Внатре во вратените пакети со производи за возрасни кои некако завршиле во американската поморска база во Бахреин, биле пронајдени не едно, туку две писма од Министерството за војна на САД, објави „CTV News Toronto“.

Писмата пристигнале во текот на летото, со разлика од околу еден месец, се присетила со насмевка Грејс Бенет, коосновач на компанијата.

„Не знаевме ни дека производот ќе оди во Бахреин сè додека не ни се врати неколку месеци подоцна, и тоа некако го откри целиот овој… урнебесен момент“, рече 34-годишната жена.

Нејзината онлајн продавница првично испорачуваше производи низ целиот свет, но сега тие главно ги опслужуваат Канада, САД, Јужна Америка, Европа и Азија поради различните закони за увоз. „Бонџибон“ исто така често испорачува до воени бази, па Бенет претпоставува дека производите биле препратени до некој стациониран во Бахреин, бидејќи нејзината компанија не испорачува директно таму.

Писмо од Пентагон

Изминатата година беше особено предизвикувачка за бизнисот на Грејс Бенет поради царините што ги наметна американскиот претседател Доналд Трамп, што предизвика пакетите речиси секојдневно да бидат задржувани на границата. Додека проверувал една од вратените пратки, менаџерот на магацинот забележал дека кутијата била отворена.

Внатре, заедно со расфрланата содржина, имало писмо со официјален печат на Министерството за одбрана на САД, кое Трамп оттогаш го преименува во Министерство за војна. Писмото било испратено од логистичкиот центар на американската морнарица во Бахреин, островска нација во Персискиот Залив.

„За време на безбедносниот преглед од страна на царината на Бахреин, во пакетот адресиран до вас беа идентификувани порнографски материјали и/или прибор. Со ова писмо ве известуваме дека вашиот пакет е вратен на испраќачот“, пишувало во меморандумот, насловен како „Производ за возрасни идентификуван за време на поштенската рендгенска инспекција“.

„Ве молиме известете го испраќачот дека порнографски материјали или прибор не се дозволени во Кралството Бахреин“.

View this post on Instagram

A post shared by Grace Bennett (@grace.bonjibon)

Урнебесен епилог

Бенет не ги откри точните предмети што биле вратени, но забележа дека писмата очигледно биле наменети за купувачите, бидејќи министерството побарало од нив да го информираат Бонџибон да „престанат да испраќаат анални чепови во Бахреин“.

„Многу нè насмеа“, рече Бенет. „Ние не осудуваме, сакаме секој да нарача што сака“.

Пентагон одби да коментира за случајот и рече дека немаат „ништо да кажат“ на оваа тема. Бенет се прашува дали американските војници воопшто се информирани за тоа што можат, а што не можат да нарачаат. „Не знам зошто ми испраќаат многу лути писма во кои се вели: „Престанете да испраќате предмети што би можеле да предизвикаат телесни повреди во оваа земја“. Ова звучи како ваш проблем“, рече таа.

Според американската транспортна команда, порнографскиот материјал, вклучително и секс играчките, се строго забранети според законот на Бахреин. Министерството за внатрешни работи на Кралството Бахреин не одговорило на барањето за коментар.

Бенет вели дека клиентите се запознаени со ситуацијата и им се вратени парите. Целата ситуација, вели таа, ја забавува и ја растажува во исто време. „Жал ми е што не ја добија својата нарачка“, рече таа со смеа. За да се одбележи настанот, обете писма од Пентагон сега се врамени и изложени во канцелариите на компанијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.