. На Самитот беше договорено сите членки да ги зголемат буџетските издвојувања за одбрана на 5 отсто од БДП.

– Сојузниците споделуваат исти проценки за најголемите закани и заедничка визија за тоа како да се соочат со нив – преку зголемени трошоци за одбрана и развој на поамбициозни капацитети, истакна таа.

Во врска со одлуката на Хрватска да воведе задолжителен воен рок од следната година, Шекеринска порача дека таквите политики се суверено право на секоја држава членка.

– Некои земји се фокусираат на професионална армија, други повторно го воведуваат воениот рок. НАТО го почитува изборот на секоја држава во согласност со нејзините околности, изјави таа.

Главниот фокус на Алијансата, според Шекеринска, е развој на воените капацитети и поддршка на усогласените оперативни планови.

Тагови: НАТО Радмила Шекеринска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски: Ќе се гради експресен пат од Струмица го границата со Бугарија

Ќе се гради нов екпресен пат од Струмица до границата со Бугарија, најави министерот за транспорт Александар Николоски.

Посочи дека веќе е објавен тендер за избор на изведувач кој треба да изработи струдија за негова изградба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Командантот на сојузничките сили на НАТО за Европа Гринкевич во посета на Македонија

Со показни вежби за борбена готовност во касарната „Илинден„ беше пречекан Врховниот командант на сојузничките сили на НАТО во Европа – генералот Алексус Гринкевич, под чија команда се наоѓаат над 80% од македонските сили во НАТО.

Освен високата оценка за македонската армија, Гринкевич го истакна и како што рече лидерството на државава меѓу сојузниците во клучните цели на Алијансата, особено во делот на исполнувањето на обврската за издвојување на 5% од БДП-то за одбрана до 2035-та.

-Македонија е верен и ценет сојузник на НАТО. Македонија веќе во 2025 година издвои приближно 4 проценти од својот БДП за одбрана или трошоци поврзани со одбраната. Вашата посветеност на воената мобилност на Коридорите 8 и 10 е апсолутно неопходна за алијансата.// Сега не е време за комфорност, сите сојузници мора да сторат повеќе, зголемувањето на инвестициите во одбраната и зголемувањето на производството се клучни за постигнување на нашите договорени цели,- - генерал Алексус Гринкевич, врховен командант на НАТО во Европа.

Македонската армија денес е добро опремена и високо обучена според НАТО стандардите, а лесната пешадиска батаљонска група како и борбените елементи за специјални операции веќе се НАТО сертифицирани, изјави генерал мајорот Сашко Лафчиски.

-Во изминатиот период се зајакнавме со оклопните возила JLTV и Stryker, артилериските орудија Боран а деновиве пристигна и првата пратка од ПВО системите Мистрал 3. Во наредниот период очекуваме да пристигнат останатите Stryker возила како и друга нова опрема, вклучително и првите хеликоптери. // Активно учествуваме во НАТО активностите за одвраќање и одбрана со преку 180 наши припадници долж Источното крило на Алијансата а истовремено придонесуваме и кон стабилноста на Западен Балкан преку учеството во мисијата КФОР во Косово и мисијата Алтеа во БиХ,- -генерал мајор Сашко Лафчиски, началник на генералштабот на армијата.

Гринкевич најави дека доминантна тема на самитот на НАТО во Анкара следната недела, ќе биде напредокот на сојузниците кон остварување на стратешкиот концепт за рестартирање на Алијансата, според кој се бара од европските сојузници да преземат поголема одговорност за сопствената одбрана и безбедност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Поплавени и недостапни гробишта во Бутел – граѓаните се жалат на кал, вода и запуштени канали

Или со гумени чизми или скокање од камен на камен преку вировите и калта за да се стигне до гробното место на починатите на гробиштата во Бутел.

Крсте Велков две години доаѓа по оваа калива и поплавена патека на вечното почивалиште на неговата сопруга. Откако бил направена улицата “Александар Урдаревски“ и целиот канал покрај патот бил оставен неуреден и запуштен.

Велков реагирал до АД БУТЕЛ, општина Бутел и Град Скопје, но засега во разговорите сите објасниле дека немаат директна надлежност. Проблемот стои, а многу често водата стигнува и до самите сандаци на покојните. Водата е нон стоп присутна и ги опколува гробните места без разлика дали врне дожд или не, вели Велков.

Од АД БУТЕЛ за Канал 5 објанија дека проблемот го знаат но дека не е во нивна надлежност а водата често ја испумпуваат, но дека таа нон стоп е тука и мора итно да се уреди каналот. Од јавното претпријатие Улица и патишта обајснуваат дека чистењето на каналот се одвива според годишна програма и овој канал бил во план да се реализира во текот на наредниот период. Екипите работеле на чистење на коритото на Вардар и на други канали. Екипи веќе излегле на терен на оваа улица, велат од претпријатиетот за канал 5. Тие аплерираат граѓните да не ги корстита каналите за фрлање на отпад и шут.

- „Екипи излегоа на терен и заклучија дека веднаш ќе постапат за да може да има проток на отпадните води до реакта Серава. Во текот на утрешниот ден ќе започне расчистувње на вегетацијата која исто така ја попречува видливоста на дел од сообраќајниците“. извор ЈП „Улица и патишта“

Велков вели дека на живите утеха им се почивалиштата на нивните блиски, и се надева дека до почивиалиштата ќе достоинствен пристап.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.