Се враќа најпознатиот Србин од игрите? - Канал 5

Технологија

Се враќа најпознатиот Србин од игрите?

Според новите гласини што кружат на интернет, „Grand Theft Auto IV“ наскоро би можела да добие нова верзија за модерните конзоли – „PlayStation 5“ и „Xbox Series X/S“.

Се враќа најпознатиот Србин од игрите?

Гласината ја започна добро познатиот инсајдер на „Rockstar“, „Tez2“, кој тврди дека новата верзија на играта би можел да пристигне веќе кон крајот на оваа година.

„Tez2“ откри на форумите за „GTA“ дека лице од „Rockstar“ му „навестиле“ дека проектот е во развој повеќе од една година. Исто така, се наведува дека една од причините зошто „Rockstar“ го запре проектот за зачувување на „Liberty City“ (кој се обиде да ја портира мапата од „GTA IV“ во „GTA V“) претходно оваа година беше токму развојот на официјалната нова верзија.

Инсајдерот понатаму споменува дека по објавувањето на новата „GTA IV“би можело да следи повторно објавување на „Max Payne 3“, а потенцијално и пакет од сите продолженија на играта во форма на „Definitive Edition“, што би вклучувало повторно објавување на „Max Payne 1“ и „2“, објавува „Bug“.

Сè уште нема официјална потврда од „Rockstar“, но со оглед на моменталната репутација на корисникот што се крие под прекарот „Tez2“, шансите за враќање на Нико Белиќ во ново руво изгледаат многу веројатни.

„GTA IV“ првично беше објавена во 2008 година и се одвива во Либерти Сити, верзијата на Њујорк на „Rockstar“.

Интересно е што токму од тој град доаѓа Лусија Каминос, протагонистката на „GTA VI“, која според неодамнешните најави ќе биде објавена во мај 2026 година. Новото издание за „GTA IV“ би можел да послужи како совршена подготовка за доаѓањето на новата игра.

Извор: Б92

Тагови: Нико Белиќ GTA IV Rockstar

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Моцарт го „освојува“ Салцбург: Позлатени фигури се појавуваат низ градот

Од денес, улиците, парковите и знаменитостите на Салцбург се украсени со повеќе од 300 позлатени фигурини на Волфганг Амадеус Моцарт, поставени по повод одбележувањето на 270-годишнината од раѓањето на еден од најголемите композитори во историјата.

Моцарт го „освојува“ Салцбург: Позлатени фигури се појавуваат низ градот

Фигурините високи пет сантиметри се дело на германскиот уметник Отмар Херл и се изработени по нарачка на фондацијата „Моцартеум“, објави денес весникот *Le Figaro*. Тие го прикажуваат Моцарт со неговото куче, Пимперл. Според фондацијата, фигурините се поставени во градината каде што композиторот често шетал, во неговиот некогашен стан, како и на други локации низ градот, пренесува Танјуг.

Херл изјави дека не сакал да создаде уште еден споменик на Моцарт, туку да ја прикаже неговата човечка страна и да покаже дека, и покрај својот гениј, тој бил обичен човек.

Фондацијата „Моцартеум“ нарача вкупно 400 фигурини, а дел од нив се чуваат во складиште за да се надоместат евентуалните загуби поради кражба. Според претставникот на фондацијата, Линус Клумпнер, две фигурини се веќе украдени. Посетителите што сакаат да ја земат фигурината како сувенир, можат да ја купат за 100 евра.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Актерка виси на справа за пилатес Кадилак

Убавата балканска актерка, 40 годишната Нина Сеничар редовно тренира дури и по две породувања, а сега покажа и некои од вежбите што ги прави. 

Фото: Актерка виси на справа за пилатес Кадилак

Се снимала себеси на справата за пилатес Кадилак - која се состои од хоризонтален кревет над кој има метална рамка со разни додатоци - пружини, јамки, дрвена шипка и трапез на кој висела актерката.

Инаку, актерката живее во Лос Анџелес со својот сопруг-милионер и децата, а еднаш зборуваше за деловните предизвици и истакна дека секогаш го избирала потешкиот пат.

– Ја имам таа потреба да почнам одново, од нула, таа постојана потреба за борба, за мачење. Почетоците воопшто не се лесни. Двапати почнав од нула, во смисла дека двапати се преселив во друга земја, но тоа не значи дека нема да го направам тоа повторно – изјави таа еднаш.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Орце Ѓорѓиевски: „Добредојдовте во Скопје“

[❤️]  „Добредојдовте во Скопје“ - порака со која испраќаме топло добредојде до сите што пристигнуваат во нашиот град, објави на својот Фејсбук првиот човек на Скопје, Орце Ѓорѓиевски.

Орце Ѓорѓиевски: „Добредојдовте во Скопје“

[🌃] Скопје го разубавуваме со љубов, внимание и посветеност, затоа што секој детал е важен кога градиме град со препознатливо лице и топла душа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер