Шефот на „Росњефт“: Санкциите против Русија и Кина ќе предизвикаат економска криза на Запад - Канал 5

Свет

Шефот на „Росњефт“: Санкциите против Русија и Кина ќе предизвикаат економска криза на Запад

Игор Сечин, шефот на најголемиот руски производител на нафта „Росњефт“, денеска изјави дека санкциите наметнати од Западот врз Русија и Кина ќе ги доближат економиите на западните земји до економска криза.

Шефот на „Росњефт“: Санкциите против Русија и Кина ќе предизвикаат економска криза на Запад

Во обраќањето на Руско-кинескиот енергетски бизнис форум (РКЕБФ) во Пекинг, Сечин, кој е еден од највлијателните луѓе во енергетскиот сектор на Русија, исто така, изјави дека потрошувачите на Запад веќе плаќаат висока цена за енергијата.

- Продолжувањето на агресивната политика на Западот во однос на санкциите против Русија и Кина без сомнеж ќе доведе до нова економска криза во западните земји, изјави Сечин. - Не сите западни политичари ги разбираат ризиците со кои се соочуваат, оцени тој.

Комбинацијата на руските ресурси и кинеската технолошка платформа го обезбедува развојот на економиите на двете земји, додаде шефот на „Росњефт“, пренесе ТАСС.

- Лишени од пристап до конкурентната ресурсна база на Русија и компонентата база на Кина, нашите западни противници можат да го изгубат својот технолошки и економски суверенитет, што ќе создаде предуслови за реализација на ризиците од цивилизациски прераспределби, изјави Сечин.

Тој, исто така, истакна дека Кина се обидува да постигне независност од геополитичката нестабилност преку диверзификација на својот енергетски микс. Посочувајќи дека енергетското партнерство е еден од приоритетите за Русија и Кина, Сечин го цитираше кинескиот претседател Си Џинпинг, кој рекол: „Кина мора да ја држи енергетската чинија со ориз во свои раце“.

Тагови: Кина и Русија санкции

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Битола денес беше град на трчањето

Над 1.500 тркачи од 18 земји денес беа дел од 8-мото издание на ТРЧАЈ БЕ 2026, спортска манифестација која од година во година расте и ја зацврстува позицијата на Битола како значајна дестинација за спортски туризам во регионот.

Битола денес беше град на трчањето

Свежото утро создаде одлични услови за трчање, а годинешното издание донесе и исклучителни спортски резултати. На битолската патека беа постигнати најбрзите времиња досега и соборени рекордите на ТРЧАЈ БЕ. Низ улиците на Битола денес трчаа натпреварувачи од различни земји, бодрени од бројна публика, волонтери и сите оние кои беа дел од организацијата и реализацијата на трката.

ТРЧАЈ БЕ е спортски настан, но и приказна за Битола како отворен и активен град кој преку спортот привлекува гости, создава дополнителна вредност за локалната економија и се промовира надвор од границите на државата.

Општина Битола упатува честитки до организаторите на ТРЧАЈ БЕ, до сите институции, партнери, волонтери и служби вклучени во реализацијата, како и до граѓаните кои со својата поддршка придонесоа за атмосферата долж патеката.

Посебни честитки до победниците и до сите над 1.500 учесници кои денес ја истрчаа Битола.

Уште едно успешно издание на ТРЧАЈ БЕ, уште еден голем спортски ден за Битола.

Општина Битола

Тагови: битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена облачност

Времето утре ќе биде сончево со мала до умерена локална облачност. Ќе дува слаб до умерен ветер од северен правец.

Утре сончево со мала до умерена облачност

Минималната температура ќе биде во интервал од 7 до 16, а максималната ќе достигне од 23 до 30 степени.

Во Скопје, претежно сончево. Ќе дува слаб до умерен ветер од северен правец. Минималната температура ќе се спушти до 11, а максималната ќе достигне до 28 степени.

До крајот на новата работна седмица ќе се задржи посвежо и претежно сончево време со мала до умерена облачност во текот на денот. Во вторник наместа во северните делови ќе има услови за повремен дожд. До среда ќе дува слаб до умерен ветер од северозападен правец, а потоа ветерот ќе го смени правецот во југоисточен.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожарот на Брач ​​сè уште активен: Евакуирани речиси 700 луѓе

Пожарот е сè уште активен на хрватскиот остров Брач, две лица се повредени, а речиси 700 луѓе се евакуирани, додека населбата Милна е спасена од пожарот, изјави денес началникот на противпожарната служба Славко Туцаковиќ.

Пожарот на Брач ​​сè уште активен: Евакуирани речиси 700 луѓе

Тој рече дека постара жена, која паднала од чамец за време на евакуација и речиси се удавила, е во критична состојба, додека другото повредено лице е млад човек кој вдишал чад.

Туцаковиќ истакна дека ситуацијата на местото на пожарот на Брач ​​утрово била помирна, иако сè уште дува ветер, по тешката ноќ во која пожарникарите ги бранеле куќите од пожарот, и дека, и покрај нивните напори, неколку згради биле оштетени, објави Индекс.

Туцаковиќ рече дека четворица канадери учествуваат во гаснењето на пожарот од воздух.

Хрватската противпожарна служба претходно објави дека пожарот се приближил до Милна поради ветер и дека сите расположиви противпожарни сили се ангажирани во гаснењето на пожарот и спречувањето на ширењето на пожарот кон самото населено место. Ветерот влијаел врз ширењето на пожарот кон јужната страна на Брач ​​на тешко пристапен терен покриен со густа вегетација, се вели во соопштението.

Тагови: пожар Брач

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер