-Тешко е да се оценат последните неколку години. Се обидов да се фокусирам на процесот за да го доведам клубот до ниво каде што би можеле да се натпреваруваме за трофеи, а истовремено да го подмладиме тимот. Беше достоен предизвик, но во Билбао имаме можност да ја постигнеме главната цел, изјави Постекоглу.

Финалето на Лига Европа меѓу Тотенхем и Манчестер јунајтед ќе се игра вечер со почеток во 21 часот.

Победникот од овој натпревар ќе обезбеди пласман во Лигата на шампионите следната сезона.

Денес, на едно четиричлено семејство му требаат речиси 64.000 денари месечно – само за преживување.

Ова е директна последица на неспособноста на власта која не презема ништо. Дебакл на економските политики на владата на ВМРО-ДПМНЕ и ЗНАМ.

Цените растат, платите стојат, мерки – нема!

Додека граѓаните се борат со скапотијата и бројат денари за да обезбедат леб до крајот на месецот, владата троши за октоподи, школки и лосос. Само во април и мај, СОЗР склучила милионски договори вредни 2.2 милиони денари за луксузна храна – додека народот преживува со кредити и одрекувања.

Ова не е политика, ова е грабеж!

СДСМ бара веднаш владата да ги прифати мерките за:

-Покачување на минимална плата на 500 евра

-Зголемување на платите во јавниот и приватниот сектор

-Укинување на ДДВ за храна за реално намалување на цените.

СДСМ останува на страната на граѓаните. Ќе се бориме за достоинствен живот, за реални плати и економија што работи за народот, а не за министрите.

СДСМ - Центар за комуникации со јавноста

Градоначалникот Горан Герасимовски во утринската емисија „Здраво Македонијо“ на Канал 5 телевизија потенцираше дека со јавниот повик за практикантство во Општина Центар им се подава рака на центарските студенти кои имаат потреба од практикантство. Герасимовски вели дека со практикантството ќе се вреднува и трудот на младите кои ќе добиваат месечен надоместок од 15.000 денари (нето).

„Имаме повик за практиканти којшто е во тек. Целта ни е да обучиме млади кадри коишто во иднина би ни биле и наши колеги за да го подобриме и зголемиме и тимот на луѓе во општината, но и да им пружиме помош и подадеме рака на нашите центарски студенти коишто имаат потреба од практикантство“, изјави Герасимовски.

Практикантството започнува од 1 јуни 2025 година, ќе се спроведува во општинските сектори и ќе трае до 6 месеци.

Герасимовски информираше дека во тек се неколку јавни повици коишто секоја година се зголемуваат и подобруваат со цел да им се пружи помош на сите центарци.

„Дополнително, тече повикот за велосипеди и тротинети којшто секоја година го организираме, но го проширивме по барање на одредени невладини организации и во делот на купување на дополнителна опрема за велосипеди. Пуштен е повикот за кровови и лифтови, тој оди веќе неколку години по ред и ги зголемуваме финансиските средства во зависност од потребите и барањата на жителите“, рече Герасимовски и најави дека се подготвува и јавниот повик за фасади.

„Имаме повици за новороденчиња, повици за одредени културни настани. Во моментов имаме повик за графити, за разубавување на одредени фасади. Имаме повик за младите за субвенционирање на возачки испит, доделуваме 10.000 денари за нашите ученици коишто ќе полнат 18 години во текот на 2025 година“, истакна Герасимовски.