Се шокирала кога ChatGPT ѝ помогнал да открие дека има рак - Канал 5

Живот

Се шокирала кога ChatGPT ѝ помогнал да открие дека има рак

Една жена, која првично мислела дека страда од анксиозност предизвикана од тага, била шокирана кога ChatGPT ѝ поставил дијагноза на рак на крвта.

Се шокирала кога ChatGPT ѝ помогнал да открие дека има рак

27-годишната стратегистка Марли Гарнрајтер откри дека ги игнорирала симптомите поради времето кога се појавиле. Во јануари 2024 година го изгубила својот 58-годишен татко Виктор од рак на дебело црево, па кога почнала да има ноќни потења и чешање на кожата, Марли поверувала дека станува збор за анксиозност предизвикана од тагата по загубата на татко ѝ.

По неколку крвни тестови кои покажале дека сè е во ред, лекарите ја поддржале хипотезата дека симптомите се резултат на тага. Но, наскоро симптомите ескалирале во слабеење, постојана летаргија и ужасен притисок во градите.

„ChatGPT и ми кажа дека имам рак на крвта. Го игнорирав тоа“

Тоа ја натерало да побара помош од пионерската алатка со вештачка интелигенција — ChatGPT.

Неверојатно, ChatGPT ѝ предложил дека можеби има рак на крвта — дијагноза за која првично била „скептична“.

Сепак, во јануари почнала да чувствува дека „нешто не е во ред“ поради постојаната болка во градите, што ја натерало повторно да се јави кај лекар, каде што откриле маса во нејзиното лево белодробно крило. Во февруари 2025 била упатена кај пулмолог, кој ја потврдил дијагнозата — Хоџкинов лимфом, вид на рак на крвта.

Според НХС, симптоми на Хоџкинов лимфом се ноќни потења, ненамерно слабеење, висока температура или треска, постојана кашлица и чешање на кожата.

„Почнав многу да слабеам кога [татко ми] почина,“ се потсетува таа,пренесува Лед Бајбл.

„Јадев нормално, но мислев дека анксиозноста е причината за слабеењето. Прифатив дека човек слабеe од тага. Имав ноќни потења и чешање на кожата. Повторно мислев дека е од анксиозност. Мислев дека добро ја процесирам тагата. Но чувствував дека нешто не е во ред. Во мај им испратив видео на пријателите — прашав ChatGPT и ми кажа дека имам рак на крвта. Го игнорирав тоа. Сите бевме скептични и ни беше кажано да се консултираме само со вистински лекари.“

Откако била потврдена дијагнозата, таа изјавила дека „чувствувала голем гнев“ поради тоа што нејзиното семејство мора да помине низ уште една борба со рак толку брзо.

„Се чувствував како сè да е неправедно,“ рече таа. „Не сакав моето семејство повторно да минува низ ова.“

За среќа, Гарнрајтер добила можност да замрзне јајце клетки пред започнување на хемотерапијата — планирани се четири до шест циклуси — кои започнале на почетокот од март.

Таа заклучи: „Чувствувам самодоверба за иднината. Навистина е важно да го слушаме нашето тело. Понекогаш ја губиме врската со нашето внатрешно јас.“

Можеби ве интересира:

Почетен симптом за рак на црниот дроб, се јавува кога ќе седнете да јадете!

Колку начинот на живот, исхраната и алкохолот влијаат врз појавата на рак

Научниците предизвикале клетките на рак да се самоуништуваат

Тагови: ChatGPT дијагноза Рак на крвта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

Мелони повикува на нормализација на односите со САД по конфликтот со Трамп

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Тагови: Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политико: Унгарија го блокира забрзувањето на преговорите на ЕУ со Украина и Молдавија

Унгарија не даде согласност за клучниот процедурален чекор неопходен за забрзување на пристапните преговори на Европската унија со Украина и Молдавија, објави Политико, повикувајќи се на двајца дипломати на Европската унија.

Политико: Унгарија го блокира забрзувањето на преговорите на ЕУ со Украина и Молдавија

Европската унија на 15 јуни официјално го отвори првиот преговарачки кластер со Украина и Молдавија, а европските челници најавија дека Киев до средината на јули ќеги отвори сите шест кластери. Остварувањето на таа цел сега е доведено во прашање, бидејќи Унгарија вчера била единствената земја членка што се спротивставила на испраќањето писмо до Европскиот совет и до Европската комисија со таков предлог. Унгарскиот премиер Петер Маѓар не се спротивстави на отворањето на првиот кластер за Украина, но претходно реагираше дека ставањето на брза лента на земјата би испратило погрешна порака до Србија, Албанија, Црна Гора и Македонија, кои со години работат на членството во Европската унија.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Активни три пожари низ Македонија, во Куманово и Илинден- горат бандери, дрвја и отпад

На територијата на државата до 14:30 часот се регистрирани вкупно пет пожари на отворен простор. 

ЦУК: Активни три пожари низ Македонија, во Куманово и Илинден- горат бандери, дрвја и отпад

Од нив, три пожари се активни, еден е ставен под контрола, а два пожари се изгаснати.

Како што соопшти ЦУК, активни пожари има: во Општина Демир Хисар – с. Обедник каде гори ниска вегетација, во Општина Куманово – населба Перо Чучо каде се зафатени бандери и дрвја, и во Општина Илинден – с. Јурумлери запален е кабаст отпад.

Под контрола е ставен пожарот во Општините Свети Николе и Лозово – с. Делисинци и с. Сарамзалино, каде гори ниска вегетација.

Изгаснати се пожарите во општините Куманово на ул. „Ѓуро Пуцар“ бр. 38 и во Чашка, во с. Чашка каде горела ниска вегетација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер