Во краткото образложение рече дека отсутен бил еден член, а за важни работи требало да се одлучува во полн состав, и закажа нова седница за 2 мај.
„Дебатираме за избор на претседател на Судскиот совет, кој има 13 челна, и добро е таа одлука да се донесе во полн состав. Еден член не е присутен од оправдани причини и подобро е седницата да се одложи за 2 до 5 дена.“
На седницата присуствуваше и вчера разрешената претседателка на советот Весна Дамева која кажа дека покана за денеска не добила. Пред да се гласа по предлогот на Адеми за одложување, Дамева рече дека двата часа одложување не биле доволни за да се обезбеди мнозинство за избор на нов претседател, но и без да навлегува во детали го псочи Адеми дека како заменик претседател требало да ги заштити членовите на советот од можни влијанија и притисоци.
Од 11 до 13 часот не беше доволно, но се надевам дека во наредите два дена ќе има време за потребното мнозинство. Непријатно ми е што ова се случува. Нарушени се нашето однесување и постапување понатаму. Иако, морам да бидам искрена, очекував дека ќе имате мнозинство, но ќе оставиме уште два дена да видиме дали вашето разрешување, без никаква постапка, ќе се легализира. Требаше да нè заштитите како заменик-претседател и одговорен претседавач на оваа седница од сите влијанија и притисоци. Ставот на секој судија и член е овде и сега, ако некој нема став, тогаш не сме на ниво на задачата да бидеме дел од ова тело. Што ќе се смени за два-три дена?
„Изјавете дали јас, Селим Адеми, ви имам вас извршено притисок, или на некој друг начин.“
Предлогот за одложување на изборот го поддржаа осум членови на советот, четворица беа против. По гласањето заменик – претседателот Адеми не сакаше да одговори дали вчерашната процедура била законска или не.
„Ништо не е никаков проблем. Има институции. Одлуката беше со мнозинство, сите бевте присутни.“
Дамева беше разрешена по неколкучасовни кавги а иако точка на дневен ред беше само нарушените меѓучовечки односи. Адеми откако бараше таа сама да си поднесе оставка или да стави точка за нејзино разрешување на дневен ред, го презеде водењето на седницата во нејзино присуство и побара да се гласа за разрешување на Дамева. Настаните во Судскиот совет со голема загриженост, како што велат, ги следи и Министерството за правда. Оттаму информираа дека дека го побарале записникот за вчерашната седница и усвоениот дневен ред.