Се печатат нови пари: Европа распиша конкурс, еврото ќе добие нов изглед - Канал 5

Економија

Се печатат нови пари: Европа распиша конкурс, еврото ќе добие нов изглед

ЕЦБ распиша конкурс за нов дизајн на евробанкнотите, отворен за дизајнери од ЕУ до 18 август преку нејзината официјална платформа.

Се печатат нови пари: Европа распиша конкурс, еврото ќе добие нов изглед

Европската централна банка (ЕЦБ) објави официјален јавен конкурс за нов дизајн на евробанкнотите, а натпреварот е отворен за графички дизајнери со живеалиште во Европската унија кои можат да се пријават до 18 август преку официјалната платформа на ЕЦБ.

Во претходните фази, ЕЦБ се консултираше со експерти и јавноста, врз основа на што Извршниот одбор избра две тематски основи кои ќе бидат инспирација за идните банкноти: „Европска култура“, со фокус на заеднички културни простори и значајни личности на континентот, и „Реки и птици“, кои симболизираат отпорност и разновидност на европските природни екосистеми.

Можеби ќе ве интересира: Граѓаните на оваа држава ќе добијат 100 евра, само со услов: Ќе мора да ги потрошат парите на едно место

Конкурсот ќе се одвива во две фази:

-Фаза на пријавување, во која дизајнерите треба да ги исполнат одредените услови наведени во јавниот повик

-Фаза на изработка на предлози, за време на која избраните кандидати ќе достават конкретни дизајнерски решенија, пренесува Биз портал.

За нив ќе одлучува независна комисија – Жири на дизајнерскиот натпревар, кој ќе избере најмногу пет решенија по тема.

– Евро не е само средство за плаќање – тој е симбол на европското единство и разновидност. Со овој конкурс ги повикуваме уметниците низ Европа да го обликуваат идниот изглед на нашите банкноти за да го одразуваат заедничкиот идентитет и природното наследство – изјави претседателката на Европската централна банка, Кристин Лагард.

Можеби ќе ве интересира: Жена нашла 5.500 евра во кеш, а кога заминала во банка, веднаш ја вратиле поради неверојатна причина

Конечната одлука за изгледот на идните евробанкноти се очекува до крајот на 2026 година, се наведува во соопштението на веб-страницата на ЕЦБ.

Тагови: Евро Европа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада донесе одлука: Се намалува ДДВ-то за горивата од 18 проценти на 10 проценти

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Влада донесе одлука: Се намалува ДДВ-то за горивата од 18 проценти на 10 проценти

Владата на денешната седница, донесе Одлука со која ДДВ се намалува од 18% на 10%, со цел директно да се ублажи ценовниот удар врз граѓаните и стопанството во услови на кризна состојба поради можноста за нарушувања во снабдувањето со нафта и нафтени деривати.

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Кај нафтата, наместо редовното очекувано зголемување од околу 5 денари, со оваа мерка се очекува намалување од околу 2 денари. Тоа значи вкупно ублажување на ценовниот удар од околу 7 денари, при што новата цена би изнесувала околу 99 денари за литар.

Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за бензинот ЕУРОСУПЕР БС-95, односно 102,5 денари за литар за бензинот ЕУРОСУПЕР БС-98.

Повластената даночна стапка од 10% ќе се применува од 00:01 часот на 15 септември 2026 година до 24:00 часот на 28 септември 2026 година.

Со оваа одлука Владата презема конкретна и навремена мерка за заштита на животниот стандард на граѓаните, намалување на финансискиот товар и поддршка на стопанството во услови на кризна состојба.

Владата продолжува внимателно да ги следи состојбите на пазарот на нафтени деривати и да презема мерки во интерес на граѓаните и економијата.

Тагови: влада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер