Шоу биз

Селена Гомез открива дека откако ѝ била откриена сериозна дијагноза, посреќна е од кога било

Сè повеќе познати личности ги откриваат дијагнозите за нивното ментално здравје и како таквите проблеми влијаат на нивниот живот.

Овие извештаи се освежување во морето од нереални информации и нивното влијание врз подеднакво нереалните очекувања, бидејќи помагаат да се нормализира борбата за менталното здравје, како и да се обезбеди увид во однесувањата на кои фановите можеби биле критични.

Таа јавно разговарала за нејзината дијагноза -лупус. Со оглед на отвореноста на Селена за нејзините физички борби, во ред е таа да зборува и за нејзините проблеми со менталното здравје.

Во претходните интервјуа, таа изјави дека нејзината биполарна дијагноза пред неколку години била ослободувачка и дека станала посреќна од кога и да е, но решила и да направи чекор понатаму. Таа си наметнала мисија да ги ослободи ресурсите за ментално здравје и работи на тоа со нејзината мајка.

Дуото основало компанија која нуди информации од докажани експерти за луѓето кои можеби не можат да си дозволат традиционална терапија. За Гомез било важно да создаде компанија која ќе биде достапна за секој на кој може да му треба и што ќе ѝ користи во првите денови на нејзиниот пат кон менталното здравје.

Таа рече: „Жално е што ресурсите за ментално здравје чинат смешни суми пари“. Гомез призна дека знаела дека со години се борела со проблеми со менталното здравје, но неодамна, со помош на нејзината мајка и експерти за ментално здравје, одвоила време да сфати што се случува.

Значајна улога во нејзината состојба имале и социјалните мрежи, поради што таа не е присутна во виртуелниот свет четири и пол години иако е една од најследените луѓе во светот, со 311 милиони следбеници само на Инстаграм. .

View this post on Instagram

A post shared by Selena Gomez (@selenagomez)

Отвореноста на Гомез за нејзиното ментално здравје, исто така, може да помогне да се демистифицираат посериозните состојби на менталното здравје и да им се овозможи на луѓето да се чувствуваат поудобно да бараат помош.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Речиси 188.000 компании се затворија во Германија минатата година, најмногу од 2007 година

187.744 компании се затворија во Германија минатата година, најмногу за речиси 20 години, според заедничката годишна анализа на кредитната агенција „Creditreform “ и Центарот за европски економски истражувања Лајбниц (ZEW), објавена во вторник.

Бројот на затворени компании беше речиси десет проценти поголем од претходната година, а последен пат кога беа затворени повеќе беше во 2007 година, кога беа затворени речиси 208.000.

Ова означува втора година по ред на раст на бројот на затворања.

„Кризата сега се шири низ речиси целата економија“, рече Патрик-Лудвиг Ханч, раководител на економски истражувања во „Creditreform“, истакнувајќи дека, за разлика од претходните години, дури и компаниите што всушност беа здрави сега се затвораат.

Угостителството и туризмот се најпогодени

Бројот на затворени бизниси се зголеми во текот на годината во речиси сите сектори, со најголем број затворања во секторите угостителство и туризам. Во 2025 година, околу 15.000 ресторани и сместувачки капацитети се затворија, 15 проценти повеќе од претходната година.

Здравството бележи долгорочен негативен тренд

Негативниот тренд во здравството, кој трае околу десет години, исто така продолжи. Бројот на затворени бизниси во овој сектор достигна речиси 11.000, приближно двојно повеќе од 2008 година.

Речиси 5.500 лекарски ординации се затворија минатата година, 23 проценти повеќе отколку во 2024 година, најчесто затоа што лекарите се пензионирале и не можеле да најдат некој да ги преземе нивните ординации.

Пад е забележан и во индустријата

Околу 11.000 компании во индустријата се затворија, или 10 проценти повеќе од претходната година.

Извор: Индекс.хр

Тагови: Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Во јули регистрирани 11 нови ХИВ/СИДА случаи, девет се кај мажи

Во Македонија во текот на јули се регистрирани 11 нови случаи во категоријата ХИВ/СИДА, покажува најновиот месечен билтен на Институтот за јавно здравје.

Девет од новорегистрираните лица се мажи, а две се жени.

Сите случаи се кај лица на возраст од 20 до 49 години. Официјалните податоци на ИЈЗ покажуваат дека заклучно со 30 јуни 2026 година, во Македонија од почетокот на евиденцијата во 1987 година биле регистрирани вкупно 765 лица со ХИВ/СИДА. Од нив, 508 живеат со ХИВ, 141 лице починало, а 116 се водат како изгубени за следење, главно поради иселување.

Важно е да се направи разлика меѓу ХИВ и СИДА. ИЈЗ во билтенот ги објавува новите пријави во заедничката категорија „ХИВ/СИДА“, но тоа не значи дека сите новодијагностицирани лица имаат Сида. ХИВ е вирусот кој го напаѓа имунолошкиот систем, додека сида е најнапредната фаза на нелекуваната ХИВ инфекција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп одбива продолжување на меморандумот за примирје со Иран

Американскиот претседател Доналд Трамп се закани дека ќе го бомбардира Оман, кој важи за близок сојузник на САД. Ако како што рече, се испречи на патот на американските разговори со Иран.

Неговото предупредување следи откако Оман почна паралелни преговари со Техеран за повторно отворање на Ормутскиот теснец, кој е од витално значење за глобалната економија.

Иранските власти изјавија дека се блиску до финализирање на договорот со оман што дополнително ги покрена тензиите во Вашингтон во услови кога неговите разговори со иран подолго време се во ќорсокак.

Откако вчера истече важноста на меморандумот за разбирање од 60 дена до кога двете страни требаа да постигнат мировно решение, Трамп рече дека не размислува за негово продолжување..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.