Технологија

Секоја година на Земјата паѓаат 5.200 честички од вселенска прашина

Веќе некое време се знае дека вселенската прашина постојано паѓа на Земјата, но со оглед на нејзината микроскопска големина, било тешко точно да се утврди во кои количини.

Имено, честичките на вселенската прашина (микрометеорити) не се поголеми од дел од милиметар и паѓаат на Земјата како првут при минувањето на астероиди и комети.

Меѓународен тим научници, по две децении собирање и анализирање на овие честички на Антарктикот, успеале да ја утврдат нивната годишна количина. Откриле дека на нашата планета годишно паѓаат во просек околу 5.200 вселенски честички помали од 700 микрометри. Овие микрометеорити се најголемиот извор на вонземски материјал на површината на Земјата.

Тоа е всушност неверојатно достигнување. Атмосферата на нашата планета е полна со различна прашина. Истражувањата од минатата година покажале дека во нашата атмосфера има околу 17 милиони тони прашина во кое било време, пишува Science Alert.

Затоа, научниците заминале на Антарктикот за да го минимизираат нивото на „позадинска“, прашина од земјата. Имено, во истражувачката станица Конкордија,таква прашина практично не постои. За време на шест експедиции во рок од 20 години, експертите идентификувале 1.280 нерастворени микрометеорити и 808 вселенски сфери (стопени вселенски карпи) со тежина помала од 350 микрограми, што им овозможило да ја пресметаат брзината со која овие честички паѓаат на површината на Земјата.

Потоа ја анализирале густината на честичките прашина за да го утврдат нејзиното потекло. Помала густина и поголема порозност сугерира дека прашината потекнува од комети, а поголема густина и помала порозност од метеорити. Откриле дека приближно 80 проценти од космичката прашина што стигнува до површината на Земјата доаѓа од комети.

Според моделите направени од научниците, вкупната маса на космичката прашина пред да влезе во атмосферата е околу 15 000 тони или многу повеќе од овие честички што стигнуваат до нашата атмосфера. Причината за ова отстапувањето не е јасна, но постојат неколку можности.

Една хипотеза е дека сè уште не успеале да откријат значителен дел од вселенската прашина, а другата е дека дел од таа прашина се губи пред да влезе во атмосферата. Третата е дека има многу помалку прашина во вселената отколку што покажуваат моделите.

Студија под наслов The micrometeorite flux at Dome C (Antarctica), monitoring the accretion of extraterrestrial dust on Earth, е објавена во списанијата Earth and Planetary Science Letters.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Помалку часовник, повеќе уметничко дело: Глечерите на Алјаска во вашите раце (ФОТО)

Францускиот луксузен бренд „Louis Vuitton“ претстави уникатен џебен часовник инспириран од глечерот Марџери во Алјаска.

Часовникот е направен како уникатно уметничко дело и нема да биде достапен за продажба. Наменет е исклучиво за одбрани колекционери кои нарачуваат вакви модели директно од производителот.

Дизајнот е инспириран од ледените пејзажи и дивиот свет на Националниот парк „Glacier Bay“. Бројчаникот содржи подвижни елементи во форма на пингвини, орки и китови, заедно со препознатливите куфери „Louis Vuitton“ кои дополнително го нагласуваат уметничкиот карактер на часовникот.

Компанијата нагласува дека ова е сосема уникатен примерок, направен само во еден примерок, поради што е повеќе колекционерско уметничко дело отколку класичен луксузен часовник.

Извор:Б92

Тагови: часовник

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Русите потврдуваат: Имаме застрашувачко оружје

Најмалку 11 лица, вклучувајќи и едно дете, беа повредени во ракетен напад врз Киев во текот на ноќта, соопштија украинските власти.

Нападите извршени од руските сили на 11 јули со оружје со долг дострел и висока прецизност врз воено-индустриските објекти во Киев ја потврдија способноста на руските вооружени сили сигурно да погодат какви било цели во Украина, соопшти руското Министерство за одбрана.

„Денешните успешни напади врз два објекти од воено-индустрискиот комплекс во Киев и инфраструктурата на морските пристаништа Одеса, Чорноморск и Измаил во регионот Одеса ја потврдија способноста на руските вооружени сили сигурно да погодат какви било цели низ цела Украина“, се вели во соопштението, според ТАСС.

Се вели дека анализата на употребата на оружје со висока прецизност од страна на руските вооружени сили ја потврдила способноста сигурно да ги пробијат системите за воздушна и ракетна одбрана „што му ги обезбедиле на Зеленски неговите западни спонзори“.

„Групни напади со прецизно оружје се извршуваат со висока ефикасност против украинските пристанишни објекти, како и разни бродови што испорачуваат оружје и воена опрема на режимот на Зеленски“, нагласи министерството.

Најмалку 11 лица, вклучувајќи и едно дете, беа повредени во ракетен напад врз Киев во текот на ноќта, соопштија украинските власти претходно денес.

Според началникот на Воената администрација на градот Киев, Тимур Ткаченко, и градските власти, пријавени се штети во неколку делови од градот.

Тагови: оружје русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пожар во сендвичара во Центар (ВИДЕО)

Пожар избувнал вечерва во сендвичарата Бејкинг Бред во центарот на Скопје.

На местото на настанот интервенирале екипите на противпожарната бригада и МВР.

Се уште не е познато како настанал пожарот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.