Се продава редок Pagani Huayra Roadster со поминати само 437 километри

Pagani Huayra Roadster се смета за многу редок спортски автомобил.

Во светот има само 100 примероци, но копијата што моментно се продава во САД е уште по посебна заради нејзината боја.

Имено, автомобилот го продава американскиот дистрибутер Пагани Беверли Хилс. Произведен е во 2018 година, кога е обоен во „екстремно ретката“ мат-црна боја Grigio Opaco.

Драматичниот дизајн на Huayrа е акцентиран од голем број сјајни карбонски компоненти кои ја украсуваат убавата каросерија, и вклучуваат преден разделник, активни воздушни сопирачки на предниот и задниот капак, страничните ретровизори и задниот дифузер.

Внатрешноста е тапацирана во комбинација на црно-бела кожа. Автомобилот поминал само 437 километри и е во фабричка состојба. Тоа е 92-от модел што излегол од производната линија, а кој е придвижуван од 6,0-литарски твин-турбо V12 мотор кој развива 754 КС и 1000 Nm вртежен момент, а чија моќност се пренесува на задните тркала преку автоматски рачен менувач со седум брзини.

Потребни се само три секунди за забрзување од 0 до 100 км на час, а најголемата брзина е 338 км на час. Кога бил нов, автомобилот чинел 2,6 милиони долари.

Овој модел е полесен од стандардниот Roadster и е ограничен на само 40 произведени единици. Моменталната цена е непозната.

Родилка и нејзиното бебе починале на ГАК -директорката Јовановска повеќе детали најави за утре

Вечерва на Клиниката за гинекологија и акушерство во Клиничкиот центар ,,Мајка Тереза” во Скопје , починала родилка , врз која вчера бил спроведен царски рез и било констатирано дека бебето е мртво..

Случајот за Канал 5 го потврди директорката на Гинекологија, Викторија Јовановска која повеќе детали најави за утре.

Јовановска информира дека станува збор за родилка на која ова и била 12-та бременост и дека досега имала шест абортуси и шест раѓања. Од фамилијата на родилката рекоа дека таа на Гинекологија била однесена вчера, па откако било направено Це Те Ге на детето и според нив, констатирано дека било се во ред, за што поседуваат и документ како што тврдат. Како што кажуваат од Клиниката, пак, на жената и кажале дека Це Те Ге- то е добро и не е добро и и рекле за саат време да се врати назад на уште една проверка.

Но, кога ја побарале, таа била замината дома. Според роднини на родилката откако наводно и било кажано да дојде денеска на нов преглед ,по два часа од прегледот направен вчера на пат кон дома, како што објаснуваат нејзини роднини, родилката прокрварела и била повторно вратена назад, по што била подложена на царски рез.

Како што информиравме, повеќе детали од ГАК најавија за утре а Канал 5 ќе го проследи случајот со повеќе детали во утрешните информативни изданија.

Франција и Британија бележат рекорди,се воведуваат строги мерки

Франција објави дека има околу 13.500 нови случаи на коронавирус во последните 24 часа, најмногу од почетокот на епидемијата во земјата, додека Велика Британија соопшти дека има најмногу случаи во текот на 24 часа од 8 мај.

Француските здравствени власти пријавија 13.498 нови случаи на ковид-19, што е нов рекорд за 24 часа откако болеста започна да се шири во земјата.

Бројот на луѓе во Франција кои починале од коронавирус се зголеми за 26 на 31.274, а кумулативниот број на случаи со коронавирус изнесува 442.194.

Во Велика Британија, во последните 24 часа се пријавени нови 4422 случаи на коронавирус, најмногу од 8 мај.

Таа земја во петокот потврди 4.322 случаи на коронавирус, што е за речиси илјада повеќе од претходниот ден.

Досега се регистрирани вкупно 390.358 инфекции со коронавирус во Велика Британија, додека починале 41.759 лица.

Најновиот пораст на бројот на новозаразени доаѓа откако британските власти денеска објавија дека дополнителни ограничувања ќе стапат на сила во вторник во централните и северните делови на Англија, со цел да се намали зголемувањето на бројот на луѓе со ковид-19.

Контактот помеѓу различни домаќинства ќе биде забранет, додека работното време на угостителските објекти што работат до доцна навечер,ќе биде ограничено.

Селена Гомез со лична порака до Марк Закерберг: Имаме сериозен проблем

Селена Гомез му испрати приватна порака на Марк Закерберг обидувајќи се да го сврти вниманието на расистичката содржина и лажните информации на Фејсбук. Пораката ја објави на својот Инстаграм во петокот вечерта.

Покрај Закерберг, таа исто така и напиша и на извршниот директор на Фејсбук Шерил Сандберг, барајќи од нив да обратат внимание на „омразата, лажните информации, расизмот и нетолеранцијата“ на нивните платформи.

"Помина веќе некое време откако седевме на иста маса. Имаме сериозен проблем. Фејсбук и Инстаграм се користат за ширење омраза, лажни информации, расизам и нетолеранција. Ве повикувам двајцата да ни помогнете да го запреме ова", напиша таа.

Таа ги повика да ги затворат групите и да ги блокираат корисниците кои шират говор на омраза и лажни информации и промовираат насилство. Таа е особено загрижена за лажните информации за изборите.

"Нашата иднина зависи од тоа, ова е изборна година. Не можеме да дозволиме лажни информации за гласањето. Мора да има проверка на фактите и одговорност. Се надевам дека ќе излезете што побрзо", додаде таа.

Таа ја сподели пораката со своите 193,000 следбеници на Инстаграм откако голем број на познати личности како Ким Кардашијан и Наоми Кембел го бојкотираа објавувањето на Инстаграм во средата.

„Неточните информации споделени на социјалните мрежи сериозно влијаат на претстојните избори и ја поткопуваат нашата демократија и имаат сериозно влијание врз општеството“, објави Ким Кардашијан, која се приклучи на движењето како дел од кампањата # СтопЗа Зборот за профит, што ја започнаа активисти за човекови права во САД.

„Не можам да стојам и да молчам додека различни платформи дозволуваат говор на омраза и дезинформации се шират на нив“, напиша sвездата на реалното шоу.

Со 188 милиони следбеници на Инстаграм, Кардашијан има еден од 10-те најследени профили во светот и одлучи да го „замрзне“ 24 часа во средата.

Заедно со неа, Леонардо ди Каприо, Саша Барон Коен, Кери Вашингтон, Џенифер Лоренс, Кети Пери и Наоми Кембел одлучија да ги бојкотираат активностите на социјалните мрежи.

Актерот Ештон Качер, кој има милиони следбеници на социјалните мрежи, се приклучи на бојкотот и рече: „Овие платформи не се создадени за ширење омраза и насилство“.

Организаторите на кампањата, започната во јуни, ги обвинуваат Фејсбук и Инстаграм дека не прават доволно за да спречат говор на омраза и да шират лажни информации. Групата е особено фокусирана на Фејсбук, кој е сопственик на Инстаграм и WhatsApp, а минатата година компанијата оствари профит од скоро 70 милијарди долари.

„Ние сме се поблизу до изборите, кои би можеле да бидат едни од најважните во американската историја“, се вели во соопштението на групата, додавајќи дека „козметичките промени што ги направи Фејсбук се опасно далеку од она што треба да се направи за да се заштити демократијата“.

притисни ентер