Се затвора проект просторот „Кино Култура" - Канал 5

Култура

Се затвора проект просторот „Кино Култура"

Крајот на 2020 го одбележа и крајот на работа на проектниот простор КИНО КУЛТУРА. 

Се затвора проект просторот „Кино Култура"

Го отворивме во декември 2015, и во текот на овие, скоро пет години, поединци, соединети преку две организации (Театар Навигатор Цветко и Локомотива) развиваа простор кој пред сè беше замислен како ново место за театар, танц, перформанс, но и за останати содржини кои доаѓаат од пошироката културна и граѓанска сцена.

Го замисливме како простор кој на некој начин ќе ја продолжи мисијата на Мала Станица, еден простор во кој во 90те некои од нас учевме како да создаваме вонинституционална култура, да креираме нов театар, но и изложби, филмови, и други активности, – заедно со другите организации и поединци. Некои од нас, тогаш студенти, работејќи учеа, создаваа, а и по затворањето на Мала Станица продолжија, развија други иницијативи….

После долги години самостојно работење, повторно се соединивме преку организациите во кои дејствуваме, вклучувајќи ги своите соработници, стари и нови, како и партнери, стари и нови.

Решивме заедно, во понаков облик да ја продолжиме идејата, или да ја прошириме и да направиме еден простор кој ќе даде можност, нови, млади, да создаваат, и ние да продолжиме и ги прошириме своите идеи.

За нас Кино Култура никогаш не беше зграда, беше идеја, желба да се продуцира нов театар, перформанс, танц, и други, нови содржини на сцената. Почнавме во време кога немаше место каде да се видиме, соединиме, разговараме и организираме, да се спротиставиме на едни репресивни политики, и да продуцираме содржини и знаење.

Направивме заедно повеќе од 30 продукции, донесовме повеќе од 500 меѓународни уметници, над 1000 дебати, предавања, конференции, работилници, детски програми и уште многу други содржини.

Но најмалку се важни бројките, креиравме идеја за заедничко работење, за инклузија, за развој, дадовме можност просторот да се гради себе си низ содржините и соработките. Ова не ќе беше можно без поддршката на Општина Центар, и на неколкуте спонзори, на што сме особено благодарни.

Ја завршивме оваа приказна за овој простор, после долга финансиска агонија, недоволна политичка волја за поддршка, но и покрај тоа, сакаме идејата да продолжи и понатаму… Си одиме од просторот, но идејата за Кино Култура како простор на слобода, кој ќе се гради низ соработка, каде ќе се продуцира и гледа еден поинаков театар, танц, уметност воопшто, каде ќе се мисли поинаку, продолжува понатаму.

Да не беше Ковидот, ќе направевме голема забава за затворање, која ќе значеше и отворање на нови видици и чекори напред.

Жал ни е што и покрај несомнените успеси и динамизација на македонската а особено скопската- оф култура, не ја добивме неопходната поширока поддршка од државата, од оние кои можат преку креирање на добри политики да потпомогнат ваква и слични идеји да растат, да се развиваат да живеат. Одиме понатаму и ќе целиме, ќе заговараме, и ќе се бориме да создадеме достоен простор, институција за современи изведувачки уметности, сè со надеж дека јавноста и политиката еден ден ќе препознаат дека нашиот идентитет е пред сè културата.

Слободан Унковски, Александар Поповски, Биљана Тануровска- Ќулавковски, Виолета Качакова, Павле Игновски, Климент Попоски, Нела Витошевиќ, Елена Ристевска, Ѓурѓица Христовска, Валентино Апостоловски, Зорица Зафировска, Александар Георгиев, Анџела Петровска, Ивана Васева, Филип Јовановски, Русомир Богдановски, Викторија Илиоска, Христина Ангеловска, Тереза Лазарев, Александра Петрушевска, Ивана Коцевска, Милош Б. Андоновски, Драгана Гунин, Ангела Стојановска, Јанка Лефкова, Ивана Павлаковиќ, Стефан Вујисиќ, Наталија Теодосиева, Зоја Бузалковска, Ева Камчевска, Јеткин Сезаир, Мартин Манев, Андреј Јованчевски, Сашо Н. Алушевски, Игор Вецовски, Симона Димковска, Горан Ников, Мирко Попов, Оливера Ќорвезировска, Јана Коцевска, Иво Антов, Владимир Петровиќ, Филип Николовски, Славчо Димитров, Јана Ацевска, Ивана Ангеловска, Русе Арсов, Маја Стевановиќ, Ивана Нелковска, Сузана Киранџиска, Хана Миленковска, Кристина Леловац, Филип Димевски, Иван Поповски, Горјан Милошевски, Игор Ангелов, Ненад Стевовиќ и многу други.

КИНО КУЛТУРА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е кој ќе настапи на затворањето на Мундијалот (ВИДЕО)

Post Malone ќе биде главен изведувач на церемонијата на затворање на Светското првенство во фудбал во 2026 година, кое ќе се одржи на стадионот во Њујорк, Њу Џерси, на 19 јули.

Познато е кој ќе настапи на затворањето на Мундијалот (ВИДЕО)

Тој ќе настапи 90 минути пред почетокот на финалниот натпревар, а неговиот музички стил кој ги спојува различните жанрови се смета за соодветен за глобалната прослава на различните култури.

„Во време кога спортот, културата и глобалното внимание се спојуваат, Post Malone ќе изведе настап дизајниран да го прослави патувањето на турнирот и да ја разгори атмосферата пред очите на светот да се свртат кон финалистите“, изјави претседателот на ФИФА, Џани Инфантино.

Ѕвезден состав за церемонијата на затворање

Malone се приклучува на долгиот список на уметници и познати личности кои ќе учествуваат на церемонијата на затворање, меѓу кои се Том Круз, Џенифер Хадсон, Лаура Паузини, Никол Шерцингер, IShowSpeed ​​​​и Роби Вилијамс. Но, свеченостите не завршуваат тука. Како што претходно беше најавено, Џастин Бибер ќе го предводи спектаклот на полувремето од финалето заедно со Мадона, Шакира и BTS, што дополнително ќе го зајакне веќе импресивниот список на изведувачи.

„Светското првенство го обединува светот како ништо друго. Благодарен сум што сум дел од ова шоу на полувремето, а уште повеќе сум благодарен знаејќи дека веќе помага во проширувањето на пристапот до образование за децата ширум светот“, претходно рече Бибер за својот претстоен настап.

Музички спектакли за време на првенството

Шакира и Бурна Бој го отворија Мундијалот во Мексико Сити со изведба на „Даи Даи“. Артис Фјучр, Тајла и Кејти Пери настапија на церемонијата на отворањето на американското првенство на стадионот СоФи во Лос Анџелес, додека на канадската церемонија на отворањето настапија Мајкл Бубле, Алесија Кара и Елијана.

Неодамна, Ели Гулдинг настапи и во четвртфиналето со песната „Лајтс“, во натпреварот во кој нејзината родна Англија ја победи Норвешка.

Тагови: Мундијалот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Косовски државјанин со возило влечеше цариник на Блаце и побегна – уапсен е во Скопје

Синоќа околу 22:00 часот  полициски службеници од Единицата за интервентна полиција при СВР Скопје на ул. „Јадранска магистрала“ во Скопје, го лишија од слобода косовскиот државјанин Р.Е. (24).

Косовски државјанин со возило влечеше цариник на Блаце и побегна – уапсен е во Скопје

На 15.07.2026 околу 22:00 часот, полициски службеници од Единицата за интервентна полиција при СВР Скопје на ул. „Јадранска магистрала“ во Скопје, го лишија од слобода косовскиот државјанин Р.Е. (24). Претходно, на Граничниот премин Блаце, додека царински службеник вршел преглед на неговото патничко возило „бмв“ со косовски регистарски ознаки, Р.Е. го стартувал возилото, го оттурнал и го влечел неколку метри царинскиот службеник со возилото, по што се дал во бегство кон Скопје.

Веднаш се преземени мерки и активности од полициски службеници од Единицата за интервентна полиција и возилото е запрено, а лицето лишено од слобода. При тоа, извршен е преглед на теренот и пронајдена е кеса со марихуана, а во возилото е пронајден џебен нож. Р.Е. пријавил и дека додека бегал, фрлил кеса во која имало два пиштола. Р.Е. е приведен во полициска станица и по целосно расчистување и документирање на случајот, ќе биде поднесена соодветна пријава, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Аргентина по натпреварот ги обвини Британците за воен упад: Воен брод влезе во нашите води (ВИДЕО)

Аргентина обвини дека британски воен брод нелегално влегол во нејзини води, само неколку часа откако ја победи Англија во полуфиналето на Светското првенство.

Аргентина по натпреварот ги обвини Британците за воен упад: Воен брод влезе во нашите води (ВИДЕО)

Аргентина обвини дека британски воен брод нелегално влегол во нејзини води, само неколку часа откако ја победи Англија во полуфиналето на Светското првенство, објави „Индипендент“.

Во соопштение објавено вчера вечер, аргентинскиот министер за надворешни работи Пабло Кирно ја обвини Кралската морнарица за „воен упад“ во аргентинските води.

Тој тврдеше дека бродот „ХМС Медвеј“ влегол во аргентинските води на почетокот на јули без претходно формално да ја информира владата. Во својата изјава, тој рече дека до британската амбасада е испратена официјална протестна нота во која се изразува најсилното противење на акцијата.

ХМС Медвеј е патролен брод од класата „Ривер“, кој обично е стациониран на Фолкландските Острови.

Инцидентот се случи откако играчите на Аргентина предизвикаа контроверзии со кревањето транспарент на кој пишуваше „Лас Малвини сон Аргентинас“, што во превод значи „Фолкландските Острови се аргентински“, по нивната победа од 2-1 над Англија во среда навечер.

Политичките тензии меѓу Аргентина и Обединетото Кралство околу Фолкландските Острови продолжуваат, кулминирајќи со вооружен конфликт во 1982 година откако Аргентина ги нападна островите.

Буенос Аирес долго време тврди дека има суверенитет над Фолкландските Острови, кои се оддалечени околу 12.800 км од Велика Британија и околу 480 км од копнена Аргентина.

Пред натпреварот, потпретседателката на Аргентина, Викторија Виљареал, ја опиша Англија како „окупатори“ и „узурпирачки пирати“ во подготовките за натпреварот, а по натпреварот објави порака за победата: „Не беше само уште еден натпревар“, заедно со видео клип на кој се појавија аргентински војници.

Подоцна во среда навечер, таа сподели фотографии од играчи кои држат транспарент, со порака што се преведуваше како: „Фолкландските Острови се аргентински! Им забранија да влезат на стадионот и заборавија дека ги носиме во нашата крв и срца“.

Во меѓувреме, Кирно напиша на социјалните мрежи:

„Во дипломатијата, работата не се завршува со извици како постигнување голови, туку нè води истата решителност - гордоста што сме Аргентинци и постојаната одбрана на нашите интереси“.

Британскиот министер за бизнис, Питер Кајл, го опиша транспарентот како „целосно несоодветен“ и ја повика ФИФА да спроведе истрага.

„Отидов и легнав пред транспарентот да биде донесен на теренот, но ги видов сликите утрово и, секако, е целосно несоодветен. Политиката треба да се држи подалеку од фудбалот. Тоа е многу јасно правило на Светското првенство, но сите последици што може да следат сега се одлука на ФИФА“, рече тој.

На прашањето за транспарентот, Даунинг стрит ги повтори ставовите на портпаролот на премиерот во понеделник, кој рече: „Ставот на Велика Британија е јасен. Луѓето од островите постојано ја изразуваат својата желба да останат британска територија и нивното право на самоопределување е од најголема важност. Луѓето од Фолкландските Острови се Британци и имаат право сами да одлучуваат за својата иднина“.

Тагови: Аргентина воен брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер