Сенаторот Џонсон: Прикриени се предупредувањата за исхемичен мозочен удар и миокардитис од мНРА вакцините, ФДА првпат признава смрт на деца од вакцините - Канал 5

Здравје

Сенаторот Џонсон: Прикриени се предупредувањата за исхемичен мозочен удар и миокардитис од мНРА вакцините, ФДА првпат признава смрт на деца од вакцините

Сенаторот Рон Џонсон тврди дека од околу 11 милиони страници документи поврзани со мНРА вакцините против КОВИД што ги добиле откриле оти било прикриено предупредувањето за миокардитис....

Сенаторот Џонсон: Прикриени се предупредувањата за исхемичен мозочен удар и миокардитис од мНРА вакцините, ФДА првпат признава смрт на деца од вакцините

Сенаторот Рон Џонсон тврди дека од околу 11 милиони страници документи поврзани со мНРА вакцините против КОВИД што ги добиле откриле оти било прикриено предупредувањето за миокардитис, за опасноста за исхемичен мозочен удар кај лица над 65 години кон крајот на 2022 и 2023 година, како и дека двата сигнали биле минимизирани. Нагласува дека од графиците за смртни случаи поврзани со вакцини може да се види дека во 1990 година биле неколку стотици годишно, а во 2021 година, биле над 20.000. - И пет години ФДА тврди дека не гледа сигнал. Ова беше јасен сигнал кој, до денес, се прикрива, вели Џонсон. Бара одговори од РФ Кенеди Јуниор на пишувањата во мемото на д-р Винај Прасад во врска со обдукциите на млади деца кои примиле мНРА вакцини со кои, според него, за првпат, FDA ќе признае дека КОВИД вакцините можеби убиле американски деца. Смета дека работите поврзани со справувањето со пандемијата не треба да се остават без одговори и оти мора да има одговорност кај оние кои биле надлежни, а некои од нив, како што вели, се уште работат во HHS, CDC (Центар за болести на САД) и FDA.

Сведочење на РФ Кенеди Јуниор во Сенатот 22 април 2026.

Рон Џонсон: Мислам дека сте свесни за фактот дека јас, на многу фронтови, сметам дека нашата реакција на пандемијата беше голем неуспех. Исто така сум свесен дека, бидејќи пандемијата заврши, многу луѓе едноставно сакаат да ја остават зад себе. Да не ги разгледуваме сите работи што тргнаа наопаку. Една група луѓе која не сака да продолжи понатаму, група која инсистира на одговорност, се оние кои беа повредени од КОВИД мРНА инјекцијата. Мислам дека сте свесни дека денес, на глобално ниво, имаме речиси 1,7 милиони пријави за несакани настани, речиси 39.000 смртни случаи. Патем, од тие смртни случаи, 24% се случиле на денот на инјекцијата или во рок од еден до два дена. Знам дека системот за пријавување нескани ефекти од вакцините (VAERS) не докажува причинско-последична врска, но тоа е сериозна корелација. Повредените од инјекцијата, одбивам да ја наречам вакцина, тоа не е традиционална вакцина, и повредените, барем, сакаат нивните повреди да бидат признаени за да можат да добијат третман. Видов многу тажно видео од човек во Јапонија кој прима третман за повреда од инјекцијата. Не можел да добие третман тука, во САД. Една од пречките е што немаме ICD код (код од меѓународна класификација на болести) за вакви случаи. Знам дека ова се разгледува во Министерството за здравство (HHS). Мислам дека директорот на националниот здравствен институт (NIH), Бачерија, бара ICD код. Само ве прашувам дали сте подготвени да го разгледате тоа и да му дадете приоритет, за повредените од инјекцијата барем да добијат ICD код и признавање на нивните повреди. Дали ќе го направите тоа?

РФ Кенеди јуниор: Работиме на тоа и се трудиме да го реализираме што е можно побрзо. Исто така ги спроведуваме студиите што треба да се направат во NIH. Извештаите од судските вештаци за згрутчување на крвта и слично.

YouTube video

Рон Џонсон: Мило ми е што го спомнавте тоа. Следното прашање се однесува на меморандум, од д-р Прасад, од декември 2015 година (овде Џонсон прави лапсус за годината, меморандумот е од 2025, а греши и за месецот, објавен е на 29 номеври 2025, н.з.), каде што во рамки на FDA (Американската агенција за лекови) се разгледуваат, мислам, 96 обдукции на деца починати по КОВИД мРНА инјекцијата. Во тоа мемо, д-р Прасад пишува: „Ова е длабоко откритие. За првпат, FDA ќе признае дека КОВИД вакцините убиле американски деца. Здрави млади деца, со многу мал ризик од смрт, биле принудени, поради политики на администрацијата, преку училишни и работни обврски, да примат вакцина што може да доведе до смрт. Во многу случаи, таквите мерки биле штетни. Тешко е да се чита за случаи каде деца од 7 до 16 години можеби починале како резултат на вакцините. Ставајќи ги овие факти заедно, застрашувачки е да се помисли дека регулативата за вакцини во САД, вклучително и нашите постапки, можеби нанела повеќе штета отколку корист. Ова бара понизност, саморефлексија и надзор.“

Затоа, испратив писмо до вас и вашата агенција на 15 декември. Од 10 барања, добив одговор само на три. Нема одговор за документите што ги побарав. Ве прашувам дали ќе се обврзете целосно да одговорите на моето писмо.

РФ Кенеди јуниор: Посветен сум 100 отсто.

Рон Џонсон: Во писмото побарав и документи за процесот на одлучување за продолжување на заштитата од одговорност за овие инјекции за уште четири години. Дали ќе ги доставите тие документи?

РФ Кенеди јуниор: Да, ако ги имаме, ќе ви ги доставиме.

Рон Џонсон: На крај, да го прикажеме овој графикон. Благодарение на транспарентноста, добивме близу 11 милиони страници документи. Откривме дека било прикриено предупредувањето за миокардитис. Неодамна откривме дека се знаело и за опасноста за исхемичен мозочен удар кај лица над 65 години кон крајот на 2022 и 2023 година. Двата сигнали биле минимизирани. Најзагрижувачки е што постои нацрт-извештај: Питер Маркс бил информиран на 26 март 2021 дека алгоритмот за анализа на VAERS (систем во САД во кој се пријавуваат несакани ефекти од медикаменти, н.з) податоците може да ги прикрива несаканите настани. Со друг систем биле откриени 49 случаи на прикривање, од кои 25 значајни несакани ефекти, вклучувајќи ненадејна срцева смрт, Белова парализа и белодробен инфаркт.

Овој извештај ќе биде објавен следната недела. Не ми требаше сложен математички модел за да видам дека постојат сериозни сигнали за безбедност. Графикот покажува смртни случаи поврзани со вакцини од 1990 година, неколку стотици годишно. Во 2021 година, над 20.000. И пет години FDA тврди дека не гледа сигнал. Ова беше јасен сигнал кој, до денес, се прикрива.

Постојат луѓе вклучени во ова прикривање кои сè уште работат во HHS, CDC (Центар за болести на САД) и FDA. Сакам ваша посветеност тие луѓе да бидат достапни за интервјуа. За некои ќе мора да издадам повик. Ќе навлезам длабоко во ова.

РФ Кенеди јуниор: Ја имате мојата посветеност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Жена лови риба на плажа, кога наеднаш се издигна огромен бран и ја „проголта“ (ВИДЕО)

Ова е застрашувачкиот момент кога жена која ловела риба на плажа во Калифорнија била однесена во морето од моќен, ненадеен бран.

Жена лови риба на плажа, кога наеднаш се издигна огромен бран и ја „проголта“ (ВИДЕО)

Бе Кадоте, 47-годишна жителка на Пацификот, ловела риба на плажата јужно од Пацифик Мол кога бранот ја удрил, соборувајќи ја од нозе и влечејќи ја околу 30 стапки од брегот, објавува Њујорк пост.

Снимките од безбедносните камери го забележале драматичниот момент кога Кадоте била однесена во разбрануваното море.

„Се чувствував како да ме вртат во машина за перење“, изјави таа за АБЦ.

Таа го опиша бранот како сосема неочекуван и рече дека веднаш сфатила во каква опасност се наоѓа.

„Едноставно ме проголта. Знаев токму тогаш дека доаѓа по мене. Си одам. Ќе ме однесе. Нема шанси да се извлечам од ова“, рече таа.

Додека моќната вода ја однесе подалеку од брегот, Кадотова одлучи да не се бори против огромната сила на брановите, туку да ја препушти својата судбина на повисока сила.

„Ги затворив очите и се помолив: Боже, ако ова е твоја волја, разбирам, но те молам не дозволувај да го напуштам мојот син“, рече таа.

По неколку минути во вода, Кадотова успеа да се врати на површина. Рибарите во близина веднаш ѝ притрчаа на помош, ѝ фрлија конец и ја извлекоа назад на брегот.

„Ви благодарам што го ризикувавте вашиот живот за да го спасите мојот“, им рече таа по спасувањето.

Набрзо пристигнаа службите за итни случаи и ја пренесоа во болница во Сан Франциско, каде што беше лекувана од хипотермија и состојба опишана како „синдром на океански шок“ или повреди предизвикани од силно фрлање од брановите.

Ваквите ненадејни бранови, познати како „подмолни бранови“, се особено опасни бидејќи се појавуваат без предупредување и можат да ги однесат луѓето далеку од брегот пред да можат да реагираат.

Таа сега се опоравува дома. Неодамна се пријавени и други спасувања на океанот.

YouTube video

Овие бранови се особено чести по должината на крајбрежјата со стрмни, длабоки падови, вклучувајќи делови од северозападниот дел на Пацификот и северна Калифорнија.

„Помолните бранови“ се обично големи крајбрежни бранови кои можат да се искачат многу повисоко на плажата отколку што се очекуваше. Тие се тешки за предвидување и можат да удрат дури и во мирни, сончеви денови со мало или без никакво предупредување.

Некои истражувачи проценуваат дека околу три од секои 10.000 бранови на море достигнуваат овој опасен статус.

Тагови: плажа риба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Ужас во Унгарија: Полицијата откри морничава колекција кај болнички портир, призна дека јадел човечко месо

Националното биро за вонредни ситуации на Унгарија го истражува шокантниот случај на маж од Будимпешта осомничен за нелегално користење човечки тела откако полицијата пронашла неколку човечки тела на неговиот имот.

Ужас во Унгарија: Полицијата откри морничава колекција кај болнички портир, призна дека јадел човечко месо

Одделот за заштита на животот на Националниот институт го отвори случајот откако властите добија информации за портир кој работел во болница во Будимпешта, кој наводно складирал делови од човечки тела на своето работно место и дома, пренесе Телеграф.

Истрагата откри дека тој имал голем интерес за анатомија и патологија и редовно дисецирал животни. Полицијата се сомнева дека делумно ги добил човечките останки преку својата работа, а исто така ископал тела од напуштени гробишта во Словачка и Унгарија.

Според властите, човекот не ја криел својата чудна страст, раскажувајќи им на семејството и пријателите за тоа, па дури и фотографирајќи ја својата колекција.

Полицијата го уапсила човекот во Будимпешта на 17 јуни, а потоа претресла неколку имоти и возила поврзани со него. За време на претресот, запленети се компјутери, лаптопи, мобилни телефони и разни уреди за складирање податоци.

Полицијата соопшти дека за време на претресот се пронајдени неколку човечки останки. Меѓу запленетите предмети беа полнето човечко лице и кожа, коски ставени во куфер, комплетна потколеница, човечки мозок, надлактица и неколку черепи.

Пронајден е и орган складиран во тегла, кој моментално се испитува за да се утврди дали е од човечко или животинско потекло.

Запленетите остатоци ќе бидат испитани од судски експерти, кои исто така ќе бидат одговорни за утврдување на нивното потекло и извор.

Признал дека јадел човечко месо

Мажот е осомничен за кривично дело нелегална употреба на човечко месо. Според полицијата, тој признал дека го сторил кривичното дело за време на испрашувањето.

Во своето сведочење, тој рекол дека бил особено привлечен од делови од човечкото тело и дека претходно подготвувал разни јадења од нив и ги јадел.

По испрашувањето, тој бил приведен, а потоа судот наредил да биде ставен под кривичен надзор.

Истрагата е сè уште во тек. Властите моментално се обидуваат да го утврдат точното потекло на запленетите човечки остатоци.

Во зависност од исходот од истрагата, бројот на кривични дела за кои се товари човекот може подоцна да се прошири.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Милионерот Брајан Џонсон (48): Не планирам да умрам, моето тело е старо само 18 години (ВИДЕО)

Брајан Џонсон, 48-годишниот милионер кој посветил голем дел од своето време и пари на истражување на долговечноста, тврди дека „нема планови да умре“.

Милионерот Брајан Џонсон (48): Не планирам да умрам, моето тело е старо само 18 години (ВИДЕО)

Џонсон, кој тврди дека неговата „биолошка возраст“ е значително помала од неговата хронолошка возраст, верува дека неговата генерација може да биде првата што ќе живее значително подолго благодарение на научниот напредок од која било претходна.

„Не планирам да умрам“

Во видео објавено на платформата X, тој ја претстави својата визија за иднината. „Ние сме првата генерација што нема да умре. Буквално. Не планирам да умрам“, рече тој.

Додаде дека неговите здравствени индикатори одговараат на оние на многу помлада личност. „Имам 48 години хронолошки, но мојата кардиоваскуларна кондиција е како на 18-годишник, мојот капацитет на белите дробови е како на 18-годишник, моите теломери и хромозоми се како на 18-годишник. Моето тело функционира на многу начини како да имам 18 години.“

Тој, исто така, објасни како биолошката возраст може да се разликува од вистинската, хронолошка возраст. „Затоа велам дека здравјето треба да биде приоритет. Разликата помеѓу здрав и нездрав живот е поголема отколку што мислат повеќето луѓе“, рече тој.

Проект вреден два милиони долари годишно

Џонсон верува дека напредокот во биотехнологијата и подоброто разбирање на човечкото тело би можеле значително да го зголемат животниот век. Во последниве години, тој го претвори своето тело во еден вид експеримент насочен кон забавување на стареењето.

Тој се придржува до строго контролирана исхрана, секојдневно следи бројни здравствени параметри и се подложува на разни третмани и терапии. Се вели дека неговата програма, позната како Project Blueprint, чини околу два милиони долари годишно, според претходните извештаи.

Иако Џонсон и некои застапници на долговечноста веруваат дека развојот на медицината, биотехнологијата и вештачката интелигенција еден ден би можеле значително да го продолжат човечкиот живот, научниците предупредуваат дека досега нема докази дека е можно да се избегне стареењето или да се постигне еден вид бесмртност.

Совети за долговечност

И покрај критиките, Џонсон тврди дека собрал голем број корисни сознанија за здравјето и стареењето во текот на годините. Неодамна сподели со своите следбеници 41 лекција за која вели дека ги научил инвестирајќи милиони долари во истражувања за долговечноста.

„Еве го тоа. Сè што научив трошејќи милиони за долговечност“, напиша тој на X.

Иако неговиот режим е исклучително скап, многу од советите што ги споделува се базираат на навики што им се достапни на повеќето луѓе. Тој ја нагласува важноста на квалитетниот сон, редовното вежбање, исхраната богата со интегрални храни и избегнувањето пушење и други навики што можат да му наштетат на здравјето.

Тој го опишува спиењето како „најмоќниот лек на светот“ и препорачува да си легнувате приближно во исто време секоја вечер, по можност пред полноќ, избегнувајќи екрани најмалку еден час пред спиење.

Тој исто така советува лесна активност по оброците, како што се одење, редовно истегнување и тренинг за сила за зачувување на мускулната маса.

Меѓу препораките се доволен внес на течности, изложеност на утринското сонце за витамин Д и заштита на кожата за време на најсилното дневно сонце. Тој исто така го смета менталното здравје за важно, па затоа охрабрува редовно дружење со пријателите и умерено користење на социјалните мрежи.

Иако нема докази дека ваквите навики можат да го спречат стареењето, експертите генерално се согласуваат дека тие можат да придонесат за поздрав начин на живот и да го намалат ризикот од многу болести.

Тагови: милионерот тело

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер