Се врати легендарниот Форд Бронко (ФОТО) - Канал 5

Автомобилизам

Се врати легендарниот Форд Бронко (ФОТО)

Тоа што се Мустанг и Камаро во светот на спортските автомобили, Џип е во светот на теренските возила. И сега му се придружи и уште еден американски класик - Форд Бронко.

Се врати легендарниот Форд Бронко (ФОТО)

И ако се прашувате што е Бронко, најдобриот опис ќе ви го даде друг модел. Тоа е Џип Вранглер, легенда која не може да се ограничи ниту со релативно високата цена, па дури и со фактот дека веќе не е мејнстрим. И токму тука влегува Бронко, уште позначаен модел со поистакнати ретро линии.

Едно од најпознатите имиња во историјата на Форд има два стила на каросеријата. Заедно со стандардните две врати, за прв пат во историјата е продолжената верзија со четири врати. Од „Форд“ велат дека не им е грижа за модата, туку е важна функцијата. И, после години на следење на сите можни форуми и групи поврзани со теренски возила, знаат што им треба.

Бронко дефинитивно има добар потенцијал. Подот е поставен на 294 мм, највисок во сегментот, преминува водни пречки до длабочина од 850 мм, а максималниот пристап / агол на спуштање е 29 / 37,2 степени. И најпребирливите може да го опремат Бронко со огромни 35-инчни теренски гуми.

Предвидени се два мотори во комерцијалната верзија . Послабиот 2,3 EcoBoost дава 270 КС и 420 Nm, додека помоќниот 2,7 V6 оди до 310 КС и 542 Nm. Седумстепен мануелен менувач со намалување е стандарден кај послабиот мотор, додека помоќниот има 10-степен автоматски. Погонот од 4х4 се подразбира, а клиентите избираат помеѓу две верзии. Системот за управување на терени носи седум начини на работа и адаптација на сите терени. Се вика Г.О.А.Т. и е прилагоден на секој терен.

Има и додатоци како Trail ToolBox за возење надвор од патот и можност за лесно отстранување на панелите на вратите што се чуваат во специјални торби во автомобилот. И важен детал, огледалата не се врзани за вратата, па остануваат на возилото дури и откако ќе се симнат.

Подеднакво пожелен дизајн има и во кабината. Опремата е од прва класа, а кабината е покриена со водоотпорни материјали со стандарден материјал на подот. Списокот содржи голем број детали за индивидуализација од инфозабава со 12-инчен екран до дополнителна камера, LED светла, суспензија на Билштајн и слично.

И сега најдоброто. Бронко во САД започнува со само 29,995 долари, или 34,995 за верзијата со четири врати. Првите испораки започнуваат на почетокот на следната година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Се соблече најубавата водителка

Елеонора Инкардона, заштитното лице на спортската платформа „DAZN“ – која публиката често има можност да ја види за време на преносите на натпреварите од Серија А – сподели неколку фотографии од својот одмор на социјалните мрежи.

Фото: Се соблече најубавата водителка

Атрактивната водителка покажа делови од своето секојдневие надвор од телевизиското студио – од времето поминато покрај базенот и шетањето на кучето, до тренинзите, дружењето и уживањето во локалните специјалитети.

„Мало бегство, токму она што ми требаше“, напиша Елеонора Инкардона покрај секси фотографии во бикини.

Најголемата популарност ја стекна токму преку ангажманот на „DAZN“, каде што ги следи натпреварите од Серија А и големите фудбалски настани.

Паралелно со телевизиската работа, таа изгради и голема публика на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Меган Фокс непрепознатлива

Една од најубавите актерки во Холивуд, атрактивната Меган Фокс веќе неколку месеци изненадува со својот изглед. 

Фото: Меган Фокс непрепознатлива

Видео на филмската платформа Letterboxd, во кое актерката Меган Фокс и режисерката Кери Кусама ги препорачуваат своите омилени филмови, предизвика низа реакции на социјалните мрежи.

Многу од нив се однесуваа на физичкиот изглед на 40-годишната актерка.

Иако снимката беше објавена во почетокот на октомври 2026 година, средбата била снимена уште во октомври 2025 година, за време на специјална проекција на филмот „Jennifer's Body“ во Музејот на филмската уметност на Академијата во Лос Анџелес.

Во видеото, Фокс издвојува наслови како „Braveheart“, „The Lion King“ и „Ninja Turtles II“, како и филмскиот серијал за Хари Потер.

Сепак, откако некои корисници во коментарите заклучија дека актерката е непрепознатлива и почнаа да шпекулираат за можни естетски зафати, платформата Letterboxd ја оневозможи опцијата за коментирање на објавите на својот официјален профил на Инстаграм.

„Што се случи со Меган Фокс што сите ја знаевме? Боже, таа се уништи себеси...“, „Меган Фокс како Џигсо за Ноќта на вештерките“, „Изгледа како член на семејството Адамс“, „Целосно си го уништи лицето.

Каква штета“ – беа само дел од коментарите.

Дел од јавноста застана во одбрана на актерката, истакнувајќи дека видеото е снимено осум месеци откако таа го родила своето четврто дете, како и дека периодот по породувањето носи природни промени во изгледот. Некои укажаа и на можното влијание на осветлувањето и шминката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Како Џеф Безос го убеди „Ферари“ да го направи својот прв електричен автомобил

На една конференција, шефот на Ферари раскажа дека Џеф Безос му рекол оти не знае многу за автомобили, но знае многу за иновации, како и дека Ferrari треба сериозно да размисли за електричните возила.

Како Џеф Безос го убеди „Ферари“ да го направи својот прв електричен автомобил

Претседателот на Ферари, Џон Елкан, откри дека разговорот од 2016 година со основачот на Амазон, Џеф Безос, одиграл клучна улога во одлуката на италијанската компанија сериозно да го разгледа развојот на електричен автомобил.

На конференцијата, Елкан сподели дека Безос тогаш му рекол оти не знае многу за автомобили, но знае многу за иновации, и дека Ферари треба сериозно да размисли за електричните возила. Десет години подоцна, Ферари го претстави моделот „Luce“ – подготвен за сериско производство и прв целосно електричен модел на компанијата.

„Luce“ предизвика значителни реакции, не само поради својот електричен погон, туку и поради дизајнот. Надворешниот и внатрешниот дизајн беа развиени од студиото „LoveFrom“, во чиј тим е вклучен и поранешниот дизајнер на Apple, Џони Ајв.

Сепак, Ферари истакнува дека Luce останува верен на наследството на брендот во поглед на перформансите. Автомобилот располага со четири електромотори кои испорачуваат вкупна моќност од 1.050 КС и забрзува од 0 до 100 км/ч за само 2,5 секунди.

Батеријата со капацитет од 122 kWh овозможува деклариран досег од 530 км – што е донекаде скромна бројка со оглед на големината на батеријата. Цената е исто така нетипична за електрични автомобили.

„Ferrari Luce“ чини околу 550.000 евра во Европа, а се очекува цената во САД да биде приближно иста. Џон Елкан нагласува дека Ferrari немал намера да создаде контроверзен автомобил; напротив, разговорот со Безос ја зацврстил убеденоста на компанијата дека треба да ја прифати електрификацијата, пренесува b92.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер