Фудбал

Се судрија навивачи во Аргентина: Родители со бебиња бегаат преку бодликава жица (ВИДЕО)

Вистински хаос се случи на натпреварот од аргентинскиот Лига Куп помеѓу Годој Круз и Белграно (0:0).

Натпреварот го одбележале инциденти надвор од стадионот, додека паниката потоа се пресели на трибините. Проблемите започнаа кога навивачите на Годој Круз се обидоа да влезат на стадионот, иако немале билети.

Полицијата ги запрела, по што навивачите почнале да фрлаат со камења по полицајците. Полицијата одговорила со гумени куршуми и солзавец, кој ветерот го рашири внатре во стадионот. Навивачите панично се обидоа да избегаат од трибината, а родителите преку бодликавата жица ги префрлаа децата на друга трибина.

На крајот, навивачите од таа трибина биле пуштени на теренот, поради што играта беше прекината на половина час, а продолжи кога сите биле безбедни.

Фудбал

Киелини доби менаџерска улога во Јувентус

 Поранешниот долгогодишен фудбалер и капитен на Јувентус, Џорџо Киелини, се врати во италијанскиот гигант во улога на менаџер.

„Се вратив дома, во друга форма и улога, Јувентус е дел од мене“, објави синоќа Киелини на социјалните мрежи.

Тој ќе ја извршува административната улога на директор за институционални односи на Јувентус.

Киелини со Јувентус одигра 561 натпревари, а освои девет титули во Серија А, пет во Купот на Италија и двапати стигна до финалето на Лигата на шампиони (2015, 2017).

Киелини ја заврши својата фудбалска кариера минатата година, додека настапуваше за Лос Анџелес./МИА

Свет

Индија наскоро ќе го започне со години одложуваниот попис

Индија наскоро ќе го започне својот тригодишен одложен попис, објави денеска индискиот министер за внатрешни работи Амит Шах, цитиран од британските медиуми.

Националниот попис, кој се спроведува еднаш во деценијата, требаше да се спроведува во 2021 година, но беше одложен и поради пандемијата на Ковид-19 и поради технички и организациски причини, соопшти агенцијата.

Владата на индискиот премиер Нарендра Моди има за цел да пополни значајни празнини во податоците за населението на земјата во третиот мандат на премиерот по долгогодишни критики за ова прашање. За новата студија на Индија ќе и бидат потребни околу 18 месеци./МИА

Свет

Видео: Бразилски политичар удрил друг со стол за време на дебата

Еден од кандидатите за градоначалник на Сао Паоло, Бразил нападнал друг со столче за време на дебата. Хозе Луиз Датена и Пабло Марсало се расправаа, а потоа Датена замавна со стол кон својот противник.

Сè беше пренесувано во живо од ТВ Култура. Подоцна, Датена изјави за ТВ Култура дека го нападнал Маршал затоа што изнел стари наводи за сексуално вознемирување против него, кои биле отфрлени пред неколку години.

-Дојде со предмет кој беше архивиран, кој полицијата не го ни истражуваше бидејќи немаше докази. Нешто од пред 11 години што предизвика многу сериозна ситуација во моето семејство, изјави Датена.

Иако беше исфрлен од дебатата, тој во вчерашната изјава инсистираше дека не се кае за своите постапки, пишува Си-Ен-Ен.

Маршал беше примен во болницата Сирио Либанес. Неговиот тим соопшти дека тој бил примен во болница со можна фрактура во пределот на градниот кош и дека има потешкотии со дишењето. Од болницата велат дека се здобил со повреди на градниот кош и зглобот, но дека нема поголеми компликации./МИА

притисни ентер