Се појавија фотографии од мистериозен концепт на Мустанг од 1966.

Интересно е тоа дена овој Мустаг имал централно поставен мотор.

Шевролет минатата година за прв пат по скоро седум децении лансираше нов модел на Корвета со централно поставен мотор, со што целосно се менува концептот на овој легендарен автомобил.

Иако во шеесеттите години било експериментирано со концептни автомобили чиј мотор е сместен зад седиштето на возачот, на овој американски произведувач

Му требаа 66 години да се одлучи за таква конфигурација во продукцискиот модел на Корвета.

Судејќи по пронајдените фотографии, Форд во истиот период, поточно 1966 година, ја разгледувал опцијата за Мустанг со централно поставен погонски систем.

Форд Перформанс на својот официјален веб сајт објави четири фотографии од овој концепт, но без приказна која би го појаснила потеклото и судбината на возилото. Причина? Па ни тие немаат информации за автомобилот, освен она што може да се заклучи врз основа на фотографиите , а тоа е дека моторот наместо напред, како кај сите Мустанг модели е сместен зад седиштата на возачот и совозачот.

Покрај тоа, познато е само дека фотографиите настанале во дизајнерското студио во Дирборн на 2. мај 1966. година.

Тоа е и причината зошто Форд им се обрати на сите вљубеници во Мустанг и добри познавачи на тој модел во обид да ја открие целосната приказна за интригантниот концепт.

Сите оние кои мислат дека знаат повеќе детали за автомобилот, Форд ги повикува да пратат меил на ClubHub@Ford.com. Компанијата подготвила и посебна награда доколку дадените информации им помогнат да ја пополнат празнината.

притисни ентер