Се укинуваат ли правилата за течности и давачките за багаж во ЕУ? Не така скоро - Канал 5

Живот

Се укинуваат ли правилата за течности и давачките за багаж во ЕУ? Не така скоро

Планирате да одите на одмор во некоја земја на ЕУ, но стравувате дека ќе ви снема сапун и шампон оти аеродромот од кој поаѓате има застарено правило за не повеќе од 100 милилитри течности во рачниот багаж?

Се укинуваат ли правилата за течности и давачките за багаж во ЕУ? Не така скоро

ЕНР - Брисел

Планирате да одите на одмор во некоја земја на ЕУ, но стравувате дека ќе ви снема сапун и шампон оти аеродромот од кој поаѓате има застарено правило за не повеќе од 100 милилитри течности во рачниот багаж? Или дека за вашиот рачен багаж ќе ви наплатат дополнително?

Добрата вест е дека аеродромите низ ЕУ наскоро ќе смеат да го укинат правилото, непопуларно со години, со кое се ограничуваат течностите во рачниот багаж.

И покрај тоа, рачниот багаж останува спорна тема, со оглед што законодавците на ЕУ инсистираат да им се забрани на авиокомпаниите да наплаќаат за рачен багаж – одлука на која силно ѝ се спротивставува воздухопловниот сектор.

Но прво да се навратиме на течностите. Во мигов, патниците не смеат со себе да носат течности во шишенца поголеми од 100 милилитри, а шишенцата треба да се стават во проѕирна кесичка со пластичен патент, која смее вкупно да содржи до 1 литар течности.

Ова правило се воведе во 2006 г. откако властите спречија планиран терористички напад со течни експлозиви прошверцувани на еден авион на аеродромот Лондон-Хитроу.

Ѝ требаа речиси 20 години, но ЕУ неодамна одобри скенери што со сигурност детектираат течни експлозиви, со што се овозможува да се укинат долгогодишните ограничувања.

Една гласноговорничка на Европската комисија изјави дека со помош на новите скенери со компјутерска томографија, слични на тие што се користат за медицински снимки, може со сигурност да се откријат заканите и да им се дозволи на патниците да носат поголеми шишиња, ако се докаже дека течностите се безбедни. Сега зависи од секој поединечен аеродром дали ќе ја усвои технологијата, додаде таа.

Според Комисијата, околу 700 скенери што го користат новиот софтвер во мигов се во употреба или се инсталираат во 21 земја од ЕУ. Според медиумите, има аеродроми во Германија, Холандија, Италија, Шпанија и Ирска што веќе ги употребуваат.

Не се надградува преку ноќ

Неколку аеродроми во ЕУ уште во јули 2024 г. го олабавија ограничувањето за течности, откако ги инсталираа новите компјутерски томографи што можат брзо да нацртаат тродимензионална слика од содржината на куферот.

Но, претставниците на ЕУ изразија сомнежи околу квалитетот на новите скенери за багаж. На пример, во Германија, германската федерална полиција и операторот на аеродромот во Франкфурт, Фрапорт, вперија прст кон претстојната промена на правилата.

Затоа, Европската комисија повторно воведе „привремено“ ограничување при проверката на течности „на одредени аеродроми на ЕУ“ како превентивна мерка од 1 септември 2024 г., иако малку порелаксирано – течностите, ако се во проѕирна кесичка, смеат да се носат во рачниот багаж.

Официјалното одобрување на новите скенери од страна на ЕУ сега им овозможува на аеродромите да почнат да ги користат при безбедносните проверки. Сепак, нивното воведување ќе потрае поради застарената опрема и техничките пречки.

Гласноговорничката на Здружението на аеродроми во Германија изјави дека целосното воведување низ државата е сложено и скапо, оти бара не само нова опрема туку и структурни измени поради поголемиот обем на машините.

На франкфуртскиот аеродром – најпрометниот во Германија – 40 од околу 190 безбедносни ленти се опремени со нов систем, а нарачани се уште 40 такви, изјави гласноговорничката. Сепак, за патниците сè уште важи ограничувањето од 100 милилитри бидејќи не се знае кој скенер ќе ги проверува нивните куфери – а и некои од новите уреди сè уште го немаат потребниот софтвер.

Слично е и со минхенскиот аеродром, каде што надградбата на софтверот е одложена до крајот на летната туристичка сезона.

На главниот меѓународен аеродром во Словенија, аеродромот Љубљана Јоже Пучник, германскиот оператор Фрапорт ја ажурира рендгенската опрема за проверка на рачен багаж кога отвори нов терминал во 2021 г. Таму веќе се користи напредна технологија согласно најновиот стандард EDS 3.1 за проверка на чекиран багаж, која прави тродимензионална анализа на содржината на багажот и може да открие експлозиви.

„Што се однесува до рачниот багаж, во мигов сè уште ги разгледуваме сите аспекти: придобивките, трошоците, потребниот простор и влијанието врз севкупните безбедносни проверки. Ова е голема инвестиција, која опфаќа не само купување опрема туку и приспособување на инфраструктурата и организацијата на терминалот“, соопшти компанијата.

Во Шпанија, нов компјутерски томографски скенер веќе е во употреба на аеродромот Палма де Мајорка, а вакви скенери се инсталираат и на аеродромот Адолфо Суарез Мадрид-Барахас и аеродромот Хозеп Тараделас Барселона-Ел Прат, каде што се користат на некои ленти за безбедносна проверка.

Во Романија, ажурирањето на софтверот за да се исполнат условите за укинување на ограничувањата на аеродромите е речиси готовo. Меѓународни летови има од дванаесет аеродроми во Романија.

Државното претпријатие Букурешки аеродроми ја информира Агерпрес оти укинувањето на ограничувањата зависи од завршувањето на инсталацијата и пуштањето во употреба на целата опрема. Според распоредот на проектот, ова треба да се случи најдоцна во првото тромесечје од 2026 г.

Романската разузнавачка служба, која врши безбедносни проверки на сите аеродроми во Романија, во јули соопшти дека укинувањето на ограничувањата за течности во рачниот багаж ќе биде можно само на аеродромите во Романија што целосно ја ажурирале и службено ја потврдиле сигурноста на опремата.

Борбата за „бесплатен“ рачен багаж

Второ спорно прашање во врска со воздушниот сообраќај е издатокот за рачен багаж. Билетите од нискобуџетните авиопревозници вклучуваат само еден мал предмет во авионската кабина – како ранец или чанта за лаптоп – и наплаќаат дополнително за друг рачен багаж. Оваа практика организациите за заштита на правата на потрошувачите ја сметаат за незаконска.

Во мај, околу петнаесет европски здруженија побараа од Европската комисија да отвори истрага на ниво на ЕУ во врска со наплатувањето за рачен багаж од страна на седум нискобуџетни авиокомпании.

Француското здружение на потрошувачи наречено Потрошувачка, домување и животна средина јавно ги обвини Изиџет, Норвиџан, Рајанер, Трансавија, Волотеа, Вуелинг и Визер дека „им наметнуваат прекумерни трошоци на потрошувачите“.

„Европскиот суд на правдата во 2014 г. пресуди дека транспортот на рачен багаж не може да биде предмет на дополнителен надомест, ако исполнува разумни услови во однос на тежината, димензиите и безбедносните правила“, нагласи здружението.

И покрај тоа, колективот здруженија вели дека седумве авиокомпании наплаќаат давачки за рачен багаж со разумна големина, коишто тие го сметаат за „голем“: 36 евра за Рајанер, речиси 43 евра за Изиџет и до 280 евра за Вуелинг, ако не се совпаѓа со димензиите пропишани од авиокомпанијата.

Во јуни, транспортната комисија на Европскиот парламент усвои предлог што ќе им овозможи на патниците да внесат еден личен предмет во кабината, како чанта или ранец, плус рачен багаж до 7 килограми без дополнителен надомест.

Меркава, која ќе се применува на сите летови што полетуваат или слетуваат во 27-те земји членки на ЕУ, беше усвоена како дел од предложениот од Европската комисија пакет амандмани на регулативата за патнички права.

Индустриското здружение Авиокомпании за Европа го осуди предлогот, велејќи дека ќе резултира со повисоки цени на летовите и ќе им ги зголеми трошоците на патниците без багаж.

Исто во јуни, еден шпански суд соопшти дека привремено ги одложил високите казни што левичарската влада им ги изрече на нискобуџетните авиокомпании Рајанер и Норвиџан. Министерството за заштита на потрошувачите имаше најавено казни за пет компании во ноември за наводни „практики на злоупотреба“, меѓу кои наплата за рачен багаж, давање неточни информации и нетранспарентност на цените.

Ирскиот нискобуџетен авиопревозник Рајанер конкретно беше казнет за наплатувањето „несразмерен износ“ за печатење авионски билети на терминалите за тие патници што не си ги отпечатиле дома. Беа казнети и британскиот нискобуџетен авиопревозник Изиџет и шпанските авиокомпании Волотеа и Вуелинг.

Предлогот на Комисијата за транспорт на Европскиот парламент за рачен багаж сега оди на гласање пред сите европратеници. Предлог-измените ќе бидат предмет на преговори меѓу земјите-членки, кои ќе треба да ги одобрат пред правилата да можат да стапат во сила.

Ова значи дека патниците ќе мора малку да почекаат ако се надеваат да си понесат шишиња локално вино или маслиново масло спакувани во бесплатниот рачен багаж.

Тагови: авиолинии патници

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Пронајдено е распарченото тело на милионерка- сопругот, деверот и свекорот се обвинети за страшно злосторство

Судскиот процес за убиството на милионерката и инфлуенсерка Аби Чои започна денеска во Хонг Конг, а главни осомничени за нејзината смрт се нејзиниот сопруг и членовите на неговото семејство.

Пронајдено е распарченото тело на милионерка- сопругот, деверот и свекорот се обвинети за страшно злосторство

На денешното рочиште било констатирано дека Аби била убиена поради семејна расправија за пари.

Поранешниот сопруг на Чои, Алекс Квонг, неговиот татко Квонг Кау и братот Ентони Квонг се обвинети за убиство на Чои во февруари 2023 година. Доколку бидат прогласени за виновни за убиство, им се заканува доживотен затвор. Тие беа обвинети и за спречување на легално погребување на телото.

Сите тројца денеска формално се изјаснија дека не се виновни за нејзиното убиство.

Чои имаше 28 години и беше позната по гламурозниот живот што го споделуваше на Инстаграм, вклучувајќи фотосесии и модни ревии. Неколку дена пред нејзината смрт таа објави фотографии од ревијата на Диор за време на модната недела во Париз.

Во својата воведна изјава, обвинителката Шарлот Дрејкот го истакна значителниот јаз во богатството меѓу Чои и нејзиниот сопруг, опишувајќи како расправиите околу финансиите и нејзините планови да го продаде луксузниот стан биле поттик за нејзиното убиство.

„Се чини дека парите се мотивот за ова убиство“, изјави обвинителката пред поротата составена од осум мажи и една жена.

Во времето кога била убиена, Чои повеќе не била во брак со Алекс и веќе имала нов партнер кој исто така бил од богато и угледно семејство.

По разводот со Алекс, Аби останала во контакт со неговото семејство и финансиски им помагала.

Откако се разведе од нејзиниот поранешен сопруг, таа продолжи да го поддржува семејството Квонг, а исто така им подари стан кој беше на таткото на нејзиниот поранешен сопруг како знак на благодарност што и помогна со нивните две деца.

Токму поради тој стан Аби Чои и нејзиниот свекор имаа конфликт. Таа решила да го продаде станот и да го пресели семејството во периферијата на градот за нејзините деца да живеат помирно и да одат на училиште.

„Тензиите се зголемија во месеците пред нејзиното убиство. Квонг Кау се одрече од Чои и наводно се обидел да ја нападне во една прилика“, рече Драјкот.

Беше лута и Чои, која во една прилика го нарече својот свекор измамник и неблагодарен човек. Таа дури се загрижила дека семејството на нејзиниот поранешен сопруг ќе ги одвои нејзините деца од неа.

Обвинителката рече за време на сослушувањето дека свекорот Квонг Кау на крајот смислил заговор да ја убие Аби Чои.

„Тој направи план со неговите два сина Алекс, нејзиниот поранешен сопруг и Ентони, а тројцата одлучија заедно да ја убијат. Секој од нив имаше улога во нејзиното убиство“, рече обвинителката.

Полицијата претходно соопшти дека Чои, мајка на четири деца, исчезнала на 21 февруари 2023 година.

Три дена подоцна, делови од телото за кои се верува дека се нејзини биле пронајдени во куќа во градскиот кварт Таи По, каде што полицијата пронашла и нож за месо, електрична пила и облека.

Членовите на семејството Квонг беа уапсени набргу потоа.

Судењето продолжува во петок и се очекува да трае најмалку осум недели.

Тагови: милионерка сопруг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Инфлуенсерка, која има 14 милиони следбеници призна дека никогаш не прочитала книга (ВИДЕО)

Инфлуенсерката Аликс Ерл откри дека никогаш во животот не прочитала книга. 

Инфлуенсерка, која има 14 милиони следбеници призна дека никогаш не прочитала книга (ВИДЕО)

25-годишната девојка го признала ова за време на краток разговор со главниот уредник на списанието „Интервју“, Мел Отенберг, објавен на Инстаграм во понеделник.

Кога Отенберг ја прашала која е последната книга што ја прочитала, Ерл одговорила: „Никогаш не сум прочитала книга“. „Можеби д-р Сјуз“, додаде таа, осврнувајќи се на познатите детски книги на Теодор Сјуз Гајзел.

Ѝ се потсмеваа во коментарите

Како што се очекуваше, нејзиното признание предизвика бројни реакции, а многумина се потсмеваа на неа во коментарите.

„Јавно известување во средината на оваа криза со писменост: ЧИТАЊЕТО ВЕ ПРАВИ ТОПЛИ И ЛАДНИ“, напиша едно лице. „Таа никогаш не прочитала книга? Зошто воопшто слушаме вакви глупости 😒 Светот навистина отиде по ѓаволите“, гласеше друг коментар.

Некои едноставно не можеа да поверуваат во нејзината изјава. „НИКОГАШ НЕ СИ ЧИТАЛ КНИГА!!!! Аликс, што по ѓаволите??? Дали си учела дома? Не мораше ли да ја читаш „Да се ​​убие птица подбивница“ во училиште?? ШТО“, праша едно лице.

Сепак, некои од нејзините обожаватели ја пофалија нејзината искреност. „Таа е забавна и неверојатно харизматична... Не можеш да престанеш да гледаш“, напиша еден следбеник.

За ладното кафе на интервју за работа и поранешното момче

За време на истиот разговор, ѕвездата од „Ерл се среќава со светот“ се осврна и на виралната дебата за тоа дали е непрофесионално да се појавиш на интервју за работа со ладно кафе. „Навистина не гледам проблем во тоа“, рече таа додека го пиеше ладниот пијалок. „Претпоставувам дека е проблем на генерацијата Z“.

Таа на шега одговори на прашањето дали некогаш би се помирила со своето поранешно момче. На почетокот рече дека нема, но кога Отенберг ја праша веднаш потоа која е последната лага што ја кажала, таа одговори: „Веројатно ова... Само се шегувам“.

По раскинувањето, таа се обиде да се смири со бившиот

Ерл отворено зборуваше за тоа колку тешко ѝ било да раскине со играчот на НФЛ, Брекстон Бериос, во декември 2025 година, по две години врска.

Нејзината ријалити серија на Нетфликс „Ерл се среќава со светот“ подоцна откри дека таа се обидела да се смири со него по раскинувањето. Во една сцена, таа е прикажана како ги прашува 30-годишните Бериос преку телефон дали има шанси повторно да се здружат.

Бериос, кој не се појави пред камерата, само одговори: „О, Аликс“. Сезоната заврши токму во тој момент, оставајќи го отворено прашањето за нивното можно помирување.

Која е Аликс Ерл?

Аликс Ерл е една од најголемите американски инфлуенсерки од нејзината генерација. Таа има околу 8,7 милиони следбеници на TikTok и речиси шест милиони на Instagram, додека повеќе од 14 милиони луѓе ја следат на двете платформи заедно.

Таа се здоби со слава со своите видеа „Get Ready With Me“ во кои им го покажува на следбениците својот секојдневен живот, состаноци, модни и козметички рутини, а нејзиното влијание се прошири и надвор од социјалните мрежи. Таа доби своја ријалити серија на Нетфликс, „Earle Meets World“, и беше прогласена за еден од највлијателните креатори на содржини на TIME.

Тагови: инфлуенсерка книга

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хегсет потврди: Пентагон двојно ќе го намали најавениот број генерали и адмирали

Секретарот за војна и шеф на Пентагон, Пит Хегсет, ги објави плановите за понатамошно намалување на бројот на генерали и адмирали за 20 проценти за време на неговото обраќање за состојбата на нацијата!

Хегсет потврди: Пентагон двојно ќе го намали најавениот број генерали и адмирали

Хегсет ги одобри плановите за намалување на бројот на генерали и адмирали во Армијата, морнарицата, воздухопловните сили и здружените сили во говорот претходно овој месец.

На војската ѝ е наредено да ги спроведе плановите и да ги заврши намалувањата до 1 јануари 2027 година, објави Фокс њуз.

Се очекува говорот на Хегсет во Квантико, Вирџинија, да ги истакне неговите приоритети за војската во наредната година, а меѓу промените што ќе ги истакне ќе бидат и намалувањата на високите раководни позиции.

Новата цел го дуплира вкупното намалување од 10 проценти на генералските и офицерските позиции што Хегсет го нареди минатата година како дел од неговите напори за рационализирање на повисоките чинови во војската.

Таа претходна директива одделно бараше намалување од 20% на бројот на активни позиции со четири ѕвездички, како и намалување од 20% на бројот на генерали во Националната гарда.

Хегсет ја нарече иницијативата „помалку генерали, повеќе војници“, тврдејќи дека намалувањето на бројот на позиции во повисоката командна структура би ги префрлило ресурсите и авторитетот на војниците кои се поблиску до борбените операции.

Најновите намалувања се на позициите во формацијата наменети за генерали и адмирали, а не на општо отпуштање на 20% од офицерите кои моментално ги држат тие чинови, изјави извор од Военото министерство.

Барем некои од тие позиции ќе бидат намалени, наместо целосно да се елиминираат. Во меморандум од 16 септември со кој се овластуваат намалувањата во комбинираните сили, Хегсет им наложи на службениците да ја утврдат потребата од О-6 за позициите на генерали и офицери наменети за намалување на чинот, дозволувајќи им на полковниците и капетаните на морнарицата да ги пополнат тие позиции.

Соопштението доаѓа точно една година откако Хегсет свика стотици генерали и адмирали од целиот свет во Квантико, Вирџинија, на итен состанок, каде што ги изложи своите очекувања за врвните воени лидери и ги предупреди оние кои не ги поддржуваат неговите реформи да се повлечат.

Хегсет тврдеше дека намалувањето на бројот на генерали и адмирали ќе ги отстрани непотребните слоеви на бирократија и ќе го префрли авторитетот надолу по командниот синџир.

„Ова не е вежба за намалување и елиминација насочена кон казнување на високи офицери“, рече Хегсет кога ги објави претходните намалувања во мај 2025 година.

„Ова беше намерен процес, во соработка со Здружениот штаб, со една цел: максимизирање на стратешката подготвеност и оперативната ефикасност со разумно намалување на чиновите на генерали и офицери.“

Овогодинешната публика ќе изгледа поинаку. Од воените команди е побарано да го испратат најдобриот воен персонал кој ги исполнува барањата за физичка подготвеност и состав на телото и одржува „беспрекорни“ стандарди за дотерување и униформа, според објавените извештаи за внатрешните упатства на Пентагон. Се очекува некои војници избрани да присуствуваат, исто така, да учествуваат во вежбата со Хегсет.

Тагови: Пентагон Пит Хегсет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер