Се вселиле во нов стан, па веднаш паднале болни- чудно било што не добивале сметки за вода - Канал 5

Живот

Се вселиле во нов стан, па веднаш паднале болни- чудно било што не добивале сметки за вода

Човек по име Тан и неговата девојка изнајмиле стан во Пекинг во мај, а неколку месеци подоцна нивното здравје се влошило.

Се вселиле во нов стан, па веднаш паднале болни- чудно било што не добивале сметки за вода

Прво почнале да кашлаат, а мажот тврди дека ја изгубил косата и добил акни. Клупкото почнало да се расплеткува кога сфатил дека шест месеци не платил сметка за вода, а не била исклучена.

Тан го прегледал водомерот и утврдил дека нешто не е во ред. Имено, колку и да ја одвртувал славината, состојбата на броилото не се менувала.

Тогаш решил да го повика водоинсталатерот, не знаејќи што го чека.

Експертот наводно утврдил дека имало дополнителна цевка, која Тан не ја забележал, која ги поврзува тоалетот и цевките за вода од чешмата, пишува Daily Mail.

Тоа би значело дека станарите шест месеци користеле вода што не се пие?! И не само тоа, тие ја користеле за готвење и капење.

Водоинсталатерот го решил проблемот, но Тан бара паричен надомест од агенцијата за изнајмување.

Од друга страна, неименуваната агенција истакнува дека станарите имале можност да користат вода за пиење или вода од блискиот бунар со прилагодување на вентилот. Но, Тан и неговата девојка тврдат дека не го знаеле тоа.

Од агенцијата додаваат дека водата од бунарот поминала тестови за квалитет во март, но сепак е наменета за испирање на тоалети и полевање на растенија.

Преговорите за можното обештетување се во тек.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски: Можна е средба со Русите во Мајами

Официјални лица од Украина, САД и Русија би можеле да се сретнат за време на самитот на Г20 во Мајами во декември.

Зеленски: Можна е средба со Русите во Мајами

Сепак, Вашингтон и Москва не ја потврдија средбата, изјави денес украинскиот претседател Володимир Зеленски, додавајќи дека се можни и други места.

„Средбата би можела да се одржи во САД за време на самитот на Г20. Сепак, засега нема потврда ниту од Русија ниту од САД. Може да се одржи и во некоја европска земја“, рече Зеленски во разговор со новинарите преку апликацијата „WhatsApp“.

Тој додаде дека средбата би можела да се одржи и во една од земјите од Блискиот Исток, објави Ројтерс.

„САД постојано ги споменуваат Обединетите Арапски Емирати или Саудиска Арабија“, рече Зеленски, додавајќи дека украинските преговарачи разговарале со американски претставници во петокот, но не даде детали.

Тој рече дека на Европа ѝ е потребен свој колосек за разговори со Русија, со која односите се затегнати поради војната во Украина. Групата од 20 водечки економии, во која се вклучени САД и Русија, но не и Украина, треба да одржи самит во Мајами во декември.

Тагови: Володимир Зеленски русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претрес во Голема Речица, лишено од слобода едно лице, пронајдено оружје и дрога

На ден 16.10.2026 во времето од 15:00 до 16:30 часот, врз основа на судска наредба, извршен е претрес во дом и други помошни простории во село Голема Речици кај А.А.(57) поради сомнение за сторено кривично дело по член 215 од Кривичниот законик.

Претрес во Голема Речица, лишено од слобода едно лице, пронајдено оружје и дрога

При претресот, во една од собите во подрумската просторија под кревет пронајден е еден пиштол марка „екол дуал“ со една празна рамка, додека во помошна просторија во склоп на куќата во навлаката од перница пронајдени се 22 мали најлонски кесички со кокаин и една поголема најлонска кеса со кокаин.

За време на претресот лицето упатило закани кон полициските службеници и е лишен од слобода и задржан во Полициската станица Тетово за понатамошна постапка, По документирање на случајот против него ќе следува соодветен поднесок.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Масовни протести ја тресат Франција, речиси 300 приведени во неколку градови

Во Франција изби нов бран масовни протести, придружени со насилство и судири со полицијата. најмалку 270 луѓе се уапсени во судирите во кои полицијата употреби солзавец во повеќе градови.

Масовни протести ја тресат Франција, речиси 300 приведени во неколку градови

Демонстрантите протестираат поради високите цени и бараат повисоки плати и пензии, како и подобри јавни услуги. Немири ги зафатија Париз, Марсеј, Лион и Стразбур, Гренобл, Тулуз, каде многу објекти се демолирани или запалени, а во Лион во оган пламнал туристичкиот информативен центар на плоштадот Белкур.

Според „Гардијан“, протестите се насочени и против слабеењето на францускиот систем на социјална заштита. Незадоволството се прошири од училиштата кон работниците, пензионерите и земјоделците, на кои им се придружија и припадници на движењето „жолти елеци“. Премиерот Лекорну изјави дека протестите се меѓу најнасилните во последните неколку децении.

Тагови: протести Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер